Epelo 10:38 - Tosi Tapu

³⁸ Ti e mauli loa laku tagata agatonu i le tui. Kae kapau e solomuli a ia, e leaise fiafia loa loku laumalie iate ia.

Epelo 10:38 ပူးပေါင်းရင်းမြစ်များ

Lua tosi a Samuele 22:22

Talie na kau tausi a ala o le Eteleno, Ti na leaise kau agasala ki loku Atua.

Pesalemo 147:11

E alofa le Eteleno kia latou ala e i kiate ia, Latou ala e amanaki malie ki lona agamalie.

Pesalemo 149:4

Talie e fiafia le Eteleno i lona kakai, E tuku e ia le kololia ki le kau agamalu, o fakamauli latou.

Pesalemo 5:4

Eteleno ! i le usu e ke logo ki loku leo ; I le usu e kau maliu o tio kiate koe.

Pesalemo 85:8

Eteleno ! ke ke fakatio matou ki lou agamalie, Ti ke ke tuku mai kia matou lou mauli !

Esaia 42:1

Ko leinei laku tagata fakasausau, leia e kau tokoi loa ki ai, Laku filifilia, leia e fiafia ai loku laumalie. Na kau tuku kiate ia loku Laumalie ; E fakasa loa e ia le faitotonu ki atu puleaga.

Esekiele 18:24

Kapau e maliu le tagata agatonu i lona agatonu o fai le agasala, ti kapau e fai e ia a nea fakalialia fuli a le tagata agasala, pe mauli loa a ia ? Leai, e galoi loa lona faitotonu katoa, talie na fai e ia le agaveli mo le agasala ; ti e mate loa a ia, o tupu ko le nea lena.

Esekiele 3:20

Kapau e tafoki se tagata faitotonu i lana faitotonu o fai le nea leia e veli, e kau fakatuu loa se masele i ona mua, ti e mate loa a ia ; talie na leaise ke valoki a ia, e mate loa a ia i lana agasala, e leaise toe masau loa ki le faitotonu leia na fai e ia i mua, ti e kau toe afa atu loa kiate koe lona toto.

Esekiele 33:13

Ti kapau e kau pati ki le tagata agatonu : E ke mauli loa, - kae kapau e fanaki loa a ia ki lana faitotonu ti fai loa e ia le agaveli, e galoi loa lona faitotonu katoa, ti e mate loa a ia o tupu ko le agaveli leia kua fai e ia.

Apakuki 2:4

Ko leinei, na makita lona laumalie, e leaise sako a ia iate ia ; Kae e mauli loa le tagata agatonu i lana tui.

Sofoni 1:6

Mo latou ala na maliu kese i le Eteleno, Ti mo latou ala e leaise afa ia le Eteleno, Latou ala e leaise afa ia lona finegalo.

Malakia 1:10

Ko ai leia ia koutou e tapono ia loa a matapa, Ke aua na kotou tutu noa le afi i aluga o loku aletale ? E leaise kau maua fua se fiafia e tasi ia koutou, e pati le Eteleno o kau tau, Ti e leaise malie kiate au a moliga o okoutou lima.

Mateo 12:18

Ko leinei laku tagata fakasausau leia na kau filifili, Loku alofaaga leia e fiafia ai loku loto. E kau tuku loa loku Laumalie kiate ia, Ti e fakasa loa e ia le faitotonu ki atu puleaga.

Mateo 13:21

Kae e leaise maua e ia ni aka iate ia totonu, ti e leaise kataki fualoa a ia, ti ka soko mai fai se fakafesagai pe ko se fakaveliveli o tupu ko le folafola, e maua e ia i ai se faigamalie ke siga.

Loma 1:17

talie i le Evaselio e fakasa ai le faitotonu o le Atua i le tui ti ki le tui, o mulimuli ki le nea leia e tuu i le Tosi : E mauli loa le tagata agatonu i le tui.

Kalate 3:11

Ti e matala malie foki, e leaise fakamatatonu se tasi i mua o le Atua e le lao, talie e tuu i le Tosi : E mauli loa le tagata faitotonu i le tui.

Uluaki tosi ki le kau Tesalonika 2:15

ala na tamate ia le Aliki ko Sesu mo le kau polofeta, ala na fakaveliveli ia matou, ala e leaise malie ki le Atua, ala ko fili o tagata fuli,

Epelo 10:39

Ko tatou, e leaise tou kau kia latou ala e toe liliu ki muli ke pulinoa, kae e tou kau kia latou ala e maua ia le tui ke saofaki ai olatou laumalie.

Sakopo 5:6

Kua kotou fakalakasala mo tukipooi le Agatonu, leia na leaise taofi ia koutou.

Uluaki tosi a Soane 2:19

Na lotou malaga ki aluga mei loto malie o tatou, kae na leaise lotou kau ia tatou ; talie kapau na lotou kau ia tatou, na lotou nonofo loa mo tatou, kae na soko le nea lena, o tupu ke fakasa ai e leaise lotou kau fuli ia tatou.