Epelo 10:37 - Tosi Tapu

³⁷ Talie koi toe fua se ga temi ikiiki, se ga temi noa ! Ti ko leia e tonu ke au, e au loa, ti e leaise tuvai loa a ia.

Epelo 10:37 ပူးပေါင်းရင်းမြစ်များ

Esaia 26:20

Ano, ei loku kakai, ulu ki lou kogafale, Ti ke tapono le matapa i ou muli ; Mumuni i se ga temi toetoe fua, O kaku ki le oki o le ita.

Esaia 60:22

E liliu loa leia e ikiiki ko se tino afe, Ti ko leia e gaegae ko se puleaga makeke. Ko au, le Eteleno, e kau fakavave loa a nea ana i lona temi.

Mateo 11:3

Pe ko koe leia e tonu ke au, pe tonu ke motou talitali ki se tasi ake ?

Luka 18:8

E kau fakasa atu kia koutou, e faitotonu vave loa a ia kia latou. Kae, ka au loa le Vosa o le tagata, pe maua loa e ia le tui i le malama nei ?

Filipe 4:5

Ke iloa lokoutou agamalie e tagata fuli, kua ofi le Aliki.

Epelo 10:25

Ke aua na tou tiaki latatou fakatasi ofaipe le fai masani a ni iki, kae tou feakonakiaki ia tatou, ti e toe asilisili ake le nea lena kua kotou tio kua ofi mai le aso.

Lua tosi a Petelo 3:8

Kae e i ai se nea, ei alofaaga, e leaise tonu ke kotou galoi : i mua o le Aliki e tatau se aso e tasi mo ni fetuu e afe, ti e tatau fetuu e afe mo se aso e tasi.

Lua tosi a Petelo 3:9

E leaise tuvai le Aliki i le fakasoko o lana fakapapau, ofaipe le lau a ni iki ; kae e kataki fualoa a ia kia koutou, talie e leaise loto a ia ke mate se tasi, kae ke kotou kaku fuli ki le fakasemala.

Apokalipisi 22:20

Ko leia e fakamaoki ki nea anei e pati : Io, e kau au vave. Amene ! Au, Aliki Sesu !