Epelo 11:13 - Tosi Tapu

¹³ Ko le tui leia na lotou mamate fuli ai, kae na leaise lotou maua ia a nea ala na fakapapau ake kia latou ; kae na lotou tio mo taukalo mei mamao kia latou, ti na lotou fakasa e lotou matapule mo fanoga i le malama nei.

Epelo 11:13 ပူးပေါင်းရင်းမြစ်များ

Senesi 21:34

Na nofo loa Apalaamo o fualoa i le fenua o le kau Filisitini.

Senesi 23:4

Ko au ko se matapule leia e nofo i lotolotoga o koutou ; kotou soli mai kiate au se tanuma i lokoutou kele, ke kau tanu ai loku mate, ti ke kau too a ia mei oku mua.

Senesi 25:8

Na tuku loa e Apalaamo lona laumalie, ti na mate loa a ia i le oki o se temi matua manuia, na lasi ai ona fetuu, ti na tapuakina ona aso. Ti na fakatasi loa a ia ki lona kakai.

Senesi 47:9

Na tali loa Sakopo kia Falaone : Ko fetuu o loku mauli, i le temi leia na kau feanoaki ai, ko le kau lelau kau tolu. E teiki fua fetuu o loku mauli mo veveli, e leaise lotou kaku ki fetuu o oku tamana.

Senesi 48:21

Na pati loa Iselaele kia Sosefo : Ko leinei ka kau mate loa ! Kae e nofo loa le Atua mo koutou, ti e toe fakaliliu loa koutou e le Atua ki le fenua o okoutou tamana.

Senesi 49:10

E leaise fakamamao loa le pala fakasau ia Suta, Ti mo le tokotoko fakaaliki i lima o lona sakoga, O kaku ki le aso leia e sa ai loa le Silo (leia e tonu ke maua ia a ia), Ti ke fakalogo loa kiate ia a kakai fuli.

Senesi 49:18

E kau fanaki ki le Eteleno, ko loku tokoi !

Senesi 49:28

Ko latou fuli ana, na tupu mei ai a famili e tino agafulu tupu lua o Iselaele. Ti ko masau ana, na tuku kia latou e lolatou tamana, i lana tapuaki kia latou. Na tuku e ia lana tapuaki ki le tagata taki toka tasi.

Senesi 49:33

I le oki o le tuku e Sakopo o ana fakatotonu ki ona vosa, na too loa e ia ona vae o tuku ki le palepale, ti na tukumanava fakaoki loa a ia, ti na ano loa a ia ki lona kakai.

Senesi 50:24

Na pati loa Sosefo ki ona fetaina : Kua tatae loku temi mate ; kae e fakatele maoki loa le Atua kia koutou, ti e fakamavae loa e ia koutou i le fenua leinei ki le fenua leia kua fakapapau e ia ke soli kia Apalaamo, mo Isaake, mo Sakopo.

Sopo 19:25

Kae e kau iloa e mauli loku fakamauli, Ti e tuu fakamuli ake loa a ia i le malama nei.

Pesalemo 119:19

Ko au ko se matapule i le malama nei : Aua na ke fufu mai kiate au au folafola !

Pesalemo 39:12

E ke ako le tagata o tautea a ia i lana agaveli ; E ke maumau ofaipe se ugogo, le nea leia e alofa lasi ki ai. Io, ko tagata fuli ko se tukumanava. - Manava.

Ekesote 2:22

Na fanaui loa e Sefola se tama, leia na fakaigoa loa e Moisese ko Kelesomi, talie na pati loa a ia, e kau nofo i se fenua kese.

Levitiko 25:23

Aua na ke fakatau loa se kele o tukupau : talie ko le fenua a aku, talie e kotou nonofo i loku kaiga ofaipe ni matapule, mo ni iki ala e nonofo fakatemi.

Numelo 10:30

Na tali loa Opapi kiate ia : E leaise kau ano loa mo koutou ; kae kau toe liliu loa ki loku fenua mo loku famili.

Numelo 24:17

E kau tio ki ai, kae e leai nei ; E kau tio ki ai, kae koi mamao : E ulu se fetuu meia Sakopo, E malaga se sau i Iselaele. E taai e ia a vakavaka o Moape, Ti e tamate e ia a vosa fuli o Seti.

Mateo 13:17

E kau pati maoki atu kia koutou, e toka api le kau polofeta mo le kau agatonu ala na oli ke tio ki le nea leia e kotou tio ki ai, kae na leaise lotou tio ki ai, ke logo ki le nea leia e kotou logo ki ai, kae na leaise lotou logo ki ai.

Soane 12:41

Na pati loa Esaia ki nea ana, i lana tio ki lona kololia, ti mo lana masau kiate ia.

Soane 8:56

Na matuaki fiafia Apalaamo, lokoutou tamana, ke tio ki loku aso : Ti na tio a ia ki ai, ti na fiafia a ia.

Loma 4:21

ti mo iloa fakapapau e ia i lona loto ko le nea leia kua fakapapau e le Atua, e mafai foki e ia lona fakasoko.

Loma 8:24

Talie na saofaki tatou e le amanaki malie. Kae ko le amanaki malie leia e tou tio ki ai e leaise ko se amanaki : Ko le nea leia e tou tio ki ai, pe mafai ke tou toe amanaki ki ai ?

Lua tosi ki le kau Kolinto 4:18

se fua malie lee gato o le kololia, talie e ma tio, o leai ki nea ala e tio ki ai a mata, kae ki nea ala e leaise tio ki ai a mata ; talie ko nea ala e tio ki ai a mata e fakatemi ; kae ko nea ala e leaise tio ki ai a mata e lee gato.

Lua tosi ki le kau Kolinto 5:6

Koia e ma apele tuumau ai i le fanaki, ti e ma iloa i la ma nonofo i le tino leinei e ma nonofo mamao mei le Aliki,

Efeso 2:19

Koia, e leaise ko ni matapule koutou, pe ko ni tagata mei fafo ; kae kua kotou kau ki le kolo o le kau sagato, mo le fale o le Atua.

Epelo 11:14

E fakasa e latou ala e masau fenaaki e lotou afa se fenua.

Epelo 11:17

Ko le tui leia na momoli ai loa e Apalaamo a Isaake, i lona asiasii, ti na momoli loa e ia lona vosa fuatasi, leia na tuku ki ai a fakapapau,

Epelo 11:27

Ko le tui leia na mavae ai loa a ia mei Esipito, o leaise i fua a ia ki le ita o le sau ; talie na tuu makeke loa a ia, o sakinake na tio a ia ki leia na leaise tio ki ai a mata.

Epelo 11:39

Ko latou fuli ana, ala na fakamaoki le Atua ki lalatou tui, na leaise lotou maua le nea leia na fakapapau kia latou.

Uluaki tosi a Petelo 1:1

Petelo, ko le apositolo a Sesu-Kilisito, kia latou ala e matapule mo mavetevete i Ponito, mo Kalatia, mo Kapatose, mo Asia, ti mo Pitinia,

Uluaki tosi a Petelo 1:17

Ti kapau e kotou kalaga ki le Tamana, leia e fakamaaui ia o mulimuli ki le gaoi a le tagata taki toka tasi, ti e leaise fakapalatasi, kotou saele i le i i le temi katoa o lokotou mauli i le malama nei ;

Uluaki tosi a Petelo 2:11

Alofaaga, e kau kole atu kia koutou, ofaipe ni matapule mo ni tagata fanoga i le malama nei, kotou fakamamao mei oli o le tino ala e tau ki le laumalie.

Uluaki tosi a Soane 3:19

Ko le nea lena e tou iloa ai loa e tou nofo i le maoki, ti e tou fakafimalie ai loa otou loto i ona mua ;