Epelo 11:12 - Tosi Tapu

¹² Koia leia, mei se tagata e tasi, kua popo foki lona tino, na tupu loa se sakoga toka api ofaipe fetuu o le lagi, ti mo le one o le mata tai leia e leaise feala ke lau.

Epelo 11:12 ပူးပေါင်းရင်းမြစ်များ

Senesi 15:5

Ti na taki loa e ia Apalamo ki fafo, o pati kiate ia : Tio ki le lagi, ti ke lau a fetuu, mo kapau e ke ma lau ia latou. Ti na pati loa a ia kiate ia : E fenaaki loa lou sakoga.

Senesi 22:17

E kau tapuaki loa kiate koe, ti e kau liuliuga loa lou sakoga ofaipe fetuu o le lagi mo le one o le mata tai ; ti e maua loa e lou sakoga le matapa o ona fili.

Senesi 26:4

E kau liuliuga loa lou sakoga ofaipe fetuu o le lagi ; ti e kau soli loa ki lou sakoga a fenua fuli anei ; ti e tapuakina loa a puleaga fuli o le malama nei i lou sakoga ;

Senesi 32:12

Ti ko koe, na ke pati mai kiate au : E kau fai loa kiate koe le nea malie, ti e kau fakaliliu loa lou sakoga ke tatau mo le one o le tai, leia e leaise feala ke lau.

Lua tosi a Samuele 17:11

Koia e kau manatu ke fakatasii fuli mai a Iselaele kiate koe, mei Tane o kaku ki Peele-Sepa, ke api ofaipe le one o le mata tai. Ti ko koe, ke ke saele totonu loa mo latou ki le tau.

Uluaki tosi o Sau 4:20

Na api ai a Suta mo Iselaele, o tatau mo le one leia i le mata tai. Na lotou kai, mo inu ti mo fakafiafia.

Uluaki tosi o Koloniko 27:23

Na leaise lau loa e Tavite le kakai o Iselaele ala na fetuu kau lua o ifo ki lalo, o tupu na fakapapau e le Eteleno ke fakakakai loa Iselaele ofaipe fetuu o le lagi.

Neemia 9:23

Na ke liuliuga loa olatou vosa ofaipe fetuu o le lagi, ti na ke fakaulu loa latou ki le fenua leia na ke fakasa ki olatou tamana, leia ke lotou maua tofiga.

Ekesote 32:13

Manatui Apalaamo, mo Isaake, ti mo Iselaele, au tagata fakasausau ala na ke fakapapau totonu ki ai, o ke pati : E kau liuliuga loa lokoutou sakoga ofaipe fetuu o le lagi, e kau soli loa ki okoutou sakoga le fenua katoa leia na kau masau ki ai, ti e lotou maua loa a ia o lee gato.

Esaia 10:22

Ei Iselaele, pe lasi loa lou kakai ofaipe le one o le mata tai, Ko se ga toetoega fai e toe liliu loa ; Kua fakapapau le maumau, e fakalaka loa a ia i le fakamaau.

Esaia 48:19

E fai loa lou sakoga pe le one o le mata tai, Ti ko fua o lou manava pe fiti o le one ; E leaise toe soloi loa lou igoa, pe puli loa i oku mua !

Selemia 33:22

Ofaipe le one o le tai, leia e leaise mafai ke fuafua, Ti mo fetuu o le lagi, ala e leaise mafai ke lau, E kau liuliuga loa le sakoga o Tavite, laku tagata fakasausau, Ti mo le kau Levi leia e fai ia loku tausi.

Apakuki 1:9

E au le kakai katoa lena ki le kaia. E tio ona mata manumanu ki mua, Ti e fakatasi e ia ni kau pilisoni ofaipe le one.

Loma 9:27

Kae na tagi a Esaia o uiga mo Iselaele : Ka api loa a vosa o Iselaele ofaipe le one o le tai, Efakamauli loa se ga toetoega.

Tetelonome 1:10

Kua fakaliuliuga koutou e le Eteleno, lokoutou Atua, ti kua kotou api i le aso nei o tatau mo fetuu o le lagi.

Tetelonome 28:62

I le oki o lou toka api o tatau mo fetuu o le lagi, e kotou toe loa ko se ga toka teiki fua, o tupu na leaise ke fakalogo loa ki le leo o le Eteleno, lou Atua.

Sosue 11:4

Na lotou ulu loa ki fafo, a latou mo olatou kau solia fuli, ti na lotou fakatasi loa ko se kakai e tasi o api ofaipe le one i le mata tai, ti na lotou maua ni kau osi mo ni kau saliote lasi ai.

Apokalipisi 20:8

Ti e ano loa a ia, o fakasalai a puleaga ala e tuu i potupotu e fa o le malama nei, a Koke mo Makoke, ke fakatasi laua ki le tau ; ko lolatou api na faipe le one o le tai.

Tuifakamaau 7:12

Na mafola loa Matiane, mo Amaleke, ti mo le kakai o le Esite i le vaivailiua, ofaipe se ao seseivaka i lolatou api, ti na lasi olatou kamelo ofaipe le one o le mata tai.

Uluaki tosi a Samuele 12:5

Na toe pati loa a ia kia latou : E fakamaoki loa le Eteleno kia koutou, ti e fakamaoki foki mo lana filifilia, i le aso leinei, na leaise kotou maua fua se nea i oku lima. Ti na lotou tali loa kiate ia : E motou fakamaoki ki ai.