Epelo 10:26 - Tosi Tapu

²⁶ Talie kapau e tou agasala i lotatou loto faifaitalisa kae kua tou maua le iloa o le maoki, e leaise koi toe loa se tasi ake failaulau ki le agasala,

Epelo 10:26 ပူးပေါင်းရင်းမြစ်များ

Levitiko 4:13

Ti kapau na agasala fakafuanoa le fakatasi katoa o Iselaele o fai e ia se nea leia na tapui e se lao e tasi a le Eteleno, e agasala loa i ai le kakai katoa o Iselaele, logo ai na leaise iloa e ia.

Levitiko 4:2

Masau ki vosa o Iselaele, o ke pati : Kapau e agasala loa se tagata kae na leaise loto a ia ki ai, o fai e ia se nea leia na tapui e se lao e tasi o lao a le Eteleno, e tonu loa ke fai fakafeneeki :

Luka 12:47

Ko le tagata fakasausau leia e iloa ia le finegalo o lona pule, kae na leaise teuteui e ia se nea, ti na leaise gaoi a ia o mulimuli ki lona finegalo, e tamate loa a ia ki ni fa ta mauke.

Soane 13:17

Kapau e kotou iloa a nea ana, e kotou manuia, kese fua ke kotou fai latou.

Soane 9:41

Na tali loa Sesu kia latou : Kanapau na kotou kivi, e leaise kotou maua loa se agasala. Kae i le lakaga nei e kotou pati : E motou tio, koia e tuumau ai lakoutou agasala.

Tetelonome 17:12

Ko leia e matasoka loa, o leaise fakalogo ki le tagata faisakilifisio leia na fakanofo i le sagatualio ke tausi ki le Eteleno, lou Atua, pe ki le tui fakamaau, e tamate loa. E ke too loa i ai le veli i loto malie o Iselaele.

Lua tosi ki le kau Tesalonika 2:10

ti mo kaka fuli o le agasala kia latou ala e mamate, o tupu na leaise lotou tali le alofa ki le maoki, ke fakamauli ai latou.

Uluaki tosi kia Timoteo 1:13

a au leia na nofo i mua ko se tagata fatituu ki le Atua, ko se tagata fakaveliveli, ko se tagata agamakeke. Kae na manavaalofa le Atua kiate au, talie na kau fai a nea ana i le fakapouli, talie na leaise kau tui ;

Uluaki tosi kia Timoteo 2:4

leia e loto ke fakamauli tagata fuli, ti ke lotou kaku ki le iloa katoa o le maoki.

Sakopo 4:17

Koia ko leia e iloa ia le fai o le nea leia e malie, kae e leaise fai e ia a ia, e fai e ia se agasala.

Uluaki tosi a Soane 5:16

Kapau e tio se tasi ki le fai e lona taina se agasala leia e leaise ave ia ki le mate, ke faikole a ia, ti e soli loa e le Atua le mauli ki le taina lena ; e soli loa e ia le mauli kia latou ala e fai ia se agasala leia e leaise ave ia ki le mate. Kae e i ai se agasala leia e ave ia ki le mate, ti e leaise kau pati atu ke faikole ki le agasala lena.

Uluaki tosi a Samuele 2:25

Kapau e agasala se tagata ki se tasi tagata, e fakamaaui loa a ia e le Atua ; kae kapau e agasala a ia ki le Eteleno, ko ai e ulufaki ia loa a ia ? Ti na leaise la fakalogo loa ki le leo o lola tamana, talie na loto le Eteleno ke tamate laua.