Epelo 12:29 - Tosi Tapu

²⁹ talie ko lotatou Atua ko se afi maumau foki a ia.

Epelo 12:29 ပူးပေါင်းရင်းမြစ်များ

Lua tosi a Samuele 22:9

Na malaga loa se afu mei ona pogoisu, Ti na ulu loa se afi kaka mei lona gutu : Na mapuna loa mei ai ni malala ulaula.

Pesalemo 50:3

E au lotatou Atua, e leaise nofo fakalologo a ia ; E ano se afi kaka i ona mua, E takatakai a ia e se afa makeke.

Pesalemo 97:3

E saele le afi i ona mua, Ti e tutu e ia ona fili i ona tafatafa.

Ekesote 15:7

Ki le lasi o lou mafimafi, e ke laku ki le kele latou ala e agatuu kiate koe ; E ke liligi lou sausau : E tutu e ia latou ofaipe se mutie malo.

Ekesote 24:17

Na sa loa le kololia o le Eteleno ki mata o fanau a Iselaele ofaipe se afi kaka i le tumutumu o le mauga.

Esaia 33:14

Kua i le kau agasala i Sione, Kua maua e se lulu le kau agatuu ki le Atua : Ko ai leia ia tatou e mafai ke nofo i se afi kaka ? Ko ai leia ia tatou e mafai ke nofo i ni ulaula lee gato ?

Esaia 66:15

Talie ko leinei, e au le Eteleno i se afi, Ti e fai ana saliote pe se sasataki ; E fakaliliu e ia lona sausau ko se vela, Ti mo ana valoki ko ni ulai afi.

Selemia 25:37

Kua maumaui a nofoaga malolo E le sausau kaka o le Eteleno.

Esekiele 38:19

E kau fakamaoki, i loku finenonofo mo le lasi o loku sausau, I le aso lena, e i ai loa se maveuveu lasi I le fenua o Iselaele.

Taniela 7:9

Na kau tio, ti ko leinei, na fakatuu ni ekeekeaga fakasau. Ti na ekeeke loa le Matua o aso. Na tea lona kofu ofaipe le nive, ti na fai ona fului ulu pe se fului ovi mea ; na fai lona ekeekeaga fakasau pe ni ulai afi, ti na fai a teka o le ekeekeaga pe se afi kaka.

Numelo 11:1

Na lalau loa le kakai ki taliga o le Eteleno, ti na veli loa le nea lena kiate ia. I le logo a le Eteleno ki le nea lena, na mu loa lona sausau ; ti na vela loa le afi o le Eteleno ia latou, o tamate le potupotu o le nofolaga.

Numelo 16:35

Na au loa se afi mei le Eteleno, o tutu le kau tagata e tino lelau lua tino lima, leia na momoli ia le kaloni.

Lua tosi ki le kau Kolinto 5:11

I lama iloa le sausau o le Aliki, e ma faiga ke fakalotoi a tagata ; e iloa maua e le Atua, ti e kau amanaki e kotou iloa foki maua i okoutou loto.

Tetelonome 4:24

Talie ko le Eteleno, lou Atua, ko se afi maumau a ia, ko se Atua finenonofo.

Tetelonome 9:3

Ke ke iloa i le aso nei e muamua loa iate koe le Eteleno, lou Atua, ofaipe se afi maumau, ti ko ia leia e maumaui ia loa latou, mo fakamamae ia loa latou i ou mua ; ti e ke kapu loa latou, ti e ke tamate fakatavili loa latou, ofaipe le pati a le Eteleno kiate koe.

Lua tosi ki le kau Tesalonika 1:7

kae ke soli atu kia koutou, ala e mamae nei, le malolo mo matou, mo ka sa mai loa le Aliki ko Sesu mei le lagi mo le kau aselo o lona mafimafi,

Lua tosi ki le kau Tesalonika 1:8

i loto malie o se ulai afi, ke tautea ai latou ala e leaise iloa ia le Atua ti mo latou ala e leaise fakalogo ki le Evaselio o lotatou Aliki ko Sesu.

Epelo 10:27

kae ko se talitali fakaii ki le fakamaau ti mo se afi kaka leia e tutu ia loa le kau fili o le Atua.

Epelo 10:31

Ko se nea fakaii ai le vilo ki lima o le Atua mauli.

Lua tosi a Petelo 3:7

kae e taofi e le folafola lena le atu lagi mo le malama nei o le temi nei ke maumaui e le afi, i le aso o le fakamaau mo le maumaui o le kau agaveli.