Epelo 13:4 - Tosi Tapu

⁴ Kotou fakaapaapa fuli ki le nofo avaga, ti ke agatonu le taumatua, talie e fakamaaui loa e le Atua latou ala e fai feauaki mo tono.

Epelo 13:4 ပူးပေါင်းရင်းမြစ်များ

Senesi 2:21

Koia na tuku ai loa e le Eteleno Atua se fia moe lasi ki le tagata, ti na moe loa a ia. Ti na too loa e ia sona ivi vakavaka e tasi, kae na toe tapono loa e ia le kanofi.

Senesi 2:24

Koia leia e tonu ai ke mavae loa le tagata i lona tamana mo lona tinana, ti ke pipiki loa a ia ki lana avaga, ti e la liliu loa ko se tino e tasi.

Lua tosi o Sau 22:14

Na ano loa le tagata faisakilifisio ko Ilekisa, mo Asikame, mo Akepole, mo Safani, ti mo Asaia, ki le fafine polofeta ko Ulita, avaga o Salume, le vosa o Tikeva, vosa o Alase, le tagata leoleo o kofu. Na nofo a ia i Selusalemi i leia ake fetuu o le kolo.

Sopo 31:12

E tatau loa laku sala mo se afi, leia e kai ia loa au o kaku ki le maumau, Ti e tutu ia loa aku nea fuli.

Esaia 8:3

Na kau momoe loa mo laku avaga, le fafine polofeta ; na tinae loa a ia, ti na fanaui loa e ia se tama. Na pati mai loa le Eteleno kiate au : Fakaigoa a ia ko Maele-Salale-Kase-Pase.

Levitiko 15:18

Ti kapau e momoe loa se tagata mo se fafine, e tonu ke la fakamea loa toka lua, ti e la kelekele loa o kaku ki le afiafi.

Levitiko 18:20

Aua na ke sufegi loa le telefua o le avaga o lou oloi, talie ko le nea lena e fakakelekele ia a koe.

Malakia 3:5

E kau fakafeofi loa kia koutou ki le fakamaau, Ti e kau fakatavili loa o fakamaoki ki le kau faikikite loi mo le kau tono fafine, Kia latou ala e fakapapau loi, Kia latou ala e taofi ia le totogi o le tagata gaoi, Latou ala e fakamamae ia le fafine sala avaga mo le toe sala matua, Mo latou ala e agaveli ki le matapule, ti mo latou ala e leaise i kiate au, E pati le Eteleno o kau tau.

Uluaki tosi ki le kau Kolinto 5:13

Kia latou ala i tafa, e fakamaaui latou e le Atua. Kotou too meia koutou le tagata agasala lena.

Uluaki tosi ki le kau Kolinto 6:18

Kotou sola mei le fai feauaki ! Ko agasala fuli ake ala e fai e se tagata, e fai i tafa o le tino ; kae ko leia e fai ia le fai feauaki e agasala a ia ki lona tino totonu.

Uluaki tosi ki le kau Kolinto 6:9

Pe leaise kotou iloa e leaise maua loa le puleaga o le Atua e le kau lee agatonu ? Aua na kotou fai sala i le nea lena : Ko le kau fai feauaki, mo le kau tausi taulaatua, mo le kau tono,

Uluaki tosi ki le kau Kolinto 7:38

Koia, ko le tagata leia e avaga mo lana feauaki e fai ia se nea leia e malie, ti ko le tagata leia e leaise avaga mo lana feauaki e fai ia se nea leia e toe malie lasi ake.

Uluaki tosi ki le kau Kolinto 9:5

Pe leaise tonu ke ma ave ia ni tuagaane ko ni oma avaga, ofaipe la ake apositolo, mo fetaina o le Aliki, ti mo Sefasi foki.

Lua tosi ki le kau Kolinto 5:10

Talie e tonu ke tou tutuu fuli i mua o le fakamaauaga a Kilisito, o tupu ke tali e le tagata taki toka tasi o mulimuli ki le malie mo le veli leia na fai i le tino.

Kalate 5:19

E mailoga malie a gaoi o le kanofi ; ko le fai feauaki, mo le kelekele, mo le fakavalevale ;

Kalate 5:21

mo le manumanu, mo le inu fakavale, mo le kai fakavale, mo nea fuli ala e tatau mo nea ana. E kau fakasa fakatomua atu kia koutou, ofaipe laku fakasa atu i mua, ko latou ala e fai ia a nea ana e leaise maua ia loa le Puleaga o le Atua.

Efeso 5:5

Talie, ke kotou iloa, e leaise tagata fai feauaki, mo se tagata fakakelekele, mo se tagata manumanu, (ko lona uiga e tausi taulaatua) e maua ia le puleaga o Kilisito mo le Atua.

Tetelonome 22:22

Kapau e maua loa se tagata leia e momoe mo se fafine avaga, e la mamate toka lua loa, le tagata leia na momoe mo le fafine, mo le fafine foki. E ke too loa i ai le veli i loto malie o Iselaele.

Uluaki tosi ki le kau Tesalonika 4:6

ke aua na fakatotolo e se tasi le avaga o lona taina, talie e tautea e le Aliki a tagata fenaaki, ofaipe lamatou fakasa fakatomua mo fakamaoki a ia kia koutou.

Uluaki tosi kia Timoteo 3:12

Ko le kau tiakono, e tonu ke lotou avaga mo se fafine e tasi, ti ke lotou taki malie alatou fanau mo olatou famili totonu ;

Uluaki tosi kia Timoteo 3:2

Koia e tonu ai le epikopo ke lee sala, ke avaga mo se fafine e tasi, ke tokaga, ke fakapotopoto, ke poto i le taki o lona mauli, ke fakatalitali kaiga matapule, ke poto i le akonaki.

Uluaki tosi kia Timoteo 3:4

E tonu ke takitaki malie e ia lona fale totonu, ti ke fakalogo ana fanau kiate ia i se fakaapaapa katoa ;

Uluaki tosi kia Timoteo 4:3

e lotou fakatotonu ke aua na avaga, ti ke aua na kai a nea kai ala na fakatupu e le Atua ke too mo le loto fakafetai e latou ala e agatonu ti kua iloa ia le maoki.

Uluaki tosi kia Timoteo 5:14

Koia e kau loto ai ke avaga a fafine lokonui tupulaga, ke lotou maua ni alatou fanau, ke lotou takitaki olatou fale, o tupu ke aua na lotou tuku ki le fili se faigamalie ke lauveli ;

Tito 1:6

mo kapau e maua i ai se tagata leia e lee sala, ko le avaga o se fafine e tasi, e tui ana fanau, ti e leaise valoki latou i le mauli fakalialia pe ko le patigataa.

Epelo 12:16

Ke kotou tokaga na i ai se tasi e fai feauaki, pe ko se tasi e lee fakaapaapa ki nea tapu ofaipe Esau, leia na fakatau ia lona tapuaki o le uluaki vosa ki se nea kai e tasi.

Apokalipisi 22:15

Ki fafo a kuli, mo le kau fai nea fakatalatupua, mo le kau fai feauaki, mo le kau tukipo, mo le kau tausi taulaatua, ti mo le kau loi fuli i masau mo gaoi !