Epelo 13:15 - Tosi Tapu

¹⁵ Koia ke tou momoli tuumau iate ia se sakilifisio o le fakavikiviki ki le Atua, ko lona uiga le fua o ni laugutu ala e fakafetai ki lona suafa.

Epelo 13:15 ပူးပေါင်းရင်းမြစ်များ

Lua tosi o Koloniko 29:31

Ti na masau loa Esekiasi ki le kakai, o pati : I le aso nei kua kotou fakatapui ai koutou ki le Eteleno, kotou fakafeofi mai, kotou aumai ni vikitima ti kotou momoli ni sakilifisio fakafetai ki le fale o le Eteleno. Ti na aumai loa e le fakatasiga ni vikitima, ti na lotou momoli loa ni sakilifisio fakafetai, ti ko latou fuli ala na loto malie na momoli ia loa ni failaulau.

Lua tosi o Koloniko 33:16

Na toe fakatuu loa e ia le aletale o le Eteleno, ti na toe momoli loa e ia i ai ni sakilifisio fakakomunio mo ni sakilifisio fakafetai, ti na fakatotonu loa e ia ki Suta ke tausi ki le Eteleno, le Atua o Iselaele.

Lua tosi o Koloniko 7:6

Na fai e le kau tagata faisakilifisio lalatou gaoi, ti na fai foki e le kau Levi lalatou gaoi mo alatou nea fai musika ki le Eteleno, ala na fai e le sau ko Tavite ke sua ki ai a fakavikiviki ki le Eteleno, i le aso leia na tuku ai loa e Tavite kia latou ke fakafetai ki le Eteleno, o pati : Talie lee gato lona manava alofa ! Na pupusi e tagata faisakilifisio ni fakatagi pupusi i olatou mua. Ti na tutuu le kakai katoa o Iselaele i aluga.

Esetalasi 3:11

Na lotou sua loa, o fakavikiviki ki le Eteleno, o pati : Talie e agamalie a ia, talie e tuumau lona manava alofa ki Iselaele ! Ti na kalaga fakafiafia loa le kakai katoa ki le Eteleno, i le teki o le fakatafito o le fale o le Eteleno.

Neemia 12:40

Ti na tutuu loa a fa sua e lua i le fale o le Atua, mo au ti mo le kau pule leia na ano mo au,

Neemia 12:43

Na momoli loa i le aso lena ni sakilifisio lasi, i le fiafia, talie na tuku e le Atua se fiafia lasi ki le kakai. Na fiafia foki a fafine mo toe, ti na logo loa ki mamao a kalaga fakafiafia o Selusalemi.

Pesalemo 118:19

Kotou fakamavaa mai kiate au a matapa o le faitotonu : E kau ulu loa, e kau fakafetai loa ki le Eteleno.

Pesalemo 119:108

Ke ke tali, ei Eteleno ! a manatu loto e fakasa e loku gutu, Ti ke ke ako mai kiate au au lao !

Pesalemo 18:49

Leia na saofaki ia au i oku fili ! E ke siki au ki aluga o oku fili, E ke saofaki au i tagata agamakeke.

Pesalemo 50:14

Ke ke momoli ni sakilifisio ki le Atua ko ni fakafetai, Ti ke ke fai au fakapapau ki le Taualuga.

Pesalemo 50:23

Ko leia e momoli ia ni sakilifisio ko ni fakafetai e fakakololia kiate au ; Ti ko leia e tokaga ki lona ala, E kau fakatio loa a ia ki le fakamauli o le Atua.

Esaia 57:19

E kau tuku loa le fakafetai ki ona laugutu. Tokamalie, tokamalie ki leia e mamao ti mo leia e feofi ! e pati le Eteleno. E kau fakamauli loa latou.

Selemia 33:11

Ki kalaga fakafiafia mo kalaga nekenekea, Ki sua a le tama feauaki ti mo sua a le taine feauaki, Ki le leo o latou ala e pati : Kotou fakafetai ki le Eteleno o kau tau, Talie e agamalie le Eteleno, talie e lee gato lona manava alofa ! Ki le leo o latou ala e momoli ia ni sakilifisio fakafetai I le fale o le Eteleno. Talie e kau toe aumai loa le kau popula o le fenua, E kau toe fakanofo loa latou ofaipe le temi mua, E pati le Eteleno.

Selemia 33:18

Ti e leaise mativa loa i se aso le kau faisakilifisio, mo le kau Levi, i se tagata Ke momoli ia ni failaulau, mo tutu ia le iseso mo moliga, Ti mo fai ia ni sakilifisio i aso fuli.

Oseo 14:2

Kotou toe liliu mai ki le Eteleno, Kotou aumai ni masau. Kotou pati kiate ia : Fakamolemole ki amatou agaveli fuli, Ti ke ke tali matou i lou alofa ! E motou momoli atu loa kiate koe le fakafetai o omatou laugutu, kae leai ni pipi tagata.

Levitiko 7:12

Kapau e momoli e se tagata se sakilifisio fakafetai mo se katiko fakafetai, e ave fakatasi loa e ia mo le sakilifisio fakafetai, ni keke sala fakatupu ala na lusi mo le lolo, mo ni pane maninifi ala na pani ki le lolo, ti mo ni keke ala na fai ki le falina tea ti na lusi ki le lolo.

Numelo 7:62

mo se ipu aulo e kau agafulu fa sikele leia kua apele i le kaloni fakamanogi ;

Mateo 11:25

I le temi lena, na masau loa Sesu, o pati : E kau fakafetai kiate koe, Tamana, Aliki o le lagi mo le kele, i lau fufu a nea anei ki le kau poto mo le kau atamai, kae na ke fakasa latou ki toe liliki.

Luka 10:21

I le lakaga fai lena, na fiafia loa Sesu i le Laumalie Maokioki, o pati : E kau fakavikiviki kiate koe, Tamana, Aliki o le lagi mo le kele, i lau fufu a nea ana ki le kau popoto mo le kau atamai, kae kua ke fakasa latou ki toe liliki. Io, Tamana, e kau fakavikiviki kiate koe talie ko lou finegalo malie a ia.

Soane 10:9

Ko au ko le matapa. Kapau e ulu se tasi iate au, e mauli loa a ia ; e ulu loa a ia ki loto ti ulu loa ki fafo, o maua i ai ni faisaga sesega.

Soane 14:6

Na pati loa Sesu kiate ia : Ko au ko le ala, mo le maoki, ti mo le mauli. E leaise au se tasi ki le Tamana, kae iate au.

Loma 12:1

Koia e kau fakamakeke koutou, fetaina, i manavaalofa o le Atua, ke kotou momoli okoutou tino ofaipe se sakilifisio mauli, mo maokioki, mo malie ki le Atua ; ko lena lakoutou atolasio maoki kiate ia.

Loma 6:19

E kau masau ofaipe se tagata, o tupu ko le gaegae o lokoutou kanofi. Ofaipe lakotou tuku ia okoutou koga tino ke popula ki le mauli fakalialia mo le agaveli, o kotou kaku ai ki le mauli maveuveu, ke kotou tuku foki, i le temi nei, okoutou koga tino ke popula ki le agatonu, ke kotou kaku ai ki le maokioki.

Efeso 2:18

talie iate ia, ko koutou mo matou, e tou maua se uluaga ki le Tamana i se Laumalie e tasi.

Kolose 1:12

Kotou fakafetai ki le Tamana, leia kua mafai ai ke kotou kau i le tofiga o le kau sagato i le malama ;

Epelo 12:28

Koia o tupu kua tou maua se puleaga leia e leaise mafai ke lui, ke tou fakasa lotatou fakafetai o tuku ki le Atua se atolasio leia e malie kiate ia, i le alofa ti mo le i ;

Epelo 7:25

Koia foki leia e mafai ai ke fakamauli e ia o tukupau latou ala e fakafeofi ki le Atua iate ia, talie e mauli tuumau a ia o ulufaki latou.

Uluaki tosi a Petelo 2:5

ti ko koutou totonu, ofaipe ni fatu mauli, kotou faufau koutou ke fakatuu se fale fakalaumalie, mo se gaoi fakapelepitelo maokioki, o tupu ke momoli ai ni vikitima fakalaumalie, ala e mata malie ki le Atua ia Sesu-Kilisito.

Uluaki tosi a Petelo 4:11

Kapau e masau se tasi, ke fakasa e ia a folafola a le Atua ; kapau e fai e se tasi se gaoi fakaatua, ke fai e ia a ia o mulimuli ki le makeke leia e soli e le Atua, o tupu ke tuku le kololia ki le Atua i nea fuli ia Sesu-Kilisito, leia e maua ia le kololia mo le mafimafi, i sekulo mo sekulo. Amene !