Fetaina, kua kalagai koutou ki le lauatea ; kae ke aua fua na kotou fakaliliu le lauatea lena ko se faigamalie ke kotou mauli ai i le kanofi ; kae ke kotou liliu, i le alofa, ko ni tagata fakasausau a la ki la.
Kae ko le fua o le Laumalie, ko le alofa, mo le fiafia, mo le tokamalie, mo le kataki fualoa, mo le agamalie, mo le fakataulalo, mo le agatonu, mo le agamalu, mo le loto lolomi ;
ti kotou saele i le alofa, o faifaitaki kia Kilisito, leia na alofa kia tatou, ti na soli a ia totonu ki le Atua o tupu ko tatou, ofaipe se moliga mo se sakilifisio manogi ki le Atua.
E tonu, fetaina, ke motou fakafetai tuumau ki le Atua o tupu ko koutou, ti e totonu le nea lena, talie e saele lasi ki mua lakotou tui, ti e tuputupua lokoutou fealofani fakatautaina.
Kua kotou fakamea okoutou laumalie i le fakalogo ki le maoki ke kotou maua se alofa fakatautaina maoki, koia ke kotou fealofani makeke ia koutou, i lokoutou loto katoa,
Tie fakaoki loa, ke kotou maua fuli ni manatu tatau, mo ni manatu loto tatau ; ke kotou apele i le alofa fakatautaina, mo le loto alofa, ti mo le fakataulalo.
Ti ko leinei lana fakatotonu : Ke tou tui ki le suafa o lona Alo ko Sesu-Kilisito, ti ke tou fealofaaki ia tatou, o mulimuli ki lana fakatotonu kia tatou.
Kapau e pati se tasi : E kau alofa ki le Atua, kae vesia a ia ki lona taina, ko se tagata gutu loiloi a ia ; talie ko leia e leaise alofa ki lona taina leia e tio a ia ki ai, e feaki loa ke alofa a ia ki le Atua leia e leaise tio a ia ki ai ?
