Epelo 12:7 - Tosi Tapu

⁷ Kotou kataki le tautea : talie e fai e le Atua kia koutou ofaipe ni vosa ; talie ko le vosa fea leia e leaise tautea e lona tamana ?

Epelo 12:7 ပူးပေါင်းရင်းမြစ်များ

Lua tosi a Samuele 7:14

E kau liliu loa kiate ia ko se tamana, ti e liliu loa a ia kiate au ko se vosa. Kapau e fai loa e ia le nea e veli, e kau tautea loa a ia ofaipe se tamana leia e tautea ia lona vosa ;

Uluaki tosi o Sau 1:6

Na leaise fakamamae a ia e lona tamana i se aso, o pati kiate ia : Kolea e ke fai fenaaki ai ? Ti na tupulaga ai Atonisa, na tupu a ia i muli o Apesalone.

Taagapati 13:24

Ko leia e leaise teki ia le laakau ki lona vosa e vesia ki lona vosa, Kae ko leia e alofa ki lona vosa e tautea a ia mo ka aoga ke fai.

Taagapati 19:18

Tautea lou vosa, talie koi maua se amanaki malie kiate ia ; Kae aua na ke oli ke fakamate a ia.

Taagapati 22:15

E nonoa le valea ki le loto o le toe ; Kae ko le laakau o le akonaki leia e fakamamao ia loa a ia.

Taagapati 29:15

Ko le laakau mo le valoki e tuku ia le poto, Kae ko le fanau leia e tuku ke faifaitalisa e fakatupu ia le luma o lona tinana.

Taagapati 29:17

Tautea lou vosa, ti e soli atu loa e ia le malolo kiate koe, Ti e fakafiafia loa e ia lou laumalie.

Gaoi 14:22

o fakamakeke le laumalie o le kau tisipulo, mo akonaki kia latou ke lotou tuu mau i le tui, o pati : e tonu ke tou ulu ki le Puleaga o le Atua i ni mamae lasi ai.

Uluaki tosi ki le kau Kolinto 11:32

Kae e fakamaaui tatou, ti e tautea tatou e le Aliki, o tupu ke aua na tou malaia fakatasi mo le malama nei.

Tetelonome 8:5

Ke fakamaoki lou loto e tautea a koe e le Eteleno, lou Atua, ofaipe se tagata leia e ako ia lana fanau.

Uluaki tosi a Samuele 2:29

Kolea e kotou takatakafi ai ki okoutou vae aku sakilifisio mo aku moliga, ala na kau fakatotonu ke fai i loku nofoaga ? Ti kolea e ke fakaapaapa ake ai ki ou vosa iate au, ke kotou fakapepeti ai ki uluaki fua o moliga fuli a Iselaele, loku kakai ?

Uluaki tosi a Samuele 2:34

Ti ko le fakamailoga leinei kiate koe, ko le nea leia ka soko loa ki ou vosa e toka lua ko Ofeni mo Finesi ; e la mamate loa toka lua i le aso e tasi.

Uluaki tosi a Samuele 3:13

Na kau fakasa kiate ia e kau loto ke tautea lona fale o lee gato, o tupu ko le agaveli leia na iloa e ia, leia na fai e ona vosa, kae na leaise taofi loa e ia latou.