Epelo 10:4 - Tosi Tapu

⁴ Talie e leaise feala ai ke too ia a agasala e le toto o pipi tagata ti mo koti.

Epelo 10:4 ပူးပေါင်းရင်းမြစ်များ

Pesalemo 51:16

Ei Atua, ko le Atua o loku fakamauli, ke ke saofaki au i le toto na liligi, Ti e fakafetai loa loku alelo ki lou manava alofa.

Esaia 66:3

Ko leia e momoli ia se pipi e tatau mo leia e tamate ia loa se tagata ; Ko leia e momoli ia se akeno e tatau mo leia e fatii ia loa le ua o se kuli, Ko leia e momoli ia se moliga e tatau mo leia e liligi ia loa le toto o se puaka, Ko leia e tutu ia se iseso e tautau mo leia e tausi loa ki ni taulaatua. Ko latou fuli ana na fiafia i olatou ala, Ti na maua e olatou laumalie lolatou fiafia i alatou nea fakalialia.

Selemia 6:20

Kolea le aoga mai kiate au o le iseso leia e au mei Sepa, Mo le lolo manogi mei se fenua mamao ? E leaise malilie akoutou failaulau kiate au, Ti e leaise kano malie akoutou sakilifisio kiate au.

Oseo 14:2

Kotou toe liliu mai ki le Eteleno, Kotou aumai ni masau. Kotou pati kiate ia : Fakamolemole ki amatou agaveli fuli, Ti ke ke tali matou i lou alofa ! E motou momoli atu loa kiate koe le fakafetai o omatou laugutu, kae leai ni pipi tagata.

Oseo 6:6

Talie e kau alofa ki le manava alofa kae leai ki sakilifisio, Ti mo le iloa o le Atua o lasi ake i failaulau.

Maleko 12:33

ti ko le alofa kiate ia i le loto katoa, mo le atamai katoa, mo le laumalie katoa, mo le makeke katoa, ti mo le alofa ki le oloi ofaipe kiate kita totonu, e lasi ake i failaulau fuli mo sakilifisio fuli.

Soane 1:29

I leia ake a aso, na tio loa Soane kia Sesu e au kiate ia, ti na pati loa a ia : Ko leinei le Akeno o le Atua, leia e fakamolemole ia le agasala o le malama nei.

Loma 11:27

Ti e fakasoko loa laku sai mo latou, I le aso leia e kau too ai loa alatou agasala.

Epelo 10:1

Ko le lao, leia e maua ia se ata o nea malilie ka au, kae leai le maoki totonu o nea, e leaise mafai ia i se aso ke ave ia ki le malie tukupau latou ala e fakafeofi ki le Atua, talie e tonu ke fai tuumau a sakilifisio ana, i fetuu fuli.

Epelo 10:11

Ti e tuu i aluga a tagata fai sakilifisio fuli i aso taki tasi o fai lana gaoi, ti e momoli tuumau e ia a sakilifisio tatau, ala e leaise mafai ke too ia i se aso a agasala.

Epelo 10:8

Na uluaki pati mua a ia : Na leaise ke loto ti na leaise ke tali ni sakilifisio pe ko ni moliga, Ni failaulau pe ko ni sakilifisio ki le agasala,

Epelo 9:9

Ko se fakatata lena ki le temi nei ; ko lona uiga, ko nea alofa mo sakilifisio, ala na momoli ki le Atua, e leaise mafai ke fakasoko ia o malie tukupau le loto o leia e fai ia le atolasio lena ;

Uluaki tosi a Soane 3:5

Ti e kotou iloa, na sa Sesu ke too e ia a agasala, ti e leaise maua se agasala iate ia.