Epelo 12:28 - Tosi Tapu

²⁸ Koia o tupu kua tou maua se puleaga leia e leaise mafai ke lui, ke tou fakasa lotatou fakafetai o tuku ki le Atua se atolasio leia e malie kiate ia, i le alofa ti mo le i ;

Epelo 12:28 ပူးပေါင်းရင်းမြစ်များ

Pesalemo 19:14

Ke ke puipui foki lau tagata fakasausau i le kau fia nealasi, Ke aua na lotou pule kiate au ! Ti e kau agatonu loa, o mea i agasala lalasi.

Pesalemo 2:11

Ke kotou tausi ki le Eteleno i le i, Ti ke kotou fiafia i le lulu.

Pesalemo 89:7

Talie ko ai, i le lagi, e mafai ke fakatatau ki le Eteleno ? Ko ai e tatau mo koe i vosa o le Atua ?

Taagapati 28:24

Ko leia e kaia ia lona tamana mo lona tinana, Ti e pati : E leaise ko se agasala a ia ! E kaukau nea mo le tagata maumau.

Esaia 56:7

E kau ave loa latou ki loku mauga maokioki, Ti e kau fakafiafia loa olatou loto i loku fale faikole ; E tali loa alatou failaulau mo alatou sakilifisio i loku aletale ; Talie e fakaigoa loa loku fale ko se fale faikole ki kakai fuli.

Esaia 9:7

E kakau e le Eteleno se folafola kia Sakopo, Ti kua vilo a ia ki Iselaele.

Taniela 2:44

I le temi o sau ana, e fakatupu loa e le Atua o le atu lagi se puleaga leia e leaise toe maumaui loa i se aso, ti e leaise toe tuku loa ki le pule a se tasi ake puleaga ; e fatifatii loa e ia, ti e maumaui loa e ia a la ake puleaga fuli, kae e tuu loa a ia totonu, o lee gato.

Taniela 7:14

Na soli loa kiate ia le pule, mo le kololia, mo le sau ; ti na tausi loa kiate ia a kakai fuli, mo puleaga, ti mo tagata mei masau kesekese fuli. Ko lana pule ko se pule lee gato, leia e leaise toe gato loa, ti e leaise toe maumau loa lona puleaga i se aso.

Taniela 7:27

Ko le sau, mo le pule, ti mo le kololia o puleaga fuli i lalo o le lagi, e soli loa ki le kakai o le kau sagato a le Taualuga. Ko lona puleaga ko se puleaga lee gato, ti e tausi loa a pule fuli kiate ia mo fakalogo loa kiate ia.

Levitiko 10:3

Ti na pati loa Moisese kia Alone : ko le nea a ia leia na fakasa e le Eteleno i lana pati : E kau loto ke fakaapaapa ki loku maokioki latou ala e fakafeofi mai kiate au, ti ke lotou fakasa loku kololia i mua o le kakai katoa. Na fakalologo loa Alone.

Mateo 25:34

Ti e pati loa le sau kia latou ala e tutuu loa i lona fetuu atamai : Kotou au, koutou ala na tapuaki e loku Tamana ; kotou maua le puleaga leia na teuteui atu kia koutou talu mei le kamataaga o le malama nei.

Luka 1:33

E sau loa a ia i le fale o Sakopo o lee gato, ti e leaise toe gato loa lana pule.

Loma 11:20

E tonu le nea a ia ; na tuuti latou o tupu ko lolatou tui gataa, ti ko koe, e ke tuu i le tui. Aua na ke fia taualuga, kae ke ke i loa ;

Efeso 1:6

ke fakafetai ki le kololia o lona kalasia leia kua soli fakaalofa e ia kia tatou i lona Alo alofaina.

Efeso 5:10

Kotou afa le nea leia e malie ki le Aliki ;

Filipe 4:18

Kua kau maua nea fuli, ti kua kau nofo i le mou ; kua kau apele pipi i koloa, i laku tali meia Epafolotito le nea leia e au meia koutou ofaipe se kaloni manogi malie, pe se sakilifisio leia e tali e le Atua, ti e mata malie kiate ia.

Epelo 10:19

Koia, fetaina, kua tou maua i le toto o Sesu-Kilisito le lauatea ke tou ulu ai ki le sagatualio,

Epelo 13:15

Koia ke tou momoli tuumau iate ia se sakilifisio o le fakavikiviki ki le Atua, ko lona uiga le fua o ni laugutu ala e fakafetai ki lona suafa.

Epelo 13:21

ke fakaliliu e ia koutou ke kotou mafai ia a nea fuli ala e malilie, o tupu ke kotou fakasoko lona finegalo ; ti ke fai e ia kia koutou le nea leia e malie kiate ia ia Sesu-Kilisito, leia e tuku ki ai le kololia i sekulo mo sekulo ! Amene !

Epelo 3:6

kae ko Kilisito, e agatonu a ia ofaipe le Vosa i lona fale totonu ; ti ko lona fale ko tatou, mo kapau e tou kukumi mau le tui makeke mo le amanaki malie o le kololia o kaku ki le fakaoki.

Epelo 4:16

Koia ke tou fakafeofi ai i le tui makeke ki le agaiaga o le kalasia, o tupu ke tou maua ai le manavaalofa ti ke tou tali ai le kalasia, ke tokoi ai kia tatou i nea ala e aoga kia tatou.

Epelo 5:7

Ko ia leia, i aso o lona kanofi, na momoli ia ni su mo ni kole o fakatasi mo ni tagi makeke ti mo ni loimata ki leia na mafai ke fakamauli ia a ia mei le mate ; ti na tali a ia o tupu ko lona fakalogo ki le Atua.

Uluaki tosi a Petelo 1:17

Ti kapau e kotou kalaga ki le Tamana, leia e fakamaaui ia o mulimuli ki le gaoi a le tagata taki toka tasi, ti e leaise fakapalatasi, kotou saele i le i i le temi katoa o lokotou mauli i le malama nei ;

Uluaki tosi a Petelo 2:20

Talie ko le kololia fea leia e maua i le tali o ni mamae mo ni fakaveliveli o tupu ko le fai o ni nea ala e veveli ? Kae kapau e kotou mamae talie e kotou fai le nea leia e malie, ko se kalasia a ia i mua o le Atua.

Uluaki tosi a Petelo 2:5

ti ko koutou totonu, ofaipe ni fatu mauli, kotou faufau koutou ke fakatuu se fale fakalaumalie, mo se gaoi fakapelepitelo maokioki, o tupu ke momoli ai ni vikitima fakalaumalie, ala e mata malie ki le Atua ia Sesu-Kilisito.

Apokalipisi 1:6

ti na fakasoko ia tatou ko se puleaga, mo ni tagata fai sakilifisio ki le Atua lona Tamana, kiate ia le kololia mo le mafimafi, i sekulo mo sekulo ! Amene !

Apokalipisi 15:4

Ko ai e leaise i loa kiate koe, Aliki, ti e leaise fakakololia loa ki lou suafa ? Talie e ke maokioki toka tasi. Ti e au loa a puleaga fuli, o su kiate koe, talie kua ke fakasa au fakamaau.

Apokalipisi 5:10

ti na ke fakasoko latou ko se puleaga ti ko se kau tagata fai sakilifisio ki lotatou Atua, ti e lotou sau loa i le malama nei.