Epelo 11:25 - Tosi Tapu

²⁵ Na filifili loa e ia lona fakavelivelii mo le kakai o le Atua i lana maua fakatemi le fiafia o le agasala ;

Epelo 11:25 ပူးပေါင်းရင်းမြစ်များ

Sopo 20:5

E toetoe fua le malo a le tagata agasala, Ti e leaise fualoa le fiafia a le tagata agaveli ?

Sopo 36:21

Ke ke tokaga ke aua na ke tuku a koe ki le veli, Talie ko ia leia na tupu ai lou mamae.

Pesalemo 47:9

E pule le Atua i atu puleaga, E eke le Atua i lona ekeekeaga fakasau maokioki.

Pesalemo 84:10

Ei Atua, ko koe ko lomatou paletau, Tio mai ki mata o lau filifiliia !

Esaia 21:4

Kua gaegae loku loto, Ti kua kau lulu i loku i ; Kua liliu le pouli o oku fiafia ko se pouli fakaii.

Taniela 3:18

Kapau e leai, ke ke iloa, ei aliki sau, e leaise motou tausi loa ki ou atua, ti e leaise motou atolasio loa ki le fakatata aulo leia na ke fakatuu ia.

Mateo 13:21

Kae e leaise maua e ia ni aka iate ia totonu, ti e leaise kataki fualoa a ia, ti ka soko mai fai se fakafesagai pe ko se fakaveliveli o tupu ko le folafola, e maua e ia i ai se faigamalie ke siga.

Luka 16:25

Na tali loa Apalaamo : Ei laku fanau, manatui e koe na ke maua au nea malilie i le lolotoga o lou mauli, kae na maua e Lasalo a nea veveli i le lolotoga o lona mauli ; i le aso nei, kua fimalie a ia i leinei, kae ko koe, kua ke mamae.

Gaoi 7:34

Kua kau tio ki le mamae o loku kakai i Esipito, kua kau logo ki alatou tagi, ti kua kau ifo mai o fakamauli latou. Ano i le lakaga nei, e kau kakau loa a koe ki Esipito.

Loma 5:3

Ti e leaise gato i ai, e tou fiafia foki i mamae, talie e tou iloa e tupu mei le mamae le kataki fualoa,

Lua tosi ki le kau Kolinto 5:17

Koia kapau e nofo se tasi ia Kilisito, ko se keleatula foou a ia : kua puli a nea afea ; ko leinei kua liliu a nea fuli o foou.

Kolose 1:24

E kau fiafia i le aso nei i oku mamae o tupu ko koutou ; ti ko le nea leia e puli i mamae o Kilisito, e kau fakakatoa a ia i loku kanofi, o tupu ko lona tino, ko le Ekelesia.

Lua tosi kia Timoteo 1:8

Koia ke aua na ke luma ki le fakamaoki ke tuku ki lotatou Aliki, pe kiate au ko lana tagata pilisoni. Kae ke ke mamae mo au o tupu ko le Evaselio, i le makeke o le Atua

Epelo 10:32

Kotou manatui a uluaki aso i mua, i le oki o lokoutou fakamalamai, na kotou kataki se tau lasi i loto malie o mamae.

Epelo 11:37

Na tuki fatui loa latou, mo sele ki ni tutuu, mo fakavelivelii ; na tamate latou ki le seleta ; na lotou feanoaki o lava ki ni kilii ovi mo ni kilii koti, ti na lotou mativa i nea fuli, mo mamae, ti mo vesiainai.

Epelo 4:9

Koia e i ai se malolo o le Sapato leia kua taofi ki le kakai o le Atua.

Sakopo 1:20

talie e leaise fakasoko e le ita o le tagata le faitotonu o le Atua.

Sakopo 5:5

Kua kotou mauli i le malama nei i fiafia lalasi mo fiafia veveli o le tino, ti kua kotou fakamakona okoutou loto i le aso o le katoaga.

Uluaki tosi a Petelo 2:10

koutou ala na leaise ko se kakai i mua, kae kua liliu i le temi nei ko le kakai o le Atua, koutou ala na leaise maua ia lona manava alofa, kae kua kotou maua a ia i le temi nei.

Apokalipisi 18:7

Kotou soli kiate ia ni mamae mo ni malaia ke tatau mo lona kololia ti mo lona koloa. Talie e pati a ia i lona loto : E kau ekeeke i leinei ko le fafine aliki, e leaise kau iloa ia le mauli lokonui, ti e leaise kau iloa ia le mamae !