Epelo 12:23 - Tosi Tapu

²³ ki le fakatasi o le kau uluaki tupu ala kua tosi i le atu lagi, ki le tui fakamaau leia ko le Atua o tagata fuli, ki laumalie o le kau agatonu ala kua kaku ki le malie tukupau,

Epelo 12:23 ပူးပေါင်းရင်းမြစ်များ

Senesi 18:25

E leaise feala ke ke tamate le tagata agatonu mo le tagata agasala, o sakinake e ke fakatatau loa le tagata agatonu mo le tagata agasala : Ke mamao iate koe le fai lena ! Ke mamao ai iate koe ! Ko Leia e fakamaau ia le malama nei katoa pe leaise mulimuli a ia ki le faitotonu ?

Pesalemo 111:1

Kotou fakafetai ki le Eteleno ! E kau fakafetai loa ki le Eteleno i loku loto katoa, I le fakatasiga a tagata agatonu, mo le fakatasiga a le kakai.

Pesalemo 69:28

Ke ke tosi alatou agaveli fuli, Ti ke aua na lotou kau ki lou manava alofa !

Pesalemo 89:27

Ko ia, e fetapa loa a ia kiate au : Ko koe ko loku tamana, Mo loku Atua ti mo le utu o loku fakamauli !

Pesalemo 89:7

Talie ko ai, i le lagi, e mafai ke fakatatau ki le Eteleno ? Ko ai e tatau mo koe i vosa o le Atua ?

Pesalemo 94:2

Ke ke tuu ki aluga, a koe ko le tui fakamaau o le malama nei ! Ke ke liufaki ki le kau fia nealasi o mulimuli ki alatou gaoi !

Pesalemo 96:13

I mua o le Eteleno ! Talie e au a ia, Talie e au a ia ke fakamaau le malama nei ; E fakamaau loa e ia le malama nei i le faitotonu, Ti mo atu kakai o mulimuli ki lona agatonu.

Pesalemo 98:9

I mua o le Eteleno ! talie e au a ia ke fakamaau le malama nei ; E fakamaau loa e ia le malama nei i le faitotonu, Ti mo atu kakai i le maoki.

Ekesote 13:2

Momoli mai kiate au a uluaki fuli, a uluaki fuli o fanau a Iselaele, tatau fai a tagata mo manu : Ko loku vaega latou.

Ekesote 32:32

Fakamolemole i le aso nei lalatou agasala ! Ti kapau e leai, soloi au i lau tosi leia kua ke tosi.

Ekesote 4:22

E ke pati loa kia Falaone : E masau le Eteleno, o pati : Ko loku vosa Iselaele, loku uluaki.

Ekelesiasi 12:7

leia e tuania ai loa ki le nea leia e taualuga, leia e maua ai loa ni i i le ala, leia e se ai loa le amatie, leia e mamafa ai loa le seseivaka, leia e puli ai loa le manogi o le kapele, talie e ano le tagata ki lona nofoaga lee gato, ti e ano loa le kau tagi laulau i ala ;

Selemia 31:9

E lotou au fetagisi, ti e kau taki latou i loto malie o alatou kolekole ; E kau taki latou ki ni liua apelepele i le vai, I se ala tokamalie leia e leaise lotou sisiga ai ; Talie ko au ko se tamana ki Iselaele, Ti ko Efalaimi loku uluaki.

Luka 10:20

Kae aua na kotou fiafia, o tupu kua fakalogo atu a laumalie veli kia koutou ; kae kotou fiafia talie kua tosi okoutou igoa i le atu lagi.

Soane 5:27

Kua soli e ia kiate ia le pule ki le fakamaau, talie ko le Vosa a ia o le tagata.

Gaoi 20:28

Koia kotou tokaga ai kia koutou totonu, ti mo le kau ovi katoa leia kua fakanofo koutou ki ai e le Laumalie Maokioki ko epikopo, ke fagai ia le Ekelesia o le Atua, leia kua totogi e ia ki lona toto totonu.

Uluaki tosi ki le kau Kolinto 13:12

I le temi nei e tou tio nenefu ofaipe i se tiloata, kae i se aso e tou tio mata loa, le mata ki le mata ; i le aso nei e kau iloa fakakoga, kae i le aso a ia e kau iloa katoa loa ofaipe loku iloa katoa e le Atua.

Uluaki tosi ki le kau Kolinto 15:49

Ti e tatau foki mo tatou : na tou maua le paaki o le tagata mei le kele, ti kua tou toe maua foki le paaki o leia na au mei Selo.

Uluaki tosi ki le kau Kolinto 15:54

Ka kofu loa e le tino pala leinei le lee pala, ti ka kofu loa e le tino mate leinei le mauli lee gato, ti e soko loa le folafola leia e tuu i le Tosi : Kua folo le mate e le malo.

Lua tosi ki le kau Kolinto 5:8

e ma apele i le fanaki, ti e ma malie ia ake lama mavae i le tino leinei, o nonofo mo le Aliki.

Efeso 1:22

Ti kua tuku e ia a nea fuli ki ona vae, ti kua soli e ia a ia ko le Ulu o le Ekelesia,

Tetelonome 21:17

Kae e fakamaoki loa e ia ko le uluaki ko le vosa o le fafine leia e leaise alofa a ia ki ai, ti e soli loa e ia kiate ia ni vaega e lua i ana nea fuli ala e maua e ia. Talie ko le vosa lena ko le uluaki fua a ia o lona makeke, ti ko ia leia e tonu ke maua ia loa le pule o le uluaki.

Filipe 4:3

Ti ko koe foki, ko loku kaukau nea agatonu, io, e kau kole atu kiate koe ke ke tokoi kia laua, ala na tau fakatasi mo au ki le Evaselio, ti mo Kelemete mo la ake oku kaukau soa i le gaoi, latou ala kua tuu olatou igoa i le tosi o le mauli.

Kolose 1:12

Kotou fakafetai ki le Tamana, leia kua mafai ai ke kotou kau i le tofiga o le kau sagato i le malama ;

Kolose 1:24

E kau fiafia i le aso nei i oku mamae o tupu ko koutou ; ti ko le nea leia e puli i mamae o Kilisito, e kau fakakatoa a ia i loku kanofi, o tupu ko lona tino, ko le Ekelesia.

Uluaki tosi kia Timoteo 3:5

talie kapau e leaise iloa e se tasi le takitaki o lona famili totonu, pe feaki loa lana tokaga ki le Ekelesia o le Atua ?

Epelo 11:4

Ko le tui leia na momoli ai e Apele ki le Atua se sakilifisio leia e malie tukupau ake i leia a Kaino ; ko le tui leia na fakasa ai a ia ko le agatonu, o tali e le Atua ana moliga ; ko le tui leia koi masau ai a ia, logo ai kua mate.

Epelo 11:40

O tupu na teuteui e le Atua se nea leia e malie tukupau ake kia tatou, o tupu ke aua na lotou kaku ki le malie tukupau sala mo tatou.

Epelo 2:12

i lana pati : E kau fakasa loa lou igoa ki oku fetaina. Ekau sua fakafetai loa kiate koe i le fakatasi.

Epelo 9:27

Kua fakatuutuu ke mate tua tasi a tagata fuli, ti o soko mai loa le fakamaau.

Sakopo 1:18

Na fakatupu e ia tatou ki le folafola o le maoki o mulimuli ki lona finegalo, o tupu ke tou liliu ko le kau uluaki tupu o lana kakai.

Uluaki tosi a Petelo 2:23

a ia leia na nukinukii, kae na leaise tali fua a ia ki se nukinuki, ti na fakavelivelii kae na leaise fai e ia se tali fakamakeke, kae na fakalogo fai a ia ki leia e fakamaaui i le faitotonu ;

Apokalipisi 13:8

Ti na atolasio loa kiate ia a kakai fuli o le malama nei, latou ala na leaise tosi olatou igoa i le tosi o le mauli a le Akeno, leia na tamate talu mei le fakatupu o le malama nei.

Apokalipisi 14:4

Ko latou anei na leaise fakakelekele mo ni fafine, talie e lotou taupoou ; e lotou muli i le Akeno, i ganea fuli ala e ano a ia ki ai. Na totogi latou mei lotolotoga o tagata, ofaipe ni uluaki fua ki le Atua ti mo le Akeno.

Apokalipisi 20:15

Ko leia na leaise maua kua tosi i le tosi o le mauli, na ti loa a ia ki le tai afi.

Apokalipisi 6:11

Ti na soli loa se kofu tea ki le tagata taki toka tasi o latou ; ti na pati loa kia latou ke lotou toe malolo mua i se ga temi ikiiki, ke katoa le api o olatou kau tagata gaoi ti mo olatou fetaina ala kua tonu ke maletile ofaipe latou.

Apokalipisi 6:9

I lana fakamavaa le lima fakamau, na kau tio loa i lalo o le aletale ki laumalie o latou ala na maletile o tupu ko le folafola a le Atua ti mo le fakamaoki leia na lotou fai.