Epelo 12:3 - Tosi Tapu

³ Koia, ke kotou tokaga mua ki leia na kataki ia le agatuu lasi lena mei le kau agasala, o tupu ke aua na kotou kaekae mo loto gaegae.

Epelo 12:3 ပူးပေါင်းရင်းမြစ်များ

Taagapati 24:10

Kapau e ke gaegae i le aso o le mamae, Ko lou makeke e ikiiki fua.

Esaia 50:4

Ko le Aliki, le Eteleno, na soli mai kiate au se alelo poto, O tupu ke kau iloa le masau e aoga ki leia e gaegae. E fafagu e ia, i usu fuli, e fafagu e ia loku taliga, O tupu ke kau fakalogo ofaipe le fakalogo a ni tisipulo.

Mateo 11:19

Na au le Vosa o le tagata, o kai mo inu, ti na lotou pati : Ko se tagata kai fakavale a ia ti ko se tagata inu kava a ia, ko se kaukau nea a ia o le kau popelikano mo le kakai mauli veli. Kae na fakasa le poto o le Atua e ana gaoi.

Mateo 12:24

I lalatou logo ki le nea lena, na pati loa le kau Faliseo : E kapu e le tagata lena le kau temonio i le makeke o Pelesepu, le pule o le kau temonio.

Mateo 15:2

Kolea e maumaui ai e au tisipulo le talatisio a le kau matua mago ? Talie e leaise fufulu olatou lima mo ka lotou kai.

Mateo 21:23

Na ano loa Sesu ki le fale tapu, i le lolotoga o lana akonaki, na au loa le kau pule faisakilifisio mo le kau fakamatuatua o le kakai, o pati kiate ia : Ko le pule fea leia e ke fai ai a nea ana, ti ko ai leia na soli atu ia kiate koe le pule lena ?

Mateo 21:46

ti na lotou faiga loa ke too a ia ; kae na lotou tuania ia le kakai, talie na taofi a ia kiate ia ko se polofeta.

Mateo 22:15

Na ano loa le kau faliseo o fonofono ki se puleaki leia ke maua ai se sala ma Sesu i ana masau totonu.

Luka 14:1

I se aso sapato, na ulu loa Sesu o kai i le fale o se tasi o le kau pule o le kau faliseo. Ti na lama a ia e le kau faliseo.

Luka 15:2

Ti na mumusu loa le kau faliseo mo le kau sekelipa, o pati : E fakatalitali e le tagata leinei ni kakai mauli veli, ti e kai a ia mo latou.

Luka 16:14

Ko le kau faliseo, ala na fulupipiki ki le paaga, na fakalogo ki nea fuli ana, ti na lotou gologolo kia Sesu.

Luka 2:34

Na tapuaki loa Simeone kia latou, o pati kia Malia, lona tinana : Ke ke iloa, kua fakatuu le fanau leinei ke tukia ai ti ke toe lagai ai se toka api i Iselaele, ti ke liliu a ia ko se fakamailoga ki ai,

Luka 5:21

Na kamata masau loa le kau sekelipa mo le kau faliseo, o pati : Ko ai leinei e fai ia ni fatituu ? Ko ai e mafai ke fakamolemole ia a agasala ? Pe leaise ko le Atua toka tasi ?

Soane 10:20

Na pati loa le toka api o latou : E nofo iate ia se temonio, kua valea a ia ; kolea e kotou fakalogo ai kiate ia ?

Soane 18:22

I pati ana, ko se tasi o le kau leo, ala na nonofo i ai, na paai ia loa Sesu, o pati : Pe ke tali fenaaki ki le pule faisakilifisio ?

Soane 5:16

Ko le tupuaga loa a ia o lalatou fakaveliveli kia Sesu, o tupu ko lana fai a nea ana i le sapato.

Soane 7:12

Na lasi ai le femumusuaki a le kakai o uiga mo ia. Na pati a iki : Ko se tagata malie. Kae na pati a iki : Leai, e fakasese e ia le kakai.

Soane 8:13

I ai, na pati loa le kau faliseo kiate ia : E ke fakamaoki kiate koe totonu, koia e leaise maoki ai lau fakamaoki.

Soane 8:52

Na pati loa le kau Sutea kiate ia : I le lakaga nei, e motou iloa e nofo iate koe se temonio. Kua mate Apalaamo, mo le kau polofeta foki, ti e ke pati : Ko leia e tausi ia laku folafola e leaise mate loa a ia i se aso.

Soane 8:59

I le nea lena, na lotou too loa ni fatu ke tuki a ia ; kae na mumuni loa Sesu, o mavae mei le fale tapu.

Soane 9:40

Ko ni iki faliseo ala na nonofo mo ia, i lalatou logo ki folafola ana, na pati loa kiate ia : Pe motou kivi, mo matou foki ?

Uluaki tosi ki le kau Kolinto 15:58

Koia, ei oku fetaina alofaina, ke kotou tuu makeke, lee taugaoi, o gaoi ke asilisili malie ki le Aliki, o kotou iloa e leaise ano noa akoutou gaoi i le Aliki.

Lua tosi ki le kau Kolinto 4:1

Koia, i lama maua le gaoi lena o mulimuli ki le manavaalofa leia na tuku mai kia maua, e leaise ma loto gaegae.

Lua tosi ki le kau Kolinto 4:16

Koia e leaise ma loto gaegae ai. Ti kapau foki e maumau loma tagata i tafa, e fakafoou loma tagata i loto i le aso taki tasi.

Kalate 6:9

Aua na tou kaekae i le fai o le nea leia e malie ; talie e tou utu loa i lona temi totonu, mo kapau e leaise tou fakagaegae.

Tetelonome 20:3

E pati loa a ia : Fakalogo mai, Iselaele ! I le aso nei e kotou ano loa o taui okoutou fili. Ke aua na kotou loto gaegae ; ke aua na kotou i, ke aua na kotou lulu, ke aua na kotou liliko i olatou mua.

Lua tosi ki le kau Tesalonika 3:13

Kia koutou, fetaina, aua na kotou kaekae i le fai o le malie.

Epelo 12:2

o tio fuai kia Sesu ko le kamataaga mo le gatoaga o le tui ; ko ia leia na tali ia a mamae o le koluse, ti na fakanoai ia le luma o le mate lena, talie na tio a ia ki le fiafia leia na tuu i ona mua, ti kua nofo i le lima atamai o le agaiaga o le Atua.

Epelo 12:5

Ti kua kotou galoi le akonaki leia kua fai atu kia koutou ofaipe ki ni vosa : Loku vosa, aua na ke fakanoai le akonaki mei le Aliki, Ti aua na ke loto gaegae mo ka valoki e ia a koe ;

Epelo 3:1

Koia, fetaina maokioki, ala e kau ki le vokasio mei lagi, kotou tokaga lasi ki le apositolo, mo le pule fai sakilifisio o le tui leia e motou fakasa ia,

Uluaki tosi a Petelo 2:23

a ia leia na nukinukii, kae na leaise tali fua a ia ki se nukinuki, ti na fakavelivelii kae na leaise fai e ia se tali fakamakeke, kae na fakalogo fai a ia ki leia e fakamaaui i le faitotonu ;

Apokalipisi 2:3

e ke maua le kataki fualoa, ti na ke mamae o tupu ko loku suafa, ti na leaise ke loto gaegae.

Uluaki tosi a Samuele 12:24

Ke kotou i ki le Eteleno, mo kotou tausi agatonu kiate ia i lokoutou loto katoa ; talie kua kotou tio ki lona mafimafi i loto malie o koutou.