Epelo 2:17 - Tosi Tapu

¹⁷ Koia na tonu ai ke fakatatau a ia ki ona fetaina i nea fuli, talie ke liliu ai a ia ko se pule fai sakilifisio manavaalofa mo agatonu i lana gaoi i mua o le Atua, ti ke fai e ia le fakamolemole o agasala a le kakai.

Epelo 2:17 ပူးပေါင်းရင်းမြစ်များ

Lua tosi o Koloniko 29:24

Na tamate loa latou e le kau tagata faisakilifisio ti na lotou liligi loa le toto ki le vae o le aletale ke fakamolemole ai a agasala a Iselaele katoa ; talie na fakatotonu e le sau ke fai le failaulau mo sakilifisio fakamolemole o agasala ki Iselaele katoa.

Esaia 11:5

E liliu loa le faitotonu ko le kilipipi o ona vakavaka, Ti mo le agatonu ko le kilipipi o ona ifiifi.

Esekiele 45:15

E kotou soli loa se ovi e tasi i se kau manu o ni ovi e kau lelau lua, i faisaga sesega malie o Iselaele, ki le moliga, mo le failaulau mo le sakilifisio fakafetai, o tupu ke momoli ofaipe se vikitima fakamolemole o le agasala, e pati le Aliki, le Eteleno.

Esekiele 45:17

E tokaga loa le tama aliki ki failaulau, mo moliga nea kai, mo moliga vino, mo aso lalasi o masina foou, mo sapato, mo aso lalasi fuli o le fale o Iselaele. E momoli loa e ia le sakilifisio fakamolemole o agasala, mo le moliga nea kai, mo le failaulau, mo sakilifisio fakafetai, mo sakilifisio ki le fakamolemole o agasala o le fale o Iselaele.

Esekiele 45:20

E ke toe fai loa le nea lena i le aso fitu o le masina, kia latou ala e faisala pe loto noa ; e kotou fakamea loa i ai le fale tapu.

Taniela 9:24

Kua fakatuutuu ni vasaa e kau fitu ki lou kakai ti mo le kolo maokioki, ke fakagato ai a agaveveli, mo fakaoki ai a agasala, mo fakamolemole ai le agatuu, mo aumai ai le faitotonu lee gato, mo fakasoko ai a nea ala na tio mo folafola ki ai le kau polofeta, ti mo toe fakatapui ai le fale tapu.

Levitiko 14:18

Ti e liligi loa e ia le toe o le lolo leia e tuku i lona lima ki le fa ulu o le tagata lena ; ti e fai loa e le tagata faisakilifisio le fakamea, i mua o le Eteleno.

Levitiko 16:16

E fai fenaaki loa e ia le fakamalie i le sagatualio o tupu ko kelekele a fanau a Iselaele mo maumau fuli ala na lotou agasala ai. E toe fai fenaaki loa e ia ki le falela tapu, leia e nofo mo latou i loto malie olatou kelekele.

Levitiko 8:15

Ti na tamate loa e Moisese le pipi tagata, ti na too loa e ia le toto, o pooi ki ai a tala o le aletale ki lona maikao, ke fakamea ai a ia ; ti na liligi loa e ia le toe o le toto ki le vae o le aletale. Ko lena le nea leia na fai loa e ia ke fakatapui ai le aletale, o tupu ke feala ai lona fakaaoga ki le fai o sakilifisio fakamolemole o agasala.

Numelo 15:25

E fai loa e le tagata faisakilifisio le fakamalie ki le fakatasi o fanau fuli a Iselaele, ti e fakamolemole loa kia latou ; talie na lotou agasala fakafuanoa, ti kua lotou ave lalatou moliga, ko se sakilifisio tutu e le afi ki le Eteleno ti ko se vikitima fakamalie i mua o le Eteleno, o tupu ko le agasala leia na lotou fai fakafuanoa.

Loma 15:17

Koia i le fakatasi mo Sesu-Kilisito, e feala ke kau fia tagata i laku gaoi ki le Atua.

Loma 5:10

Talie kapau, i le temi leia na tou fefiliaki ai, na fakatokatoka tatou mo le Atua i le mate o lona Alo, e toe tasi ake loa lotatou saofaki e lona mauli i le oki o lotatou fakatokatoka mo le Atua.

Efeso 2:16

ti ke fakatokatoka laua mo le Atua i se tino e tasi i le koluse, o maumaui le fefiliaki i le koluse.

Kolose 1:21

Ti ko koutou, ala na matapule mo fili i mua o tupu ko akoutou manatu mo akoutou gaoi veveli, kua fakatokatoka e ia koutou i le aso nei i lona mate i le tino o lona kanofi,

Epelo 10:21

ti kua tou maua se pule fai sakilifisio leia kua fakanofo i le fale o le Atua ;

Epelo 2:11

Talie ko leia e fakamea ia, ti mo latou ala kua fakamea, e lotou au fuli mei le toka tasi. Koia e leaise luma ai a ia i lolatou fakaigoa ko ona fetaina,

Epelo 2:14

Koia i le kau o fanau ki le toto mo le kanofi, na toe kau foki a ia totonu ki ai, o tupu ke too ai e ia, i lona mate, le makeke o leia na maua ia le makeke o le mate, Satana ;

Epelo 2:16

Talie e maoki e leaise au a ia o tokoi ki le kau aselo, kae ki le sakoga o Apalaamo.

Epelo 3:1

Koia, fetaina maokioki, ala e kau ki le vokasio mei lagi, kotou tokaga lasi ki le apositolo, mo le pule fai sakilifisio o le tui leia e motou fakasa ia,

Epelo 3:2

Sesu, leia na agatonu ki leia na fakanofo ia a ia, ofaipe Moisese leia na agatonu i lona fale katoa.

Epelo 3:5

Kia Moisese, na agatonu a ia i le fale katoa o le Atua, ofaipe se tagata fakasausau, ke fakamaoki ki le nea leia e tonu ke fakasa ;

Epelo 4:14

Koia i le kua tou maua ai se pule fai sakilifisio leia kua ulu i le atu lagi, Sesu, le Alo o le Atua, ke tou tuu makeke i le tui leia e tou fakasa.

Epelo 4:15

Talie e leaise tou maua ia se pule fai sakilifisio leia e leaise mafai ke manavaalofa ki otatou gaegaeia ; talie na fakasalai a ia ofaipe tatou i nea fuli, kae na leaise agasala fua a ia.

Epelo 5:1

Talie, ko le pule fai sakilifisio fuli, kua filifili a ia i lotomalie o le kakai, ti kua fakanofo a ia ki le kakai ke tausi ki le Atua, o tupu ke momoli e ia ni moliga mo ni sakilifisio o tupu ko agasala.

Epelo 5:10

talie kua fakasa e le Atua ko le pule fai sakilifisio a ia o mulimuli ki le faasiga o Melekiseteke.

Epelo 5:2

E feala ke maua e ia se alofa mamae ki le kau vale mo le kau sese, talie e kau foki a ia totonu ki le gaegaeia.

Epelo 5:5

Kae ko Kilisito, na leaise too e ia totonu kiate ia le kololia ke nofo ko le pule fai sakilifisio, kae na maua e ia mei leia na pati kiate ia : Ko loku Vosa a koe, Na kau fakatupu a koe i le aso nei !

Epelo 6:20

i le ganea leia kua ulu ki ai Sesu ofaipe se tagata kua muamua kia tatou, leia kua fakanofo ko le pule fai sakilifisio o lee gato, o mulimuli ki le faasiga o Melekiseteke.

Epelo 7:26

Koia na aoga ai kia tatou ke tou maua se pule fai sakilifisio o tatau mo ia, maokioki, mo mea, mo lee mele, mo mavae kese mei le kau agasala, ti mo taualuga ake i le atu lagi,

Epelo 7:28

Talie e fakanofo e le lao ke pule fai sakilifisio ni tagata gaegaeia ; kae ko le folafola o le sai, leia na fai i muli o le lao, na fakanofo ia le Alo leia e malie tukupau o lee gato.

Epelo 8:1

Ko le puani tafito o le nea leia e tou masau ki ai : Kua tou maua se pule fai sakilifisio, leia kua eke i le fetuu atamai o le nofoaga sau o le agai o le Atua i le atu lagi,

Epelo 8:3

Talie ko pule fai sakilifisio fuli, kua fakanofo latou ke lotou momoli ni moliga ti mo ni sakilifisio ; koia na aoga ai kiate ia ke i ai foki sana nea ke momoli.

Epelo 9:11

Kae kua au Kilisito ko le pule fai sakilifisio o nea malilie ka au ; ti kua ulu a ia ki le tapenakulo lasi ake mo malie tukupau, leia na leaise fau e lima o le tagata, ko lona uiga e leaise tuu a ia i le malama nei ;