Epelo 13:16 - Tosi Tapu

¹⁶ Aua na kotou galoi le fai nea alofa ti mo le kai solisoli, talie ko sakilifisio ana e fiafia ai le Atua.

Epelo 13:16 ပူးပေါင်းရင်းမြစ်များ

Pesalemo 37:3

Ke ke fanaki ki le Eteleno, ti ke fai le nea leia e malie ; Ke ke maua le fenua ko lou nofoaga, ti ke ke fai le malie ko lau nea kai.

Pesalemo 51:19

Ko sakilifisio ala e malie ki le Atua, ko se loto fatifatii : Ei Atua ! e leaise ke tiaki se loto fatifati mo fakasemala.

Luka 18:22

I le logo a Sesu ki le nea lena, na pati loa a ia kiate ia : Koi puli fua kiate koe le nea e tasi : Fakatau a nea fuli ala e ke maua, tufa a ia ki le kau mativa, ti e ke maua loa se koloa i le lagi. Ti ke au, o muli mai iate au.

Gaoi 10:38

Ti kua kotou iloa le fakanofo e le Atua o Sesu mei Nasaleti i le Laumalie Maokioki mo le makeke. Ti kua kotou iloa foki le ano saele a Sesu i le fenua katoa o fai a nea malilie ti mo fakamauli latou fuli ala na saisai e le pule o le temonio, talie na nofo iate ia le Atua.

Gaoi 9:36

Na nofo i Sope, i le kau tisipulo, se fafine na igoa ko Tapita, ko lona uiga i le fakakeleka ko Tolokasi ; na fai e le fafine lena ni gaoi malilie lasi ai mo ni nea alofa.

Loma 12:13

Ke kotou tokaga ki nea ala e aoga ki le kau sagato mativa. Ke kotou fakatalitali kaiga.

Kalate 6:10

Koia, i le koi tou maua ia le faigamalie, tou fai le nea leia e malie ki tagata fuli, kae tafito ki fetaina i le tui.

Kalate 6:6

Ko leia e akonaki ki ai le folafola, ke soli e ia se vaega i ana nea fuli ki leia e akonaki.

Efeso 4:28

Ko leia na kaia ke aua na toe kaia a ia ; kae ke gaoi a ia, o fai ki ona lima le nea leia e malie, ke maua se nea leia ke soli ki leia e mativa.

Filipe 4:14

Kae logo ai le nea lena, kua kotou fai se nea malie i lakoutou kau ki loku faigataaia.

Filipe 4:18

Kua kau maua nea fuli, ti kua kau nofo i le mou ; kua kau apele pipi i koloa, i laku tali meia Epafolotito le nea leia e au meia koutou ofaipe se kaloni manogi malie, pe se sakilifisio leia e tali e le Atua, ti e mata malie kiate ia.

Uluaki tosi ki le kau Tesalonika 5:15

Kotou tokaga ke aua na totogi e se tasi le veli ki le veli, kae ke kotou afa tuumau le malie i okoutou vasaa ti mo tagata fuli.

Lua tosi ki le kau Tesalonika 3:13

Kia koutou, fetaina, aua na kotou kaekae i le fai o le malie.

Uluaki tosi kia Timoteo 6:18

Fakatotonu kia latou ke lotou fai le malie, ke lotou mou koloa i gaoi malilie, ke lotou loto solisoli, ti ke lotou loto tokoi,

Filemo 1:6

E kau kole kiate ia ke fakatupu e le komunio leia e sai ia akoe kia maua i le tui, se iloa lasi o nea malilie fuli ala e tou maua i lotatou mauli ia Kilisito.

Epelo 6:10

Talie e leaise lee agatonu le Atua ke galoi e ia lakoutou gaoi ti mo le alofa leia na kotou fakasa ki lona suafa, i tausi ala na kotou fai ti mo lolotoga fai nei ki le kau sagato.

Tolu tosi a Soane 1:11

Alofaina, aua na ke faifaitaki ki le veli, kae ki le malie. Ko leia e fai ia le malie e kau a ia ki le Atua, kae ko leia e fai ia le veli, na leaise tio a ia ki le Atua.