Epelo 12:14 - Tosi Tapu

¹⁴ Ke kotou afa le tokamalie mo le kakai fuli, ti mo le maokioki, talie sala mo ia e leaise tio loa se tasi ki le Aliki.

Epelo 12:14 ပူးပေါင်းရင်းမြစ်များ

Senesi 32:30

Na soli loa e Sakopo le igoa ko Peniele ki le ganea lena ; talie na pati a ia : Kua kau tio mata ki le Atua, ti na fakamauli loa e ia loku mauli.

Sopo 19:26

Ka maumau loa loku kili, e tuu ake loa a ia ki aluga ; Ka oki loa le maumau o loku kili, e kau tio loa, a au totonu, ki le Atua.

Sopo 33:26

E fai loa e ia lana kole ki le Atua, ti e tali loa le Atua kiate ia ; E tuu loa a ia i mua o le Atua mo ni kalaga fakafiafia, Ti e liufaki loa e le Atua kiate ia lona faitotonu.

Pesalemo 120:6

Na fualoa ai le nofo o loku laumalie I tafa o latou ala e vesia ki le tokamalie.

Pesalemo 133:1

Katiko o le fanoga tapu. A Tavite. Ko leinei, io ! e malie ai, e fakafimalie ai Ki ni fetaina ke nonofo fakatasi !

Pesalemo 34:14

Ke ke taofi lou alelo i le veli, Mo ou laugutu i masau kaka.

Pesalemo 38:20

Kae e apele oku fili i le mauli mo makeke ; E toka api ai latou ala e vesia mai kiate au kae e leaise sona tupuaga.

Pesalemo 94:15

Talie e fai loa le fakamaau o mulimuli ki le faitotonu, Ti e fakamaoki loa ki ai latou fuli ala e agatonu i le loto.

Taagapati 15:1

E fakafimalie le ita e se tali malu, Kae e fakaasilisili a ia e se masau fefeka.

Taagapati 16:7

Ka malie a ala o se tagata ki le Eteleno, E fai e ia ke malilie mo ia ona fili foki.

Taagapati 17:14

Ko le kamata o se fefele, ko le fakamavaa a ia o se kaua e taofi ia le vai ; I mua o le vevela o le fefele, ke ke ano o puli.

Esaia 51:1

Kotou fakalogo mai kiate au, koutou ala e mulimuli i le faitotonu, Ala e afa ia le Eteleno ! Kotou tio ki le utu leia na ta koutou mei ai, Ki le mavaa o le popoko leia na too koutou mei ai.

Maleko 9:50

Ko se nea malie le patai ; kae kapau e puli loa lona konakona, e kotou fakakonakona feaki loa a ia ?

Luka 1:75

Ti ke tou saele i ona mua i le maokioki mo le faitotonu i aso fuli o lotatou mauli.

Loma 12:18

Kapau e feala, ti e fakalogo kia koutou, ke kotou mauli i le tokamalie mo tagata fuli.

Loma 14:19

Koia loa, ke tou afa a nea ala e aoga ki le tokamalie ti mo le faufau.

Loma 6:22

Kae i le temi nei, i lokoutou lauatea mei le agasala, o popula ki le Atua, e kotou maua a fua o le maokioki ti mo le fakaokiaga ko le mauli lee gato.

Uluaki tosi ki le kau Kolinto 1:10

Koia, fetaina, e kau kole mamae atu kia koutou i le suafa o lotatou Aliki ko Sesu-Kilisito, ke kotou masau fuli ki se masau e tasi, ti ke aua na maua ni fakavaevaega ia koutou, kae ke kotou pipiki tasi i se loto e tasi, ti mo se fakakaukau e tasi.

Uluaki tosi ki le kau Kolinto 13:12

I le temi nei e tou tio nenefu ofaipe i se tiloata, kae i se aso e tou tio mata loa, le mata ki le mata ; i le aso nei e kau iloa fakakoga, kae i le aso a ia e kau iloa katoa loa ofaipe loku iloa katoa e le Atua.

Lua tosi ki le kau Kolinto 6:17

Koia e pati ai le Aliki : Kotou au kese meia latou, Ti kotou mavae kese, e pati le Aliki ; Aua na kotou fafa ki le nea leia e kelekele, Ti e kau tali loa koutou.

Lua tosi ki le kau Kolinto 7:1

Koia, ei alofaaga, i le maua o fakapapau ana, tou fakamea tatou mei nea fuli ala e fakakelekele ia le tino mo le laumalie, o fakaoki lotatou fakamaokioki i le kanofi ki le Atua.

Kalate 3:21

Pe fakafesagai le lao ki fakapapau a le Atua ? E leai ai ! Ka na soli mai se lao leia e mafai ke soli ia le mauli, e au maoki loa le faitotonu mei le lao.

Efeso 5:5

Talie, ke kotou iloa, e leaise tagata fai feauaki, mo se tagata fakakelekele, mo se tagata manumanu, (ko lona uiga e tausi taulaatua) e maua ia le puleaga o Kilisito mo le Atua.

Filipe 3:12

E leikiaise kau maua ia foki le fakapale, pe kua kau kaku ki le malie tukupau, kae e kau makape, o faiga ke kau kukumi a ia, talie kua kukumi foki au e Sesu-Kilisito.

Uluaki tosi ki le kau Tesalonika 3:13

ke fakamakeke e ia o okoutou loto o tupu ke kotou lee mele mo maokioki i mua o le Atua ko lotatou Tamana, i le aso o le toe liliu mai o lotatou Aliki ko Sesu mo ana sagato fuli.

Uluaki tosi ki le kau Tesalonika 4:7

Talie na leaise kalagai tatou e le Atua ki le mauli fakalialia, kae ki le maokioki.

Uluaki tosi ki le kau Tesalonika 5:15

Kotou tokaga ke aua na totogi e se tasi le veli ki le veli, kae ke kotou afa tuumau le malie i okoutou vasaa ti mo tagata fuli.

Uluaki tosi kia Timoteo 6:11

Kiate koe, tagata a le Atua, sola mei nea ana, ti ke ke afa le faitotonu, mo le aga fakaatua, mo le tui, mo le alofa, mo le kataki fualoa, ti mo le agamalu.

Lua tosi kia Timoteo 2:22

Sola mei oli fakavale o le temi tupulaga, ti ke afa le maokioki, mo le tui, mo le alofa, mo le tokamalie mo latou ala e kalaga ki le Aliki i se loto mea.

Epelo 12:10

Talie e maoki na tautea tatou e otatou tamana i ni ga aso teiki fua, ofai ki le nea leia e lotou malie ia ; kae e tautea tatou e le Atua i le nea leia e aoga kia tatou, o tupu ke tou kau ki lona maokioki.

Epelo 9:28

E tatau foki mo Kilisito, kua momoli e ia a ia o tua tasi ke amo ai a agasala a se kakai toka api. Ti e toe sa loa a ia i se tua lua o leai ke fufulu ai a agasala, kae ke fakamauli ai latou ala e talitali kiate ia.

Uluaki tosi a Petelo 3:11

Ke fakamamao a ia i le veli, ti ke fai e ia le malie, Ti ke afa e ia le tokamalie, ti ke tuli e ia a ia ;

Uluaki tosi a Petelo 3:13

Ti ko ai ka fakaveliveli loa kia koutou, mo kapau e kotou mafi i le fai o le malie ?

Lua tosi a Petelo 3:11

O tupu e maumaui loa a nea fuli ana, e tonu ke kotou asilisili maokioki ake i okoutou mauli ti mo lokoutou alofa ki le Atua.

Lua tosi a Petelo 3:18

kae ke kotou tuputupua i le kalasia mo le iloa o lotatou Aliki mo Fakamauli ko Sesu-Kilisito. Kiate ia le kololia, i le temi nei o lee gato ! Amene !

Tolu tosi a Soane 1:11

Alofaina, aua na ke faifaitaki ki le veli, kae ki le malie. Ko leia e fai ia le malie e kau a ia ki le Atua, kae ko leia e fai ia le veli, na leaise tio a ia ki le Atua.

Tuifakamaau 11:14

Na toe kakau loa e Sefete ni iki tagata avelogo ki le sau o vosa o Amone,