Epelo 12:13 - Tosi Tapu

¹³ ti ke kotou muli ki okoutou vae i ni ala sasako, o tupu ke aua na sese le vae leia kua kito, kae ke toe fakamakeke a ia.

Epelo 12:13 ပူးပေါင်းရင်းမြစ်များ

Esaia 35:3

Kotou fakamakeke a lima kua gaegae, Ti kotou tokoi a tuli kua sisiga ;

Esaia 35:6

I le aso lena e soposopo loa le kito ofaipe se tia, Ti e sua fakafiafia loa le alelo o le gutu mate. Talie e mapuna loa ni vai i le toafa, Ti mo ni vaitafe i le ganea lavaki ;

Esaia 42:16

E kau fakasaele loa a kivi i se ala leia e leaise lotou iloa, E kau taki loa latou i ni ala ala e leaise lotou lave ki ai ; E kau fetogi loa i olatou mua le fakapouli ko le malama, Ti mo ganea pikopiko ko ni potu laumalie : Ko lena le nea leia e kau fai loa, ti e leaise kau tiaki loa latou.

Esaia 58:12

E toe laga loa e au fanau ni kolo foou i aluga o kolo maumau, E ke toe fakatuu loa ki aluga ni fakatafito afea ; E fakaigoa loa a koe ko le tagata fakafoou o nea maumau, Leia e toe fakafoou ia a ala, leia e fakaliliu ia le fenua ke nofoi.

Selemia 18:15

Kae kua galoi au e loku kakai, e momoli e ia le iseso ki ni taulaatua. Kua taki a ia ke siga i ona ala, ke tiaki a ala afea, Kae ke mulimuli i ni ala gaoa, ala na leaise fakalauatea.

Luka 3:5

Ke tanu a vaivailiua fuli, Ke soloi ki lalo a mauga mo patu fuli ; Ke fakasakosako a ala pikopiko, Ti ke fakalautatau a ala patupatu.

Kalate 2:14

I laku tio na leaise lotou saele fakasako i le maoki o le Evaselio, na kau pati loa kia Kefasi i mua o latou fuli : Kapau ko koe leia e Sutea, e ke fai o fakatatau ki le aga a le kau pagani, kae leai ki le aga a le kau Sutea, kolea e ke fakamakeke ai le kau pagani ke fai o fakatatau ki le kau Sutea ?

Kalate 6:1

Fetaina, kapau e maua atu se tasi kua sala, ko koutou ala e fakalaumalie, kotou fakatonutonu a ia i se loto agamalu. Tokaga kiate koe totonu, talie ke aua na toe fakasalai foki mo koe.

Sakopo 5:16

Koia ke kotou fekofesioaki akoutou agasala, ti kotou fefaikoleaki, o tupu ke kotou mauli. E aoga lasi ai le faikole fakamalotoloto a le tagata agatonu.

Uluaki tosi a Petelo 2:24

a ia leia na amo ia toka tasi atatou agasala i lona tino i le laakau, o tupu ke tou mate ki atatou agasala kae ke tou mauli ki le maokioki ; ti kua tou mauli i ona kafo.