Epelo 11:37 - Tosi Tapu

³⁷ Na tuki fatui loa latou, mo sele ki ni tutuu, mo fakavelivelii ; na tamate latou ki le seleta ; na lotou feanoaki o lava ki ni kilii ovi mo ni kilii koti, ti na lotou mativa i nea fuli, mo mamae, ti mo vesiainai.

Epelo 11:37 ပူးပေါင်းရင်းမြစ်များ

Lua tosi a Samuele 12:31

Na fakamavae loa e ia le kakai mei le kolo, ti na fakagaoii loa e ia latou ki ni gaoi mamafa, ki le tutuu, ki le ta fatu, ki toki mo le fai piliki ; na toe fai felaaki e ia ki la ake a kolo fuli o vosa o Amone. Ti na toe liliu loa Tavite ki Selusalemi mo le kakai katoa.

Uluaki tosi o Sau 18:13

Pe na leaise fakasa atu ki loku aliki le nea leia na kau fai i le temi leia na tamate ai e Sesapele a kau polofeta a le Eteleno ? Na kau fufu a kau polofeta e tino lelau a le Eteleno, o taki tino lima i se ana, ti na kau fagai latou ki le pane mo le vai.

Uluaki tosi o Sau 18:4

ti na soko loa, i le temi leia na tamate ai e Sesapele a kau polofeta a le Eteleno, na too loa e Apetiasi se kau polofeta e tino lelau ala na fufu loa e ia o taki tino lima i se ana, ti na fagai loa e ia latou ki le pane mo le vai.

Uluaki tosi o Sau 19:1

Na fakasa loa e Akapo kia Sesapele a nea fuli ala na fai e Elia, mo lana tamate le kau polofeta katoa ki le seleta.

Uluaki tosi o Sau 19:10

Na tali loa a ia : Na kau fakasa loku alofa lasi ki le Eteleno, le Atua o kau tau ; talie kua tiaki e fanau o Iselaele lau sai, kua lotou maumaui ou aletale, ti kua lotou tamate ki le seleta lau kau polofeta ; kua kau toe toka tasi, ti kua lotou afa ke too loku mauli.

Uluaki tosi o Sau 19:13

I le logo loa a Elia ki ai, na puloui loa e ia ona mata ki lona taupulupulu, ti na ulu loa a ia ki fafo, o tuu i mua o le ana. Ti ko leinei, na fakasa loa e se leo kiate ia a folafola anei : Kolea e ke fai i leinei, Elia ?

Uluaki tosi o Sau 19:14

Na tali loa Elia : Na kau fakasa loku alofa lasi ki le Eteleno, le Atua o kau tau ; talie kua tiaki e fanau o Iselaele lau sai, kua lotou maumaui ou aletale, ti kua lotou tamate ki le seleta lau kau polofeta ; kua kau toe toka tasi, ti kua lotou afa ke too loku mauli.

Uluaki tosi o Sau 19:19

Na mavae loa Elia mei le ana, ti na maua loa e ia Eliseo, vosa o Safate, leia na lolotoga fakamaluu kele. Na i ai ni soa pipi e kau agafulu tupu lua i ona mua, ti na nofo a ia mo le kau agafulu tupu lua soa pipi. Na fakafeofi loa Elia kia Eliseo, o ti lona taupulupulu kiate ia.

Uluaki tosi o Sau 21:10

ti kotou tuku ki ona mua ni tagata agaveli e toka lua, o tupu ke la fakalakasala a ia, o pati : Na ke lauveli ki le Atua mo le sau ! Ti kotou taki a ia ki le tua kolo, o kotou tuki fatui a ia ke mate.

Lua tosi o Sau 1:8

Na lotou tali loa kiate ia, ko se tagata na teu ki ni fului manu ti na toi lona vakavaka ki se kilipipi. Ti na pati loa Akasia : Ko Elia, le tagata Tisipe.

Lua tosi o Sau 2:13

ti na too loa e ia le taupulupulu leia na fakavilo e Elia. Ti na toe liliu loa a ia, ti na tuu loa a ia i le laugutu o le Solotane ;

Lua tosi o Sau 2:8

Ti na too loa e Elia lona taupulupulu o takatakai mo taai ki ai le vai o le Solotane, leia na mavaelua loa, ti na la fakalaka loa i le takele malo.

Uluaki tosi o Koloniko 20:3

Na ave popula loa e ia le kakai, o fakagaoii ke tuuti laakau, ke ta fatu, ke ta laakau ; na toe fai fenaaki e ia ki kolo fuli o vosa o Amone. Na toe liliu loa Tavite ki Selusalemi mo le kakai katoa.

Lua tosi o Koloniko 24:21

Ti na fono loa e le kakai ke tamate a ia, ti na lotou tuki fatui loa a ia o mulimuli ki le fakatotonu a le sau, i le lotoa o le fale o le Eteleno.

Selemia 2:30

Na ano noa laku taai akoutou fanau ; Na leaise lotou tokaga fua ki le akonaki. Na kai e lakoutou seleta akoutou kau polofeta, Ofaipe se laione maumau.

Selemia 26:23

Na lotou too loa a Uli mei Esipito, o ave ki le sau ko Sosakimi, leia na fakatotonu ia loa ke tamate a ia ki le seleta, ti na ti loa lona tino ki le tano o le kakai noa.

Sakalia 13:4

I le aso lena, e luma loa le kau polofeta ki alatou tio Mo ka lotou kikite loa, Ti e leaise lotou toe tui loa se taupulupulu fului manu o fai loi.

Sakalia 13:9

E kau tuku loa le vaega tolu lena ki le afi, Ti e kau fakamea loa a ia ofaipe le fakamea o le paaga, E kau fakamea loa a ia ofaipe le fakamea o le aulo i le afi. E fetapa loa a ia ki loku suafa, ti e kau tali loa kiate ia, E kau pati loa : Ko loku kakai ! Ti e pati loa a ia : Ko le Eteleno ko loku Atua !

Mateo 21:35

Kae na too loa e le kau tagata faivite a tagata fakasausau, ti na lotou sasa loa le tasi, ti tukipooi le lua, ti tuki fatui le tolu.

Mateo 3:4

Na kofu Soane ki ni fului kamelo, ti na toi e ia se kilipipi i lona sulugalava. Na kai a ia ki ni seseivaka ti mo le meli vao.

Mateo 8:20

Na tali loa Sesu kiate ia : E maua e lenato ni olatou nofoaga, ti e maua e manu lele o le lagi ni olatou ofaga ; kae e leaise maua e le Vosa o le tagata se ganea leia ke fakamalolo ai lona ulu.

Luka 13:34

Selusalemi, Selusalemi, leia e tamate ia le kau polofeta mo tuki fatui ia latou ala na kakau mai kiate koe, kua tua fia loku loto ke tanaki au fanau, ofaipe se tanaki e se ufa lona toloaki i lalo o ona kapakau, kae na leaise kotou loto ki ai !

Gaoi 14:19

Ti na kaku mai loa mei Atiokia mo Ikone ni kau Sutea, ala na fakalotoveli ia loa le kakai ; ti i le oki o lalatou tuki fatui Paulo, na lotou toso loa a ia ki le tua kolo, talie na lotou tuku kua mate a ia.

Gaoi 7:52

Ko ai i le kau polofeta na leaise fakavelivelii e okoutou tamana ? Na lotou tamate ala na fakasa fakatomua ia le saele mai o le Tagata Agatonu e Tasi, leia na kotou fakatau i aso anei, ti kua kotou tamate,

Lua tosi ki le kau Kolinto 12:10

Koia e kau fiafia i oku gaegae, mo oku lauvelii, mo oku mativa, mo oku fakavelivelii, mo oku mamae, o tupu ko Kilisito ; talie ka kau gaegae, ti e kau makeke loa.

Epelo 11:25

Na filifili loa e ia lona fakavelivelii mo le kakai o le Atua i lana maua fakatemi le fiafia o le agasala ;

Epelo 13:3

Kotou manatui le kau pilisoni, o sakinake e kotou pilisoni foki ; kotou manatui latou ala e fakavelivelii o sakinake e kotou tino tasi mo latou.

Apokalipisi 11:3

E kau soli loa ki aku tagata fakamaoki e toka lua, ala kua kofu ki ni taga, ke la akonaki fakakikite i ni aso e afe kau lelau lua kau ono.