Epelo 12:1 - Tosi Tapu

¹ Koia, ko tatou foki, o tupu kua takatakai tatou e se ao lasi o ni tagata fakamaoki, ke tou tiaki a kavega mamafa fuli, ti mo le agasala leia e pipiki gaofie kia tatou, ti ke tou makape i le kataki fualoa i le malae leia kua fakamavaa mai kia tatou,

Epelo 12:1 ပူးပေါင်းရင်းမြစ်များ

Sopo 8:10

E lotou ako atu loa kiate koe, e lotou masau atu loa kiate koe, Ti e lotou too loa mei lolatou loto a masau anei :

Pesalemo 18:23

Na tuu ana fakatotonu fuli i oku mua, Ti na leaise kau fakamamao fua i ana lao.

Esaia 60:8

Ko ai ma latou ana e lele ofaipe ni ao, Ofaipe ni lupe ki olatou ofaga ?

Esekiele 38:16

E ke saele loa ki loku kakai ko Iselaele, Ofaipe se ao leia ka ufiufi ia loa le fenua. I aso fakamuli, e kau tuku loa a koe ke saele ki loku fenua, O tupu ke iloa au e atu puleaga, Mo ka ke fakasa loa, e koe, ei Koke, Ko au ko le Atua maokioki ki olatou mata !

Esekiele 38:9

E ke pale loa kia latou, e ke fakafeofi loa ofaipe se afa, E kotou fai loa pe se ao leia ka ufiufi ia loa le fenua,. A koe, mo au kau solia, mo le kakai toka api leia e kau mo koe.

Mateo 10:22

E vesiainai loa koutou e le kakai fuli, o tupu ko loku suafa ; kae ko leia e kataki fualoa loa o kaku ki le fakaoki e saofaki loa.

Mateo 24:13

Kae ko leia e kataki fualoa loa o kaku ki le fakaoki, e saofaki loa.

Maleko 10:50

Na tiaki loa e le tagata kivi lona taupulupulu, ti na mafuta loa a ia ki aluga, o au kia Sesu.

Luka 12:15

Ti na pati loa a ia kia latou fuli : Kotou tokaga ki le fulupipiki ; talie e leaise fakalogo le mauli o le tagata ki le lasi o nea ala e maua e ia.

Luka 16:28

O tupu ke fakamaoki e ia a nea anei kia latou, ti mo valoki latou, ke aua na latou toe au mo latou foki ki le ganea leinei o le mamae.

Luka 21:34

Kotou tokaga kia koutou totonu, ke aua na kotou tuku okoutou loto ke taomia o tupu ko le kai fakavale mo le inu fakavale, ti mo nea o le mauli, ti ke au fakapunamauli le aso lena kia koutou.

Soane 3:32

e fakamaoki a ia ki nea ala na tio a ia mo logo ki ai, ti e leaise tali fua e se tasi lana fakamaoki.

Soane 4:39

Na tui loa kia Sesu se kau Samalia toka api o le kolo lena, o tupu ko le masau a le fafine leia na fai ia le fakamaoki leinei : Na fakasa mai e ia kiate au a nea fuli ala na kau fai.

Soane 4:44

talie na fakasa e ia totonu e leaise maua e se polofeta se fakaapaapa i lona fenua totonu.

Loma 12:12

Ke kotou fakafiafia i le amanaki malie. Ke kotou kataki fualoa i le mamae. Ke kotou agatonu i le faikole.

Loma 2:7

Ko le mauli kia latou ala, i lalatou kataki fualoa o fai le nea e malie, e afa ia le kololia, mo le fakamauiga, ti mo le mauli lee mate ;

Lua tosi ki le kau Kolinto 7:1

Koia, ei alofaaga, i le maua o fakapapau ana, tou fakamea tatou mei nea fuli ala e fakakelekele ia le tino mo le laumalie, o fakaoki lotatou fakamaokioki i le kanofi ki le Atua.

Kalate 2:2

Ti na kau pale loa ki ai i se levelasio. Ti na kau fakamatala loa kia latou le Evaselio leia e kau akonaki ki le kau pagani ; ti na kau fakamatala tafito a ia kia latou ala e logologona, o tupu ke aua na ano noa laku makape i le temi nei mo le temi kua sili.

Kalate 5:7

Na kotou makape malie : Ko ai leia na taofi ia koutou ke aua na kotou fakalogo ki le maoki ?

Efeso 4:25

Koia ke kotou tiaki le loi, kae kotou tasi masau i le maoki ki lona oloi ; talie ko koga tino koutou o le tino e tasi.

Filipe 1:30

o too lokotou vaega i le tau leia na kotou tio na kau fai i mua, ti e kotou iloa e kau fai nei.

Filipe 2:16

o amo le folafola o le mauli ; ti e mafai loa ke kau fiafia i le aso o Kilisito, na leaise kau makape noa ti na leaise kau gaoi noa.

Lua tosi kia Timoteo 2:4

E leaise tagata solia leia e fakavisia ia a ia i nea o le mauli nei, mo kapau e loto a ia ke mata malie a ia ki leia na filifili ia a ia ki lana kau tau ;

Lua tosi kia Timoteo 4:7

Na kau tau le tau malie, na kau makape o kaku ki le fakaoki, na kau taupau le tui.

Epelo 6:15

Ti na maua loa e Apalaamo le nea leia na fakapapau kiate ia o tupu ko lana kataki fualoa.

Sakopo 1:3

talie ke kotou iloa e fakatupu e le asiasii o lakoutou tui le kataki fualoa.

Uluaki tosi a Petelo 2:1

Koia kotou tiaki ai a agaveli fuli, mo kaka fuli, mo malualoi, mo finenonofo, ti mo fatufatu fuli,

Uluaki tosi a Petelo 4:2

o tupu ke mauli, o leaise toe mulimuli ki oli o tagata, kae o mulimuli ki le finegalo o le Atua, i le lolotoga o le temi koi toe kiate ia ke mauli ai i le tino.

Uluaki tosi a Petelo 5:1

Ko nei a ekenaki ala e kau fai ki le kau fakamatuatua ala e nonofo ia koutou, ko au, ko se tagata fakamatuatua ofaipe latou, ti ko se tagata fakamaoki ki mamae o Kilisito, ti ko se tasi foki kua kau ki le kololia leia e tonu ke fakasa :

Uluaki tosi a Petelo 5:12

Kua kau tosi atu kia koutou a ga kupu teiki anei ia Silivano, leia ko se taina agatonu kiate au, ke ekenaki ai koutou ti mo fakasa kia koutou le kalasia maoki leinei o le Atua, leia e kotou pipiki ki ai.

Lua tosi a Petelo 1:6

e le iloa le loto lolomi, e le loto lolomi le kataki fualoa, e le kataki fualoa le alofa ki le Atua,

Apokalipisi 1:9

Ko au Soane, ko lokoutou taina, leia e kau mo koutou ki le mamae, mo le puleaga, ti mo le kataki fualoa ia Sesu, na kau nofo i le motu leia e igoa ko Patemosi, o tupu ko le folafola a le Atua ti mo le fakamaoki o Sesu.

Apokalipisi 13:10

Kapau na fakatuutuu se tasi ki le fakapopula, ti e ano loa a ia ki le fakapopula ; kapau e tamate se tasi ki le seleta, e tonu ke tamate a ia ki le seleta. Ko leinei le kataki fualoa mo le tui a le kau sagato.

Apokalipisi 22:16

Ko au Sesu, kua kau kakau mai laku aselo ke fakasa atu kia koutou a nea anei i atu Ekelesia. Ko au ko le afusa mo le sakoga o Tavite, ko le fetuu ao gigila.

Apokalipisi 3:10

Talie na ke tausi le folafola o le kataki fualoa iate au, e kau tausi loa a koe i le ola o le asiasii leia ka au ki le malama nei katoa, ke asiasii ai le kakai o le malama nei.