Epelo 13:2 - Tosi Tapu

² Aua na kotou galoi le fakaafe o kaiga matapule ; talie i le fai o le nea lena, na fakaafe ai e ni iki ni aselo kae e leaise lotou iloa a ia.

Epelo 13:2 ပူးပေါင်းရင်းမြစ်များ

Senesi 18:1

Na sa loa le Eteleno kiate ia i le ulu sene o Mamele, kae na tonatona a ia i le matapa o lona falela, i le vevela o le aso.

Senesi 19:1

Na kaku loa aselo e toka lua ki Sotoma i le afiafi ; kae na tonatona loa a Lote i le matapa o Sotoma. I le tio a Lote kia laua, na tuu ake loa a ia o ano o fakafelavei kia laua, ti na punou loa a ia o kaku ki le kele.

Lua tosi o Sau 4:8

I se aso na fakalaka Eliseo i Sunami. Na nofo i ai se fafine mauiga, leia na taofi ia a ia ke kai. I ana fakalakaaga fuli i ai, na ano a ia o kai i le kaiga o le fafine.

Sopo 31:19

Ti kapau na kau tio e sala lava le tagata mativa, Ti e sala tupenu kafu le tagata fakaaloalofa,

Sopo 31:32

Kapau na moe le matapule i fafo i le pouli, Ti kapau na leaise kau fakamavaa loku matapa ki le tagata fanoga ;

Esaia 58:7

Vaevae lau pane mo leia e fia kai, Fakaulu ki lou fale latou e fakaaloalofa mo sala nofoaga ; Ka ke tio ki se tagata telefua, uufi a ia, Kae aua na ke maliu kese i leia e tatau mo koe.

Levitiko 19:34

E kotou fai loa kiate ia ofaipe se tasi o koutou ; e kotou alofa loa kiate ia ofaipe koutou totonu, talie na kotou matapule foki i le fenua o Esipito. Ko au ko le Eteleno, ko lokoutou Atua.

Mateo 25:35

Talie na kau fia kai, ti na kotou soli mai kiate au se nea ke kai ; na kau fia inu, ti na kotou soli mai kiate au se nea ke inu ; na kau matapule ti na kotou tali au ;

Mateo 25:40

Na tali loa le sau kia latou : E kau pati maoki atu kia koutou, ko faiaga fuli ala na kotou fai ai a nea ana ki se tasi o oku fetaina liliki oki, ko au leia na kotou fai ki ai.

Mateo 25:43

na kau matapule ti na leaise kotou tali au ; na kau telefua, ti na leaise kotou fakalava au ; na kau masaki mo pilisoni, ti na leaise kotou au o fakatele mai kiate au ;

Gaoi 16:15

I le oki o lona papitema, a ia mo lona famili, na fai loa e ia kia matou le kole leinei : Kapau e kotou tio e kau tui maoki ki le Aliki, kotou ulu ki loku fale, o nonofo i ai. Ti na fakaafe loa e ia matou ke matou tali lana kole.

Loma 12:13

Ke kotou tokaga ki nea ala e aoga ki le kau sagato mativa. Ke kotou fakatalitali kaiga.

Loma 16:23

E fakaalofa atu kia koutou a Kaiusi leia na fakatalitali ia au, ti mo le Ekelesia katoa. E fakaalofa atu kia koutou Elaseto, le tagata taupau paaga o le kolo, ti mo le taina ko Kaletusi.

Uluaki tosi kia Timoteo 3:2

Koia e tonu ai le epikopo ke lee sala, ke avaga mo se fafine e tasi, ke tokaga, ke fakapotopoto, ke poto i le taki o lona mauli, ke fakatalitali kaiga matapule, ke poto i le akonaki.

Uluaki tosi kia Timoteo 5:10

ti ke iloa a ia o tupu ko ana gaoi malilie : ke tausi malie a ia ki ana fanau, mo fakatalitali kaiga matapule, mo fufulu a vae o le kau sagato, mo tokoi ki le kau masaki, ti mo fai ia a gaoi malilie fuli.

Tito 1:8

kae ke fakatalitali kaiga malie a ia, ti ke kaukau nea a ia mo tagata malilie, mo fakapotopoto, mo faitotonu, mo maokioki, mo loto lolomi,

Uluaki tosi a Petelo 4:9

Ke kotou fai le fakatalitali kaiga i okoutou vasaa o sala lauga.

Tolu tosi a Soane 1:5

Alofaina, e ke agatonu i le nea leia e ke fai ki fetaina, ti mo fetaina matapule foki,