Epelo 10:27 - Tosi Tapu

²⁷ kae ko se talitali fakaii ki le fakamaau ti mo se afi kaka leia e tutu ia loa le kau fili o le Atua.

Epelo 10:27 ပူးပေါင်းရင်းမြစ်များ

Pesalemo 21:9

E tapo loa e lou lima ou fili fuli, E tapo loa e lou lima atamai latou ala e vesia kiate koe.

Esaia 26:11

Eteleno, e mafimafi lou lima : Kae e leaise lotou tio ki ai. E lotou tio loa ki lou alofa ki le kakai, ti e lotou luma loa ; E tutu loa e le afi ou fili.

Esaia 33:14

Kua i le kau agasala i Sione, Kua maua e se lulu le kau agatuu ki le Atua : Ko ai leia ia tatou e mafai ke nofo i se afi kaka ? Ko ai leia ia tatou e mafai ke nofo i ni ulaula lee gato ?

Selemia 4:4

Kotou silikosisio koutou ki le Eteleno, kotou silikosisio okoutou loto, Tagata o Suta ti mo le kakai o Selusalemi, O tupu ke aua na natu kia koutou loku sausau ofaipe se afi, Ti ke aua na vela a ia, kae e leaise feala ke toe tamate, O tupu ko le veli o akoutou gaoi.

Esekiele 36:5

E folafola le Aliki, le Eteleno, o pati : Io, i le afi o loku finenonofo, E kau masau ki la ake puleaga ti mo Etome katoa, Ala na too ia loku fenua ma latou, I le fiafia katoa o lolatou loto mo lolatou vesia kiate ia, O tupu ke lotou kaia ona fua.

Esekiele 38:19

E kau fakamaoki, i loku finenonofo mo le lasi o loku sausau, I le aso lena, e i ai loa se maveuveu lasi I le fenua o Iselaele.

Taniela 5:6

Ti na tea katoa loa le sau i lona i, ti na sevaia loa lona loto i ana fakakaukau, ti na leaise koi maua loa sona makeke ti na fetati loa ona tuli.

Oseo 10:8

Ko ganea tapu o Pete-Aveni, ala na agasala ai Iselaele, e maumaui loa ; E sosomo loa le vao talatala mo le vao sukisuki i olatou aletale. E lotou pati loa ki mauga : Kotou uufi matou ! Ki mauga liliki : Kotou sosolo mai kia matou !

Soele 2:30

E kau fakasa loa ni nea fakamanamana i le lagi mo le kele, Se toto, mo se afi, ti mo ni pou afu.

Naume 1:2

Ko le Eteleno ko se Atua finenonofo, E totogi e ia ; e apele a ia i le itaita ; E totogi e le Eteleno kia latou ala e agatuu kiate ia, E taofi e ia lona ita ki ona fili.

Sofoni 1:18

E leaise mafai loa ke saofaki latou e lalatou paaga mo lalatou aulo, I le aso o le sausau o le Eteleno ; E tutu loa le fenua katoa e le afi o lona finenonofo ; Talie e maumaui fakapunamauli loa e ia a kakai fuli o le fenua.

Sofoni 3:8

Koia e pati ai le Eteleno : Kotou talitali mai la kiate au ! I le aso leia e kau tuu ake ai loa o tanaki le koloa o le tau, Talie kua kau fakapapau ke fakatasi a atu puleaga, Ke fakatasi a atu puleaga sau, O tupu ke kau liligi kia latou loku sausau, Le mamafa katoa o loku ita ; Talie e tutu loa le fenua katoa e le afi o loku finenonofo.

Malakia 4:1

Talie ko leinei, e au le aso, Kaka ofaipe se gutuumu. Ko le kau fia nea lasi fuli mo le kau agaveli fuli e fai loa pe le penu ; E tutu loa latou e le aso leia e au, E pati le Eteleno o kau tau. E leaise toe loa ia latou se aka pe ko se taulu.

Numelo 16:35

Na au loa se afi mei le Eteleno, o tutu le kau tagata e tino lelau lua tino lima, leia na momoli ia le kaloni.

Mateo 13:42

ti e lotou laku loa latou ki le afi kaka, leia e logo ai loa ki ni tagi mo ni fetati o nifo.

Mateo 13:50

ti e lotou laku loa le kau agaveli ki le afi kaka, leia e logo ai loa ki ni tagi mo ni fetati o nifo.

Mateo 25:41

Ti oki, ti e pati loa a ia kia latou ala e tutuu loa i lona fetuu sema : Kotou fakamamao atu iate au, kau malaia ; kotou ano ki le afi lee gato leia na teuteui ki le Tiapolo mo ana aselo.

Mateo 3:10

Kua tuu foki le toki i le aka o laakau : ko laakau fuli e leaise fua ki ni fua malilie e tuuti loa o ti ki le afi.

Mateo 3:12

E too e ia i lona lima lana laakau sasa fulumeto, ti e fakamea loa e ia lona sasaaga fulumeto, ti e tanaki loa e ia lana fulumeto ki le fale tanaki magiti, kae e tutu loa e ia a kaui fulumeto i se afi leia e leaise toe mate.

Mateo 8:29

Ti ko leinei, na la kalaga loa kiate ia : Kolea le nea leia e ke loto kia matou, Sesu, Alo o le Atua ? Pe na ke au ki leinei o fakamamae matou i mua o le temi ?

Luka 16:24

Ti na tauvasa loa a ia : Tamana Apalaamo, alofa mai kiate au, ti kakau mai Lasalo ke fakasusu e ia le tumutumu o lona maikao ki le vai, ke fakamokomoko ai loku alelo, talie e kau mamae lasi ai i le afi nei.

Luka 19:27

Kae, kotou aumai ki leinei oku fili, ala na leaise loto ke kau sau kia latou, ti kotou tamate latou i oku mua.

Luka 21:26

Ti e tio noa loa le kakai i le i lasi ai ti mo le talitali pe kolea ka soko mai loa ki le malama nei katoa ; talie e galulu loa a makeke fuli o le lagi.

Luka 23:30

Ti e pati loa ki mauga : Kotou vivilo mai kia matou ! Ti ki mauga liliki : Taotao matou !

Soane 5:29

Ko latou ala na fai ia loa le malie e toe tuuake loa ki le mauli, kae ko latou ala na fai ia le veli e toe tuuake loa ki le fakamaau.

Tetelonome 32:43

Atu puleaga, ke kotou sua a fakavikiviki o lona kakai ! Talie e taui e le Eteleno le toto o ana tagata fakasausau, E tautea e ia ona fili, Ti e fai e ia le fakamolemole o agasala ki lona fenua, mo lona kakai.

Epelo 12:25

Kotou tokaga ke aua na kotou fakafiti ki leia e masau atu kia koutou ; talie kapau na leaise sao latou ala na fakafiti loa ke logo ki leia na fakasa ia ni folafola i le malama nei, e feaki ake loa ke tou sao mo kapau e tou titua ki leia e masau mei le lagi,

Epelo 12:29

talie ko lotatou Atua ko se afi maumau foki a ia.

Epelo 2:3

e tou sao feaki loa mo kapau e tou fakanoai le saofaki lasi lena ? Na uluaki fakasa e le Aliki le saofaki lena, ti na fakamaoki a ia kia tatou e latou ala na logo totonu kiate ia ;

Epelo 9:27

Kua fakatuutuu ke mate tua tasi a tagata fuli, ti o soko mai loa le fakamaau.

Sakopo 5:3

Kua kelemea lakotou aulo mo lakotou paaga ; ti e malaga loa lola kelemea o fakamaoki kia koutou, ti e kai loa e ia okoutou kanofi ofaipe se afi. Kua kotou tanaki ni koloa i aso anei ko aso fakamuli !

Apokalipisi 20:15

Ko leia na leaise maua kua tosi i le tosi o le mauli, na ti loa a ia ki le tai afi.

Uluaki tosi a Samuele 2:25

Kapau e agasala se tagata ki se tasi tagata, e fakamaaui loa a ia e le Atua ; kae kapau e agasala a ia ki le Eteleno, ko ai e ulufaki ia loa a ia ? Ti na leaise la fakalogo loa ki le leo o lola tamana, talie na loto le Eteleno ke tamate laua.