Epelo 11:38 - Tosi Tapu

³⁸ Latou ala na leaise gali le malama nei mo latou ! Na lotou sola saele loa i toafa ti mo mauga, i ana ti mo popoko o le kele.

Epelo 11:38 ပူးပေါင်းရင်းမြစ်များ

Uluaki tosi o Sau 17:3

Mavae i leinei, ti ke ano ki le potu esite, ti ke mumuni o ofi ki le liua o Kelite, leia e aga atu ki le Solotane.

Uluaki tosi o Sau 18:13

Pe na leaise fakasa atu ki loku aliki le nea leia na kau fai i le temi leia na tamate ai e Sesapele a kau polofeta a le Eteleno ? Na kau fufu a kau polofeta e tino lelau a le Eteleno, o taki tino lima i se ana, ti na kau fagai latou ki le pane mo le vai.

Uluaki tosi o Sau 18:4

ti na soko loa, i le temi leia na tamate ai e Sesapele a kau polofeta a le Eteleno, na too loa e Apetiasi se kau polofeta e tino lelau ala na fufu loa e ia o taki tino lima i se ana, ti na fagai loa e ia latou ki le pane mo le vai.

Uluaki tosi o Sau 19:9

I ai, na ulu loa a ia ki le ana, ti na moe loa a ia i ai i le pouli. Ti ko leinei, na tuku loa le folafola a le Eteleno kiate ia, o pati : Kolea e ke fai i leinei, Elia ?

Esaia 57:1

E mate le tagata agatonu, ti e leaise tokaga se tasi ki ai ; E pupuli a tagata malilie, ti e leaise tokaga se tasi. Io, e puli le tagata agatonu i mua o le malaia.

Selemia 41:9

Ko le sosoni, leia na laku ki ai e Isemaele a tagata ala na tamate e ia fakatasi mo Ketalia, na fau e le sau ko Asa, i lona i kia Paesa, sau o Iselaele ; ko le sosoni lena na fakaapele loa ki mate e Isemaele, vosa o Netania.

Tuifakamaau 6:2

Na makeke loa le lima o Matiane ki Iselaele. O tupu ko Matiane, na fai loa e fanau a Iselaele ni pu i lalo o mauga, ti mo ni ana i potu fakakilakila o mauga.

Uluaki tosi a Samuele 22:1

Na ano loa Tavite mei ai, o sola ki le ana o Atulami. I le logo loa ki ai o ona fetaina mo le fale katoa o lona tamana, na lotou ifo loa kiate ia.

Uluaki tosi a Samuele 23:15

I le tio a Tavite kua taka tau Saulo, o afa ke tamate a ia, na nofo loa a ia i le toafa o Sife, i le vaomatua.

Uluaki tosi a Samuele 23:19

Na pale loa le kakai o Sife kia Saulo i Kipea, o pati : Pe leaise mumuni Tavite i lomatou fenua, i potu faigataa, mo le vaomatua, mo le mauga o Akila, leia e tuu i le potu saute o le toafa ?

Uluaki tosi a Samuele 23:23

Kotou tioi fakamalielie a ganea fuli ala e mumuni ai, ti kotou toe liliu mai kiate au mo ni logo maoki, ti e kau ano loa mo koutou. Kapau e nofo a ia i le fenua, e kau afa loa a ia i tino afe mo afe o Suta.

Uluaki tosi a Samuele 26:1

Na ano loa le kakai o Sife kia Saulo i Kipea, o pati : Pe leaise se mumuni Tavite i le mauga o Akila, leia e aga ki le toafa ?