Epelo 12:4 - Tosi Tapu

⁴ Talie na leikiaise kotou fakafesagai o kaku ki le mate, o tau ki le agasala.

Epelo 12:4 ပူးပေါင်းရင်းမြစ်များ

Mateo 24:9

Ti e tuku loa koutou ke tautea, mo tamate, ti e vesiainai loa koutou e puleaga fuli, o tupu ko loku suafa.

Uluaki tosi ki le kau Kolinto 10:13

E leai se asiasii leia e vilo kia koutou e fakalaka i le makeke o le tagata, ti e leaise fakataga loa e le Atua, leia e agatonu, ke asiasii koutou o fakalaka i lokoutou makeke ; kae i le asiasii, e toe teuteui foki e ia le ala leia ke sao ai, o tupu ke kotou matatali a ia.

Filipe 2:8

ti na fakataulalo a ia totonu, o liliu a ia o fakalogo o kaku ki le mate, ki le mate foki o le koluse.

Epelo 12:2

o tio fuai kia Sesu ko le kamataaga mo le gatoaga o le tui ; ko ia leia na tali ia a mamae o le koluse, ti na fakanoai ia le luma o le mate lena, talie na tio a ia ki le fiafia leia na tuu i ona mua, ti kua nofo i le lima atamai o le agaiaga o le Atua.

Epelo 13:13

Koia ke tou mavae o ano mo ia ki le tua kolo, o amo lona matagafua.

Apokalipisi 12:11

Ti na lotou malo iate ia, o tupu ko le toto o le Akeno, ti mo le folafola o lalatou fakamaoki, ti na leaise lotou alofa ki olatou mauli ke lotou i ai ki le mate.

Apokalipisi 17:6

Ti na kau tio loa ki le fafine lena kua kona i le toto o le kau sagato ti mo le toto o le kau fakamaoki a Sesu. Ti na kau punamauli lasi ai i laku tio kiate ia.

Apokalipisi 18:24

ti na maua iate koe le toto o le kau polofeta, mo le kau sagato, ti mo latou fuli ala na tamate i le malama nei.

Apokalipisi 2:13

E kau iloa le ganea leia e ke nofo ai, e kau iloa e tuu i ai le ekeekeaga sau o Satana. E ke taofi mau loku suafa, ti na leaise ke fakafiti ki le tui kiate au, io, i aso foki o Atipasi, ko laku tagata fakamaoki agatonu, leia na tamate ia koutou, i le ganea leia e tuu ai le nofoaga o Satana.