Epelo 12:11 - Tosi Tapu

¹¹ E maoki e leaise se fiafia i le tautea, kae ko le mamae ; kae ki muli ake e fakatupu loa e ia se fua malie o le tokamalie mo le maokioki kia latou ala kua akonakii fenaaki.

Epelo 12:11 ပူးပေါင်းရင်းမြစ်များ

Senesi 21:11

Na mamae ai le masau lena kia Apalaamo, talie ko lona vosa.

Pesalemo 118:18

N tautea au e le Eteleno, Kae na leaise tuku e ia au ki le mate.

Pesalemo 119:165

E lasi ai le tokamalie kia latou ala e alofa ki lau lao, Ti e leaise soko fua se malaia kia latou.

Pesalemo 89:32

Kapau e lotou maumaui aku pelesepeto, Ti e leaise lotou taupau aku folafola,

Taagapati 15:10

E talitali se tautea mamafa ki leia na tiaki ia le ala o le maokioki ; Ti ko leia e vesia ki le valoki e mate loa.

Taagapati 19:18

Tautea lou vosa, talie koi maua se amanaki malie kiate ia ; Kae aua na ke oli ke fakamate a ia.

Esaia 19:22

Koia e taai ai loa e le Eteleno le kau Esipito ; E taai loa e ia latou, kae e toe fakamauli loa e ia latou ; Ti e lotou tafoki loa ki le Eteleno, Leia e tali ia loa alatou kole ti e fakamauli ia loa latou.

Esaia 32:17

Ko le gaoi a le faitotonu ko le tokamalie, Ti ko le fua o le faitotonu ko le malolo mo le fimalie o lee gato.

Loma 14:17

Talie ko le Puleaga o le Atua, e leaise ko le kai pe ko le inu, kae ko le maokioki, mo le tokamalie, ti mo le fiafia i le Laumalie Maokioki.

Lua tosi ki le kau Kolinto 4:17

Talie ko oma mamae maamaa i le temi leinei, ala e oki vave, e fakatupu ia kia maua, o lasi ake i fuafua fuli,

Lua tosi kia Timoteo 4:8

Ko leinei, kua taofi mai kiate au le pala o le faitotonu ; ko le Aliki, le tui fakamaau faitotonu, e soli ia loa a ia kiate au i le aso lena, ti e leaise gato fua kiate au, kae kia latou fuli foki ala e alofa loa ki lona toe liliu mai.

Epelo 12:10

Talie e maoki na tautea tatou e otatou tamana i ni ga aso teiki fua, ofai ki le nea leia e lotou malie ia ; kae e tautea tatou e le Atua i le nea leia e aoga kia tatou, o tupu ke tou kau ki lona maokioki.

Epelo 5:14

Kae e tuku le magiti makeke ki tagata kua katoa, kia latou ala kua masani i le iloa kesekese o le malie mo le veli.

Uluaki tosi a Petelo 1:6

Ti e kotou fiafia lasi i le nea lena, logo ai e tonu i le temi nei ke kotou mamae i ni asiasii kesekese i se ga temi ikiiki, talie e aoga a ia,

Lua tosi a Petelo 2:14

E apele olatou mata i le tono fafine, ti e leaise lotou makona i le agasala ; e lotou maselei a laumalie ala koi gagae ; ti kua poto olatou loto i le manumanu ki le paaga ; ko ni fanau latou o le malaia.