Epelo 12:15 - Tosi Tapu

¹⁵ Ke kotou tokaga na tausala se tasi i le kalasia o le Atua, ti ke aua na i ai fua se aka kona, leia e somo ai ni uli mo fakatupu ia se mamae, ti ke kelekele ai se toka api.

Epelo 12:15 ပူးပေါင်းရင်းမြစ်များ

Uluaki tosi o Sau 14:16

E tiaki loa e ia Iselaele o tupu ko agasala ala na fai e Selopoamo ti na fakaagasala ai e ia Iselaele.

Ekesote 32:21

Na pati loa Moisese kia Alone : Kolea na fai e le kakai leinei kiate koe, ke ke tuku ai ke lotou fai se agasala lasi feneeki ?

Taagapati 4:23

Taupau lou loto o lasi ake i nea fuli ake ala, Talie e au mei ai a matapuna o le mauli.

Esaia 5:4

Kolea mo se nea ke fai ki laku vite, leia na leikiaise kau fai ki ai ? Kolea na kau amanaki malie ai ki se fua malie, ti na fua veli a ia ?

Esaia 5:7

Ko le vite a le Eteleno o kau tau, ko le fale o Iselaele, Ti ko tagata o Suta, ko le uli leia na alofa mamae a ia ki ai. Na amanaki malie a ia ki le loto sako, kae ko leinei ko se toto na liligi ! Na amanaki malie a ia ki le faitotonu, kae ko leinei ko ni tagi mamae !

Selemia 2:21

Na kau to a koe ofaipe se vite malie, Leia na to ki se pulapula malie tukupau. Kolea na ke fetogi ai, Na ke liliu ai o veli ofaipe se vite matapule ?

Luka 22:32

Kae kua kau ulufaki a koe, ke aua na puli lau tui ; ti ko koe, ka ke toe liliu mai loa, tokoi ki ou fetaina.

Uluaki tosi ki le kau Kolinto 10:12

Koia, ko leia e manatu e tuu a ia i aluga, ke tokaga a ia na vilo !

Uluaki tosi ki le kau Kolinto 13:8

E leaise puli le alofa i se aso. E gato loa a kikite, e gato loa a masau kesekese, e gato loa le iloa.

Uluaki tosi ki le kau Kolinto 15:33

Aua na kotou fai sala : E maumaui e kaukaunea veveli a aga malilie.

Uluaki tosi ki le kau Kolinto 5:6

E leaise malie lakotou fakakololia kia koutou ! Pe leaise kotou iloa ko se ga momoi fakatupu e fakatutupu ia le falina katoa ?

Lua tosi ki le kau Kolinto 13:5

Ke kotou fakatiotio kia koutou totonu, ke iloa pe kotou nonofo i le tui ; kotou asiasii koutou totonu. Pe leaise kotou iloa e nofo Sesu-Kilisito ia koutou ? Kae na saga e leaise kotou maua ia ni fakamaoki o lakoutou tui.

Lua tosi ki le kau Kolinto 6:1

Talie e ma kaukau gaoi mo le Atua, e ma fakakolekole foki kia koutou ke aua na kotou tuku ke to noa le kalasia o le Atua.

Kalate 2:13

Ti na fai fakamalualoi loa mo ia le toega o le kau Sutea ; koia na toe pikiia ai foki mo Palenapa i lalatou malualoi.

Kalate 5:4

Kua kotou mavae ia Kilisito, koutou fuli ala e afa ia le fakamatatonu i le lao ; kua fakaifo koutou mei le kalasia.

Efeso 5:3

Ke aua na masau fua ia koutou ki le fai feauaki, mo nea fakakelekele fuli, mo le manumanu, talie e leaise gali a ia mo le kau sagato.

Tetelonome 29:18

Ke aua na maua loa ia koutou se tagata pe ko se fafine, pe ko se famili pe ko se faasiga, leia e veli lona loto ke maliu i le aso nei mei le Eteleno, lotatou Atua, o ano o tausi ki atua o puleaga ana. Ke aua na maua loa ia koutou se aka leia e fakatupu ia se au kona mo se kava kona.

Tetelonome 32:32

Kae ko lolatou vite ko se vite mei Sotoma, Ti na taaki a ia mei le kele o Komola ; E mamala olatou fuai vite ofaipe le au, Ti e kona olatou fui vite.

Tetelonome 4:9

Koleia fua ke ke tokaga kiate koe totonu, o tausi fakamalotoloto lou loto, i aso fuli o lou mauli, ke aua na galo loa iate koe a nea fuli ala na tio ki ai ou mata, ti ke aua na ke fakamamao loa a nea ana i lou loto, kae ke ke fakamatala loa latou ki ou vosa mo vosa o ou vosa.

Kolose 3:5

Koia ke kotou tamate le nea leia, i okoutou koga tino, e kau ki le malama nei, le fai feauaki, mo le aga fakakelekele, mo oli fakavale, mo oli veveli, ti mo le manumanu, leia ko se tausi taulaatua.

Tito 1:15

E mea nea fuli kia latou ala e mea ; kae e leaise mea se nea kia latou ala e kelekele mo tui gataa ; talie kua kelekele olatou atamai mo olatou loto.

Epelo 3:12

Kotou tokaga, fetaina, ke aua na maua e se tasi o koutou se loto veli mo tui gataa, o kaku o mavae mei le Atua mauli.

Epelo 4:1

Koia ke tou i, i le temi leinei koi tuu ai le fakapapau ke kotou ulu ki lona maloloaga, ke aua na ulu tausala se tasi o koutou ki ai.

Epelo 4:11

Koia tou faiga ke tou ulu vave ki le maloloaga lena, o tupu ke aua na siga se tasi o fakatautau ki le faifaitakiaga lena o le patigataa.

Epelo 6:11

E motou loto ke kotou tasi fakasa le alofa lena o kaku ki le gatoaga, o tupu ke kotou maua katoa le nea leia e kotou amanaki malie ki ai :

Sosue 6:18

Ke kotou tokaga ai na kotou too ia loa se nea leia e tonu ke maumaui, talie e kotou aumai ia loa le malaia mo le maumau ki le nofolaga o fanau a Iselaele.

Lua tosi a Petelo 1:10

Koia loa, fetaina, ke kotou asilisili fakamalotoloto o fakamakeke lokoutou vokasio mo lokoutou filifili ; talie, i lakoutou fai le nea a ia, e leaise kotou toe tukia loa.

Lua tosi a Petelo 2:18

I ni masau fia nealasi mo loi, e lotou maselei ki a oli o le kanofi mo aga fakalialia latou ala nao mavae fua mei tagata ala e mauli sese ;

Lua tosi a Petelo 3:11

O tupu e maumaui loa a nea fuli ana, e tonu ke kotou asilisili maokioki ake i okoutou mauli ti mo lokoutou alofa ki le Atua.

Lua tosi a Petelo 3:14

Koia loa, alofaaga, i lakoutou talitali ki nea ana, kotou faiga ke maua atu koutou e mea mo lee mele i le tokamalie.

Lua tosi a Soane 1:8

Kotou tokaga fua kia koutou totonu, o tupu ke aua na puli le fua o lakotou gaoi, kae ke kotou maua se fakapale lasi.