Epelo 11:1 - Tosi Tapu

¹ Io, ko le tui ko se iloa papau o nea ala e amanaki ki ai, ko se fakamaoki o nea ala e leaise tio ki ai.

Epelo 11:1 ပူးပေါင်းရင်းမြစ်များ

Pesalemo 27:13

Io ! Ka na leaise kau iloa pau e kau tio loa ki le agamalie o le Eteleno I le kele o le kakai mauli !…

Pesalemo 42:11

E fatifati oku ivi mo ka nukinuki mai kiate au latou e fakaveliveli kiate au, O pati tuumau mai kiate au : Kofea lou Atua ?

Gaoi 20:21

o kau fakasa ki le kau Sutea mo le kau Keleka le fakasemala ki le Atua, ti mo le tui ki lotatou Aliki ko Sesu-Kilisito.

Uluaki tosi ki le kau Kolinto 13:13

I le aso nei e tuu mau a nea anei e tolu : Le tui, mo le amanaki malie, ti mo le alofa ; kae ko leia e lasi ake i nea ana, ko le alofa.

Lua tosi ki le kau Kolinto 11:17

Ko le nea leia e kau pati ki ai, i loku loto ke kau fakakololia au, e leaise au mei le Aliki, kae e kau masau ofaipe se vale.

Lua tosi ki le kau Kolinto 4:18

se fua malie lee gato o le kololia, talie e ma tio, o leai ki nea ala e tio ki ai a mata, kae ki nea ala e leaise tio ki ai a mata ; talie ko nea ala e tio ki ai a mata e fakatemi ; kae ko nea ala e leaise tio ki ai a mata e lee gato.

Lua tosi ki le kau Kolinto 5:17

Koia kapau e nofo se tasi ia Kilisito, ko se keleatula foou a ia : kua puli a nea afea ; ko leinei kua liliu a nea fuli o foou.

Lua tosi ki le kau Kolinto 5:7

talie e ma saele i le tui, kae leai i le tio ;

Lua tosi ki le kau Kolinto 9:4

Talie e leaise kau loto loa, mo ka ma natu mo ni iki o le kau Masetonia, ke lotou maua atu koutou e leikiaise kotou tokamalie, ti ke liliu le fanaki lena ko se luma kia maua, ke aua na pati ko se luma kia koutou.

Kalate 5:6

Talie, ia Sesu-Kilisito, e leaise aoga le silikosisio pe ko le lee silikosisio, kae ko le tui leia e gaoi i le alofa.

Tito 1:1

Ko au Paulo, tagata fakasausau a le Atua, ti ko le apositolo a Sesu-Kilisito ki le tui a le kau filifiliia a le Atua, ti mo le iloa o le maoki leia e mulimuli ki le aga fakaatua,

Epelo 10:22

Koia ke tou fakafeofi ai i se loto maoki, mo se amanaki makeke o le tui, ti mo ni loto kua fakamea mei se atamai veli, ti mo le tino kua fufulu ki se vai mea.

Epelo 10:39

Ko tatou, e leaise tou kau kia latou ala e toe liliu ki muli ke pulinoa, kae e tou kau kia latou ala e maua ia le tui ke saofaki ai olatou laumalie.

Epelo 11:13

Ko le tui leia na lotou mamate fuli ai, kae na leaise lotou maua ia a nea ala na fakapapau ake kia latou ; kae na lotou tio mo taukalo mei mamao kia latou, ti na lotou fakasa e lotou matapule mo fanoga i le malama nei.

Epelo 11:27

Ko le tui leia na mavae ai loa a ia mei Esipito, o leaise i fua a ia ki le ita o le sau ; talie na tuu makeke loa a ia, o sakinake na tio a ia ki leia na leaise tio ki ai a mata.

Epelo 11:7

Ko le tui leia na fakalogo ai a Noe ki valoki a le Atua o uiga mo nea ala ka soko kae na leaise tio ki ai, ti na i loa a ia ki le Atua, o fau loa se aleka ke fakamauli ai lona famili ; ko le tui lena na fakasa ia loa e ia le veli o le malama nei, ti na liliu loa a ia ko le tagata maua tofiga o le faitotonu leia e maua i le tui.

Epelo 2:3

e tou sao feaki loa mo kapau e tou fakanoai le saofaki lasi lena ? Na uluaki fakasa e le Aliki le saofaki lena, ti na fakamaoki a ia kia tatou e latou ala na logo totonu kiate ia ;

Epelo 3:14

Talie kua tou kau kia Kilisito, mo kapau e tou taofi makeke lotatou uluaki tui o kaku ki le fakaoki,

Epelo 3:6

kae ko Kilisito, e agatonu a ia ofaipe le Vosa i lona fale totonu ; ti ko lona fale ko tatou, mo kapau e tou kukumi mau le tui makeke mo le amanaki malie o le kololia o kaku ki le fakaoki.

Epelo 6:12

Ke aua na kotou fakagasueveli, kae ke kotou faifaitaki kia latou ala na tui mo kataki fualoa, ti kua maua ia a nea ala na fakapapau e le Atua.

Lua tosi a Petelo 1:1

Ko au Simone Petelo, ko le tagata fakasausau ti mo le apositolo a Sesu-Kilisito, kia latou ala kua kau mo matou ki se tui mauiga e tasi i le faitotonu o lotatou Atua mo lotatou Aliki ko Sesu !