Epelo 11:36 - Tosi Tapu

³⁶ Na tali loa e ni iki a nukinuki, mo le suipi, mo tini, ti mo le pilisoni ;

Epelo 11:36 ပူးပေါင်းရင်းမြစ်များ

Senesi 39:20

Ti na pati loa a ia ke too Sosefo, o ti ki le fale pilisoni, ki le ganea leia e nofo ai le kau pilisoni a le sau : Ti na nofo loa Sosefo i le fale pilisoni.

Uluaki tosi o Sau 22:24

Koia na fakafeofi ake loa Setesiasi, vosa o Kenaana, ti na paai loa e ia le kalaafau o Mikea, o pati : Pe na ulu atu ifea iate au le laumalie o le Eteleno ke masau kiate koe ?

Uluaki tosi o Sau 22:27

E ke pati loa : Ko leinei le masau a le sau : Kotou velo le tagata leinei ki le pilisoni, ti kotou fagai loa a ia ki le pane mo le vai o le mamae, o kaku ki laku toe liliu mai i le tokamalie.

Lua tosi o Sau 2:23

Na pale loa a Eliseo mei Seliko ki Petele ; kae i lana pale i le ala, na ulu mai loa ni toe mei le kolo, o nukinuki kiate ia. Na lotou pati kiate ia : Pale, fa ulu tula ! Pale, fa ulu tula !

Lua tosi o Koloniko 16:10

Na ita veli loa Asa ki le polofeta, ti na tuku loa e ia a ia ki le pilisoni, o tupu ko lona vesia ki folafola ana. Ti na fakavelivelii loa e Asa i le temi lena ni iki o le kakai.

Lua tosi o Koloniko 18:26

E kotou pati loa : Ko leinei le masau a le sau : Kolua tuku le tagata leinei ki le pilisoni, ti kolua fagai a ia ki le pane mo le vai o le mamae, o kaku ki laku toe liliu mai i le tokamalie.

Lua tosi o Koloniko 30:10

Na ano loa le kau tagata avelogo i kolo fuli o le fenua o Efalaimi mo Manase, o kaku ki Sapulone. Kae na kakata mo gologolo kia latou.

Lua tosi o Koloniko 36:16

Kae na lotou gologolo loa ki tagata fakasausau a le Atua, o leaise lotou tokaga ki ana folafola, kae lotou fakavelivelii loa ana polofeta, o kaku ki le temi leia na leaise toe maua ai loa se faitoo o le sausaua a le Eteleno ki lona kakai.

Selemia 20:2

Ti na paai loa e Pasule le polofeta ko Selemia, ti na velo loa e ia a ia ki le pilisoni leia na tuu i le matapa aluga o Pesamino, i le fale o le Eteleno.

Selemia 20:7

Eteleno, na ke akonaki mai kiate au, ti na kau tui ki au folafola ; Na ke too au ki lou lima, ti na ke malo iate au. Ti kua kau liliu ko se nea fakagologolo i le aso katoa, Kua gologolo le fenua katoa kiate au.

Selemia 29:26

Kua fakanofo a koe e le Eteleno ko le tagata faisakilifisio o fetogi Seosata, le tagata faisakilifisio, o tupu ke i ai i le fale o le Eteleno ni tagata ke leoleo ia latou fuli ala e valea mo fia polofeta, o velo latou ki le pilisoni mo fakamaumau ki ni tini.

Selemia 32:8

Ti na au loa kiate au Anameele, vosa o loku tuatinana, o mulimuli ki le folafola a le Eteleno, i le malae o le pilisoni, ti na pati mai loa a ia kiate au : Totogi laku faisaga leia e tuu i Anatote, i le fenua o Pesamino, talie ko koe leia e tonu ke maua tofiga a ia ti e tonu ke totogi ia a ia, totogi a ia ! Na kau iloa loa ko le folafola a ia a le Eteleno.

Selemia 36:6

E ke ano loa, a koe totonu, ti e ke lau loa i le tosi leia kua ke tosi i laku sua a folafola a le Eteleno ki taliga o le kakai, i le fale o le Eteleno, i le aso o le sesunio ; ti e ke toe lau foki latou ki taliga o latou fuli o Suta, ala e au loa mei olatou kolo.

Selemia 38:28

Ti na nofo loa Selemia i le malae o le fale pilisoni o kaku ki le aso leia na too ai Selusalemi.

Selemia 39:15

Na folafola loa le Eteleno kia Selemia, ka koi pilisoni a ia i le malae o le fale pilisoni, o pati :

Taniela 11:33

ti ko latou ala e popoto i le kakai, e ako ia loa se kakai toka api. E i ai loa ni iki e vilo loa, i se ga temi, i le seleta, mo le afi, mo le pilisoni, ti mo le fakamakeke.

Mateo 20:19

ti e lotou tuku loa a ia ki le kau pagani, ke lotou gologolo kiate ia, mo sasa a ia ki laakau, ti mo tutuki a ia i le koluse ; ti e toe tuuake loa a ia i le tolu o aso.

Mateo 21:35

Kae na too loa e le kau tagata faivite a tagata fakasausau, ti na lotou sasa loa le tasi, ti tukipooi le lua, ti tuki fatui le tolu.

Mateo 23:34

Koia loa, ko leinei, e kau kakau atu loa kia koutou ni polofeta, ni tagata poto ti mo ni sekelipa. E kotou tamate loa ni iki, ti e kotou kulusifiko loa ni iki, ti e kotou sasa loa ki laakau ni iki i okoutou sinakoka, ti e kotou fakavelivelii loa latou mei leia a kolo ki leia a kolo,

Mateo 27:26

Ti na tuku loa e Pilato kia latou Palapasi ; kae na taofi loa e ia Sesu ke sasa ki ni laakau, mo tuku loa a ia ke tutuki i le koluse.

Maleko 10:34

ala e gologolo loa kiate ia, mo anuanu loa kiate ia, mo sasa loa a ia ki laakau, mo tamate loa a ia ; ti e i le sili o aso e tolu, e toe tuuake loa a ia.

Luka 18:32

E tuku loa a ia ki le kau pagani, ala e gologolo loa kiate ia, mo nukinuki loa kiate ia, ti mo anuanu loa kiate ia.

Luka 23:11

Na gologolo loa kiate ia a Elote, mo lana kau tuu matapa, ti na lotou nukinuki loa kiate ia, o fakakofu a ia ki se kofu gigila, ti na lotou toe kakau loa a ia kia Pilato.

Luka 23:36

Na gologolo foki le kau solia kiate ia ; na lotou fakafeofi mai, o soli kiate ia se vinika,

Gaoi 21:33

Ti na fakafeofi atu loa le pule lasi, o too Paulo, o fakatotonu ke sai a ia ki ni tini e lua, ti na vesili loa a ia pe ko ai a ia, pe kolea lana nea na fai.

Gaoi 24:27

Kae i le oki o fetuu e lua, na fetogi loa Felise e Polisiusi Fesitusi. I le fia mata malie a Felise ki le kau Sutea, na tuku loa e ia Paulo i le pilisoni.

Gaoi 4:3

Ti na lotou too loa laua, o velo ki le pilisoni o kaku ki leia ake aso ; talie ko le afiafi lena.

Gaoi 5:18

ti na lotou too lima loa le kau apositolo, o fakaulu ki le pilisoni lasi.

Gaoi 5:40

Ti na lotou loto tasi loa mo ia. Ti na lotou kalagai loa le kau apositolo, o fakatotonu ke sasa latou ki ni laakau, ti na lotou tapui loa kia latou le masau i le suafa o Sesu, ti na lotou tuku ake loa latou.

Gaoi 8:3

Kae na maumaui e Saulo le Ekelesia ; na ulu a ia ki fale fuli, o toso a tagata mo fafine, o fakaulu ki le fale pilisoni.

Efeso 3:1

O tupu ko le nea lena, ko au Paulo, ko le tagata pilisoni a Kilisito kia koutou kau pagani…

Efeso 4:1

Koia e kau kole ai kia koutou, e au, ko le tagata pilisoni i le Aliki, ke kotou saele i se saele leia e gali mo le kalaga leia kua fai atu kia koutou,

Lua tosi kia Timoteo 1:16

Ke liligi e le Aliki lona manavaalofa ki le fale o Onesifole, talie na fakapelepelei e ia loku loto o tua lasi, ti na leaise luma a ia ki oku tini ;

Lua tosi kia Timoteo 2:9

leia e kau mamae ai o kaku ki loku sai ofaipe se tagata agaveli. Kae e leaise sai le folafola a le Atua.

Epelo 10:34

Io, na kotou maua le manavaalofa kia latou ala na pilisoni, ti na kotou tali i le loto fiafia ke too o okoutou koloa, talie e kotou iloa e kotou maua loa ni koloa malilie tukupau mo tologa tuumau.

Apokalipisi 2:10

Aua na ke i ki le nea leia e ke mamae ai loa. Ko leinei, e ti loa e le Tiapolo ni iki o koutou ki le pilisoni, o tupu ke asiasii ai koutou, ti e kotou maua loa se mamae i aso e kau agafulu. Ke ke agatonu o kaku ki le mate, ti e kau soli loa kiate koe le pala o le mauli.

Tuifakamaau 16:25

I le lasi o le fiafia o olatou loto, na lotou pati loa : Ke aumai Samisoni, ti ke fai e ia ni manogi ke fakafiafia ai otou loto ti ke tou kakata ai. Na lotou too loa Samisoni mei loto o lona pilisoni, ti na lotou kakata loa i le tio kiate ia. Na lotou fakatuu loa a ia i loto malie o pou o le fale tapu.