Epelo 12:26 - Tosi Tapu

²⁶ a ia leia na lui ia loa le malama nei ki lona leo i mua, kae kua fai ia kia tatou i le temi nei le fakapapau leinei : i se tasi faiaga e kau lui ai loa o leaise gato fua i le malama nei, kae mo le lagi foki.

Epelo 12:26 ပူးပေါင်းရင်းမြစ်များ

Ekesote 19:18

Na afu katoa loa le mauga o Sinai, talie na ifo loa le Eteleno ki ai i loto malie o se afi ; na malaga ake le afu lena ki aluga ofaipe se afu o se gutuumu kaka, ti na galulu le mauga katoa.

Esaia 13:13

Koia e kau luui loa le lagi, Ti e galulu loa le kele i lona fakatafito I le sausau o le Eteleno o kau tau, I le aso o lona sausau.

Esaia 2:19

E ulu loa ki ana o utu, Ti mo loloto o le kele, O tupu ke lotou sao i le sausau o le Eteleno ti mo le makeke o lona agai, Mo ka tuu ake loa a ia o fakaii le malama nei.

Esaia 66:22

Talie, ofaipe le lagi foou Mo le kele foou ala ka kau fakatupu loa E tutuu loa i oku mua o lee gato E tutuu loa lokoutou sakoga mo lokoutou igoa i oku mua o lee gato.

Soele 3:16

Mei Sione e gugulu le Eteleno, Mei Selusalemi e logo lona leo ; Kua galulu le lagi mo le kele. Kae ko le Eteleno ko se mumuniaga ki lona kakai, Se puipuiaga ki fanau a Iselaele.

Apakuki 3:10

E lulu a mauga i lalatou tio kiate koe, E fakalofia e ua makeke le kele, E gugulu le moana loloto, E lagai e ia ona galu o kaku ki le lagi.

Akeseo 2:21

Masau kia Solopapele, kovana o Suta, o pati : E kau luui loa le atu lagi mo le kele ;

Akeseo 2:22

E kau maumaui loa le ekeekeaga fakasau o atu puleaga, E kau maumaui loa le makeke o atu puleaga, E kau maumaui loa a saliote tau mo latou ala e eke ai ; E tamate loa a osi mo tagata eke osi, Leia e le seleta a le leia ake.

Epelo 12:27

Ko kupu anei : " i se tasi faiaga " e fakasa ia le fetogi o nea ala kua lui, o sakinake na fakatupu latou o fakatemi, kae ke tuu o talu oki a nea ala e leaise mafai ke lui.

Tuifakamaau 5:4

Ei Eteleno ! i le aso leia na ke au ai mei Seili, I le aso leia na ke saele mai ai mei faisaga o Etome, Na galulu loa le kele, ti na liligi loa e le lagi ona vai, Ti na to loa se ua lasi mei ao ;