Epelo 13:6 - Tosi Tapu

⁶ Koia e mafai ai ke tou pati makeke ai : Ko le Aliki ko loku tokoi, e leaise kau i loa ki se nea ; Kolea e mafai e se tagata kiate au ?

Epelo 13:6 ပူးပေါင်းရင်းမြစ်များ

Senesi 15:1

I le oki o nea ana, na tuku loa le folafola a le Eteleno kia Apalamo i se tio kiate ia, o pati : Apalamo, aua na ke i ! Ko au ko lou paletau, ti e lasi loa lou fakapale.

Uluaki tosi o Sau 17:8

Ti na tuku loa le folafola a le Eteleno kia Elia, o pati :

Pesalemo 124:8

E maua lomatou tokoi i le suafa o le Eteleno, Leia na fai ia le lagi mo le kele.

Pesalemo 146:3

Aua na kotou fanaki ki le kau lalasi, Ki vosa o le tagata, ala e leaise mafai ke fakamauli ia.

Pesalemo 27:9

Aua na ke fufu ou mata kiate au, Aua na ke tekei lau tagata fakasausau i lou sausau ! Ko loku tokoi a koe, aua na ke tuku au, aua na ke tiaki au, Ei Atua o loku fakamauli !

Pesalemo 33:20

E amanaki malie omatou laumalie ki le Eteleno : Ko lomatou tokoi a ia, ti mo lomatou paletau.

Pesalemo 40:17

Kae ko latou fuli ala e afa ia a koe Ke lotou nekenekea mo fiafia iate koe, Ko latou fuli ala e alofa ki lou fakamauli Ke lotou pati tuumau : ke fakafetai ki le Eteleno !

Pesalemo 54:4

Ei Atua ! fakalogo mai ki laku kole, Tuku mai lou taliga ki masau o loku gutu !

Pesalemo 56:4

I le aso leia e kau i ai, E kau fanaki kiate koe.

Pesalemo 63:7

Ka kau manatu kiate koe i loku moeaga, E kau metitasio kiate koe i ola o le pouli.

Pesalemo 94:17

Ka na leaise tokoi le Eteleno kiate au, Kua ifo loa loku laumalie ki le nofoaga o le kau mate.

Ekesote 18:4

ti na igoa le tasi ko Eliesele, talie na pati a ia : Ko le Atua o loku tamana ko loku tokoi a ia, ti ko ia leia na saofaki ia au i le seleta a Falaone.

Esaia 41:10

Aua na ke i ki se nea, talie e kau nofo mo koe ; Aua na ke takamilo ni mata tuania, talie ko au ko lou Atua ; E kau fakamakeke a koe, e kau au o tokoi kiate koe, E kau taofi a koe ki loku lima atamai malo.

Esaia 41:14

Aua na ke i ki se nea, kelemutu o Sakopo, Toetoega gaegae o Iselaele ; E kau au o tokoi kiate koe, e pati le Eteleno, Ti ko le Sagato o Iselaele ko lou fakamauli.

Mateo 10:28

Aua na kotou i kia latou ala e tamate ia le tino kae e leaise mafai ke lotou tamate ia le laumalie ; kotou i tafito ki leia e tamate ia le laumalie ti mo le tino i Ifeli.

Loma 8:31

Kolea loa ke tou pati ki nea ana ? Kapau e kau le Atua mo tatou, ko ai loa ka fakafesagai mai kia tatou ?

Efeso 3:12

iate ia e tou maua ai, i le tui kiate ia, le lauatea ke tou fakafeofi ai ki le Atua i le fanaki.

Tetelonome 33:26

E leaise tatau se tasi mo le Atua o Iselaele, E amo a ia i le lagi ke au o tokoi mai kiate koe, E amo a ia fakaalialiki a ia i aluga o ao.

Tetelonome 33:29

Manuia a koe, Iselaele ! Ko ai e tatau mo koe ? Ko se kakai na saofaki e le Eteleno, Leia ko le paletau e puipui ia a koe, Ti ko le seleta o lou kololia ? E leaise tuu loa ou fili i ou mua, Ti e ke takafi loa ki lou vae olatou ganea taualuga.

Epelo 10:19

Koia, fetaina, kua tou maua i le toto o Sesu-Kilisito le lauatea ke tou ulu ai ki le sagatualio,

Epelo 4:16

Koia ke tou fakafeofi ai i le tui makeke ki le agaiaga o le kalasia, o tupu ke tou maua ai le manavaalofa ti ke tou tali ai le kalasia, ke tokoi ai kia tatou i nea ala e aoga kia tatou.

Uluaki tosi a Samuele 23:17

ti na pati loa a ia kia Tavite : Aua na ke tuania, talie e leaise kaku loa kiate koe le lima o Saulo, loku tamana. E ke pule loa ki Iselaele, ti ko au, e kau nofo loa i le tuulaga lua i ou tafa ; kua iloa le nea lena e Saulo, loku tamana.