Epelo 12:19 - Tosi Tapu

¹⁹ pe ki le tagi o fakatagi pupusi, pe ki le logoa o masau, o tupu ai le kole e latou ala na logo ki nea ana ke aua na toe masau ake kia latou ;

Epelo 12:19 ပူးပေါင်းရင်းမြစ်များ

Ekesote 20:22

Na pati loa le Eteleno kia Moisese : E ke masau feneeki loa ki fanau a Iselaele : Kua kotou tio mata ki laku masau mei lagi kia koutou.

Mateo 24:31

Ti e kakau loa e ia ana aselo mo le fakatagipupusi makeke, ti e lotou tanaki loa lana kau filifiliia mei fetuu matagi e fa, mei leia potupotu o le lagi ki leia potupotu.

Uluaki tosi ki le kau Kolinto 15:52

i se temi e tasi, i le kemo o le mata, i le pupusi o le fakatagi fakamuli. E tagi loa le fakatagi pupusi, ti e toe tuuake loa le kau mate i ni tino lee pala, ti ko tatou, e tou fetogi loa.

Tetelonome 18:16

Ko le tali loa a ia ki le kole leia na ke fai ki le Eteleno, lou Atua, i Olepe, i le aso o le fakatasi, o ke pati ai : E leaise kau toe loto ke folafola totonu mai kiate au le Eteleno, loku Atua ! E leaise kau toe fia tio ki le afi kaka lena ! E leaise kau fia mate !

Tetelonome 4:11

Na kotou fakafeofi ake loa ti na kotou tutuu loa i lalo o le mauga. Na ulaula katoa le mauga o kaku ki le lagi, ti na kofu a ia e se kokofu, mo se ao, mo se fakapouli matotolu.

Tetelonome 4:12

Ti na masau loa le Eteleno kia koutou mei loto malie o le afi. Na kotou logo loa ki le leo o masau, kae na leaise kotou tio loa ki ni mata, na kotou logo fua ki le leo.

Tetelonome 4:33

Pe ku i ai se puleaga leia kua logo ki le leo o le Atua leia e masau mei se afi, ofaipe lau logo ki ai, ti na ke mauli ?

Uluaki tosi ki le kau Tesalonika 4:16

Talie e ifo loa le Aliki totonu mei le lagi, i se kalaga fakalagiaki, i le leo o se alekaselo, ti mo le tagi o le fakatagi pupusi a le Atua : ti ko le kau mate ia Kilisito e toe tuuake loa i mua.

Epelo 12:25

Kotou tokaga ke aua na kotou fakafiti ki leia e masau atu kia koutou ; talie kapau na leaise sao latou ala na fakafiti loa ke logo ki leia na fakasa ia ni folafola i le malama nei, e feaki ake loa ke tou sao mo kapau e tou titua ki leia e masau mei le lagi,