Epelo 12:5 - Tosi Tapu

⁵ Ti kua kotou galoi le akonaki leia kua fai atu kia koutou ofaipe ki ni vosa : Loku vosa, aua na ke fakanoai le akonaki mei le Aliki, Ti aua na ke loto gaegae mo ka valoki e ia a koe ;

Epelo 12:5 ပူးပေါင်းရင်းမြစ်များ

Sopo 34:31

Talie ko ai le tagata leia kua pati ki le Atua i se aso : Kua oki loku tautea, e leaise kau toe agasala loa ;

Pesalemo 118:18

N tautea au e le Eteleno, Kae na leaise tuku e ia au ki le mate.

Pesalemo 119:109

E teiteiki tuumau loku mauli, Kae leaise galo fua lau lao iate au.

Pesalemo 119:16

E kau maua oku fiafia i au lekula, E leaise kau galoi fua lau folafola.

Pesalemo 119:67

I mua o loku fakamamaei, na kau sese ; I le aso nei e kau fai lau folafola.

Pesalemo 119:75

E kau iloa, ei Eteleno ! e totonu au fakamaauaga ; Talie ko lou agatonu leia na ke fakamamae ai au.

Pesalemo 119:83

Talie e kau faipe se utele i le afu ; E leaise galo fua au fakatuutuu iate au.

Pesalemo 94:12

Manuia le tagata leia e ke tautea, ei Eteleno ! Ti e ke ako ki lau lao,

Taagapati 3:1

Ei loku vosa, aua na galo aku akonaki iate koe, Ti ke taupau e lou loto aku pelesepeto ;

Taagapati 4:5

Faiga ki le poto, maua le atamai ; Aua na galo iate koe a masau o loku gutu, ti aua na ke maliu ia latou.

Selemia 31:18

E kau logo ki le tagi laulau a Efalaimi : Na ke tautea au, ti na tautea au Ofaipe se uviki pipi leia na leaise ako ke lalata ; Fai ke kau toe liliu, ti e kau toe liliu loa, Talie ko koe ko le Eteleno, loku Atua.

Tagi laulau a Selemia 3:39

Kolea e lauga ai le tagata mauli ? Ke tasi lauga le tagata ki ana agasala totonu.

Luka 24:6

E leaise nofo a ia i leinei, kae kua toe tuuake a ia. Kotou manatui lana masau atu kia koutou, kae koi nofo a ia i Kalilea,

Luka 24:8

Ti na lotou manatui loa a folafola a Sesu.

Uluaki tosi ki le kau Kolinto 11:32

Kae e fakamaaui tatou, ti e tautea tatou e le Aliki, o tupu ke aua na tou malaia fakatasi mo le malama nei.

Kalate 6:9

Aua na tou kaekae i le fai o le nea leia e malie ; talie e tou utu loa i lona temi totonu, mo kapau e leaise tou fakagaegae.

Uluaki tosi kia Timoteo 1:20

Ia latou ana e kau ai Imeneo mo Alesatelo, ala kua kau tuku kia Satana, o tupu ke la ako ai ke aua se fatituu.

Epelo 12:7

Kotou kataki le tautea : talie e fai e le Atua kia koutou ofaipe ni vosa ; talie ko le vosa fea leia e leaise tautea e lona tamana ?

Epelo 13:22

E kau kole atu kia koutou, fetaina, ke kotou tali a kupu fakamakeke anei, talie na kau fai tosi fakatoetoe atu kia koutou.

Sakopo 1:12

Manuia le tagata leia e kataki fualoa i le asiasii ; talie, ka oki loa lona asiasii, e tali loa e ia le pala o le mauli, leia na fakapapau e le Aliki kia latou ala e alofa kiate ia.

Apokalipisi 3:19

Ko au, e kau valoki ti e kau tautea latou fuli ala e kau alofa ki ai. Koia ke ke loto oli mo ke fakasemala.