Epelo 11:26 - Tosi Tapu

²⁶ Na tio loa a ia ki le matagafua o Kilisito ofaipe se koloa leia e lasi ake i koloa o Esipito, talie na pipiki ona mata ki le fakapale.

Epelo 11:26 ပူးပေါင်းရင်းမြစ်များ

Pesalemo 37:16

E malie ake le ganea ikiiki a le tagata agatonu I le mou koloa o se toka api o tagata agaveli ;

Pesalemo 69:20

E ke iloa loku lauveli, mo loku luma, mo loku nukinuki ; E tutuu latou fuli e vesia kiate au i ou mua.

Pesalemo 69:7

Ko latou ala e tuku lalatou amanaki malie kiate koe, ke aua na luma o tupu ko au, Aliki, Eteleno o kau tau ! Ko latou ala e afa ia a koe, ke aua na luma o tupu ko au, Atua o Iselaele !

Taagapati 11:18

E fai e le tagata agaveli ni koloa kaka ; Kae ko leia e muluki ia le faitotonu e maua ia se koloa maoki.

Taagapati 23:18

Talie ko se apogipogi a ia kiate koe, Ti e leaise puli noa loa lau amanaki malie.

Esaia 51:7

Kotou fakalogo mai kiate au, koutou ala e iloa ia le faitotonu, Kakai, leia e nofo mo laku lao i lou loto ! Aua na kotou i ki le valoki a tagata, Ti aua na kotou lulu i mua o alatou lauveli.

Mateo 10:41

Ko leia e tali ia se polofeta i lona uiga polofeta e tali ia loa se fakapale o le polofeta, ti ko leia e tali ia se tagata faitotonu i lona uiga faitotonu e tali ia loa se fakapale o le tagata faitotonu.

Mateo 5:12

Kotou fimalie ti kotou fiafia lasi, talie e lasi loa lokoutou fakapale i le atu lagi ; talie na fenaaki foki le fakavelivelii o le kau polofeta ala na muamua atu ia koutou.

Mateo 6:1

Kotou tokaga ki le fai o lokoutou agatonu, ke aua na kotou fai a ia i mua o tagata, o tupu ke tioi koutou : talie kapau ko ia, ti e leaise kotou maua loa se fakapale i tafa o lokoutou Tamana leia e nofo i le lagi.

Luka 14:14

Ti e ke manuia loa, talie e leaise mafai ke lotou totogi atu a ia kiate koe. E totogi atu loa a ia e le Atua kiate koe i le toe tuuake a le kau agatonu.

Luka 14:33

Koia ko leia ia koutou e leaise fakafiti ki nea fuli ala e maua e ia, e leaise mafai ke liliu ko laku tisipulo.

Gaoi 5:41

Ti na ano loa le kau apositolo mei mua o le fono lasi i le fiafia, talie kua lotou aoga ki le tali o lauveli o tupu ko le suafa o Sesu.

Lua tosi ki le kau Kolinto 12:10

Koia e kau fiafia i oku gaegae, mo oku lauvelii, mo oku mativa, mo oku fakavelivelii, mo oku mamae, o tupu ko Kilisito ; talie ka kau gaegae, ti e kau makeke loa.

Lua tosi ki le kau Kolinto 6:10

ofaipe ni tagata e loto mamae, kae e ma fiafia tuumau ; ofaipe ni mativa, kae e ma fakakoloa ia le toka api ; ofaipe ni tagata e leaise maua ia ni nea, logo ai e ma maua a nea fuli.

Efeso 1:18

ti ke fakamalamai e ia a mata o okoutou loto, o tupu ke kotou iloa le lasi o le amanaki malie leia e pipiki ki lana kalaga, mo le lasi o koloa o lona tofiga leia e taofi e ia ki le kau sagato,

Efeso 3:8

Kiate au, leia e ikiiki oki i le kau sagato katoa, kua tuku ki ai le kalasia lena ke kau fakasa ia ki le kau pagani a koloa loloto o Kilisito,

Filipe 3:7

Kae ko nea ana, ala na fai kiate au pe ni fakapale, kua kau tio kia latou ofaipe ni nea ke tiaki o tupu ko Kilisito.

Epelo 10:33

I le tasi a potu, na fakamatagafua mo fakamamae ni iki i mua o le kakai, kae i le tasi a potu na tokoi ni iki kia latou ana na fakavelivelii.

Epelo 10:35

Koia ke aua na kotou tiaki lakoutou tui makeke, leia e pipiki ki ai se fakapale lasi.

Epelo 11:6

Io, sala mo le tui, e leaise feala ke malie se tasi ki le Atua ; e tonu ko leia e fakafeofi ki le Atua ke tui a ia e i ai se Atua, ti ko ia leia e fakapale ia latou ala e afa ia a ia.

Epelo 13:13

Koia ke tou mavae o ano mo ia ki le tua kolo, o amo lona matagafua.

Epelo 2:2

Talie, kapau na mauiga le folafola leia na fakasa e le kau aselo, ti kapau na tautea a maumau fuli mo patigataa fuli,

Uluaki tosi a Petelo 1:11

Na lotou fia iloa le lakaga mo agaaga o le temi lena na masau ki ai le Laumalie o Kilisito leia na nofo ia latou, ti na fakasa fakatomua ia a mamae o Kilisito ti mo le kololia leia e muli loa i ia.

Uluaki tosi a Petelo 4:14

Kapau e lauvelii koutou o tupu ko le suafa o Kilisito, e kotou manuia, talie e nofo ia koutou le Laumalie o le kololia, le Laumalie o le Atua.

Apokalipisi 2:9

E kau iloa lou mamae ti mo lou mativa (logo ai e ke mou koloa), ti mo loi fakaveli a latou ala e pati ko Sutea latou kae e leaise lotou Sutea, kae ko se sinakoka latou o Satana.

Apokalipisi 3:18

e kau kole kiate koe ke ke totogi atu iate au se aulo kua fakamea e le afi, o tupu ke ke liliu o mou koloa, ti mo ni kofu tetea, o tupu ke ke kofu ai, ti ke aua na sa le luma o lou telefua, ti mo se tului ke tului ai ou mata, o tupu ke ke tio malama.

Lute 2:12

Ke totogi e le Eteleno au gaoi kiate koe, ti ke soli atu se totogi lasi kiate koe e le Eteleno, le Atua o Iselaele, leia kua ke au o mumuni i lalo o ona kapakau !