Epelo 12:25 - Tosi Tapu

²⁵ Kotou tokaga ke aua na kotou fakafiti ki leia e masau atu kia koutou ; talie kapau na leaise sao latou ala na fakafiti loa ke logo ki leia na fakasa ia ni folafola i le malama nei, e feaki ake loa ke tou sao mo kapau e tou titua ki leia e masau mei le lagi,

Epelo 12:25 ပူးပေါင်းရင်းမြစ်များ

Uluaki tosi o Sau 12:16

I le tio loa a le kakai o Iselaele katoa na leaise fakalogo ake loa le sau kia latou, na lotou tali loa ki le sau : Kolea leia e tou fakatasi ai mo Tavite ? E leai fua sotatou tofiga mo le vosa o Isaia ! Ki ou falela, Iselaele ! I le lakaga nei, ke ke fagai lou fale Tavite ! Ti na toe liliu loa Iselaele ki ona falela.

Lua tosi o Koloniko 7:19

Kae kapau e kotou maliu kese loa, kapau e kotou tiaki loa aku lao mo aku folafola, ala na kau tosi atu kia koutou, ti kapau e kotou tausi loa ki ni iki ake atua kese, o punou i olatou mua,

Ekesote 16:29

Ke kotou iloa na kau tuku atu kia koutou le sapato ke kotou malolo ai, koia leia na kau tuku ai kia koutou i le ono o aso, le nea kai ki aso e lua. I le fitu o aso ke tasi nofo le tagata i lona falela, ti ke aua na toe mavae se tasi mei le ganea leia e nofo ai.

Ekesote 20:22

Na pati loa le Eteleno kia Moisese : E ke masau feneeki loa ki fanau a Iselaele : Kua kotou tio mata ki laku masau mei lagi kia koutou.

Taagapati 1:24

O tupu na kau kalaga atu kia koutou kae na leaise kotou tali mai ; O tupu na kau falo atu loku lima kae na leaise tokaga se tasi ki ai,

Taagapati 1:32

Talie ko le fakatutuu a le kau sala atamai e tamate ia latou, Ti ko le fakalotonoa a le kau vale e maumau ia latou ;

Taagapati 13:18

Ko le mativa mo le luma ko le vaega o leia e vesia ki le akonaki, Kae ko leia e tali ia le valoki e fakamauiga loa.

Taagapati 15:32

Ko leia e tiaki ia le akonaki e vesia ki lona laumalie, Kae ko leia e fakalogo ki le akonaki e maua ia le atamai.

Taagapati 8:33

Kotou fakalogo ki le akonaki, ke kotou liliu o popoto, Aua na kotou tiaki a ia.

Esaia 48:6

E ke logo ! fakakaukau ki nea fuli ana ! Ti ko koutou, pe leaise kotou fakamaoki loa ki ai ? I le aso nei, e kau fakasa kiate koe ni nea foou, Na fufu, na leaise iloa iate koe.

Esaia 64:9

Kua liliu ou kolo maokioki ko se toafa ; Kua liliu Sione ko se toafa, Ti kua lavaki Selusalemi.

Selemia 11:10

Kua lotou toe liliu ki agasala o olatou uluaki tamana, Ala na leaise fia fakalogo ki aku folafola, Ti na lotou ano ki ni iki ake atua kese, o tausi latou. Na maumaui e le fale o Iselaele mo le fale o Suta laku sai, Leia na kau fai mo olatou tamana.

Esekiele 5:6

Kua maumaui e ia aku lao mo aku fakatotonu, ti kua agasala a ia o lasi ake i atu puleaga mo fenua i ona takatakai ; talie kua tiaki e ia aku lao, ti na leaise mulimuli a ia ki aku fakatotonu.

Sakalia 7:11

Kae na lotou patigataa o leaise lotou fakalogo, ti na lotou titua o tapono olatou taliga ke aua na lotou logo.

Numelo 32:15

Talie, kapau e kotou titua kiate ia, ti e toe soko atu loa e ia le fakaeva o Iselaele i le toafa, ti e mate loa le kakai leinei o tupu ko koutou.

Mateo 17:5

I le lolotoga o lana masau, na uufi loa latou e se ao gigila. Ti ko leinei, na fakasa loa e se leo mei le ao a folafola anei : Ko ia leinei ko loku Alo alofaina, leia kua kau tuku ki ai loku alofa : Kotou fakalogo kiate ia !

Mateo 8:4

Na pati loa Sesu kiate ia : Tokaga ke aua na ke fakasa a ia ki se tasi ; kae ke ano, o fakasa a koe ki le tagata faisakilifisio, ti mo ke ave le moliga leia na tosi e Moisese, ke fakamaoki ai kia latou.

Gaoi 7:35

Ko le Moisese lena, leia na lotou fakafiti ki ai, o pati : Ko ai leia na fakanofo ia a koe ko le pule mo le tui fakamaau ? Ko ia leia na kakau e le Atua ko le pule ti mo le fakamauli i le tokoi a le aselo leia na sa kiate ia i le ulu vao.

Tetelonome 18:19

Kapau e leaise fakalogo loa se tasi ki folafola ala e fakasa loa e ia i loku suafa, e kau tautea loa a ia, e au totonu.

Tetelonome 30:17

Kae kapau e maliu kese loa lou loto, ti kapau e leaise ke fakalogo loa, ti kapau e ke tuku loa a koe ke ano o punou ti mo tausi ki ni atua kese,

Tetelonome 4:36

Mei le lagi, na fakasa e ia lona leo kiate koe, o ako a koe ke poto i le fakalogo ki lona leo. I le kele, kua fakatio e ia a koe ki se afi lasi, ti kua ke logo ki lana masau mei loto o le afi.

Uluaki tosi ki le kau Tesalonika 5:15

Kotou tokaga ke aua na totogi e se tasi le veli ki le veli, kae ke kotou afa tuumau le malie i okoutou vasaa ti mo tagata fuli.

Lua tosi kia Timoteo 4:4

Ti e lotou fakamaliu loa olatou taliga mei le maoki, ti e lotou mafuli loa ki fanaga.

Epelo 1:1

I mua, na masau le Atua i ni temi kesekese ti mo ni fai kesekese ki otatou tamana i le kau polofeta,

Epelo 11:7

Ko le tui leia na fakalogo ai a Noe ki valoki a le Atua o uiga mo nea ala ka soko kae na leaise tio ki ai, ti na i loa a ia ki le Atua, o fau loa se aleka ke fakamauli ai lona famili ; ko le tui lena na fakasa ia loa e ia le veli o le malama nei, ti na liliu loa a ia ko le tagata maua tofiga o le faitotonu leia e maua i le tui.

Epelo 12:19

pe ki le tagi o fakatagi pupusi, pe ki le logoa o masau, o tupu ai le kole e latou ala na logo ki nea ana ke aua na toe masau ake kia latou ;

Epelo 3:12

Kotou tokaga, fetaina, ke aua na maua e se tasi o koutou se loto veli mo tui gataa, o kaku o mavae mei le Atua mauli.

Epelo 3:17

Ti ko ai ma latou ala na ita loa ki ai le Atua i le lolotoga o fetuu e kau fa ? Pe leaise ko latou ala na agasala loa, ti na vivilo loa olatou tino o mamate i le toafa ?

Epelo 8:5

E lotou fai se tausi o fakatatau ki le paaki ti mo le ata o nea i le lagi, ofaipe le fakasa fakatomua e le Atua kia Moisese i mua o le fakatuu o le tapenakulo, i lana pati kiate ia : Tokaga o fai a nea fuli, o fakatatau ki le paaki leia na fakasa kiate koe i le mauga.

Sosue 22:15

Na lotou ano loa ki le fenua o Kalaate ki vosa o Lupeni, mo vosa o Kate, ti mo vosa o le vaelua o Manase, ti na lotou masau loa, o pati :

Sosue 22:16

Ko leinei le nea leia na fakasa e le fono katoa a le Eteleno : Kolea kua kotou fai ai le sala lasi leinei ki le Atua o Iselaele ? Kolea kua kotou tiaki ai i le aso nei le Eteleno, o kotou fakatuu se aletale ke kotou fakafesagai ai i le aso nei ki le Eteleno ?

Uluaki tosi a Petelo 1:22

Kua kotou fakamea okoutou laumalie i le fakalogo ki le maoki ke kotou maua se alofa fakatautaina maoki, koia ke kotou fealofani makeke ia koutou, i lokoutou loto katoa,

Apokalipisi 19:10

Ti na kau fakamapee loa ki lalo i ona vae ke su kiate ia ; kae na pati mai loa a ia kiate au : aua na ke fai le nea a ia ! Talie ko au ko se tagata fakasausau ofaipe koe mo ou fetaina ala e maua ia le fakamaoki o Sesu. Su ki le Atua. Talie ko le fakamaoki o Sesu ko le laumalie a ia o le folafola kikite.

Apokalipisi 22:9

Kae na pati mai loa a ia kiate au : Aua na fai le nea a ia ! Ko se tagata fakasausau au ofaipe koe, mo ou fetaina ko le kau polofeta, ti mo latou fuli ala e tausi ia a folafola o le tosi leinei. Atolasio ki le Atua.