Epelo 10:10 - Tosi Tapu

¹⁰ Ti e tupu ko le finegalo lena kua tou soko ai o maokioki ki le momoli o le tino o Sesu-Kilisito, tua tasi fuai.

Epelo 10:10 ပူးပေါင်းရင်းမြစ်များ

Sakalia 13:1

I le aso lena, e fakamavaa loa se matapuna vai Ki le fale o Tavite ti mo le kakai o Selusalemi, Ki le agasala ti mo le kelekele.

Soane 17:19

Ti e kau fakatapui a au totonu o tupu ko latou, o tupu ke lotou fakatapui latou totonu kiate koe.

Soane 19:34

Kae na sokai loa e se tasi o le kau solia lona vakavaka ki se tao, ti na sali loa mei ai se toto mo se vai.

Soane 6:51

Ko au ko le pane mauli leia na ifo mei le lagi. Kapau e kai se tasi ki le pane lena, e mauli loa a ia o lee gato ; ti ko le pane leia e kau soli loa, ko loku tino, leia e kau soli loa ki le mauli o le malama nei.

Uluaki tosi ki le kau Kolinto 1:30

Kae kua fakapipiki koutou kia Sesu-Kilisito, leia i le finegalo o le Atua, kua liliu kia tatou ko le poto, mo le faitotonu, mo le maokioki, ti mo le totogi,

Uluaki tosi ki le kau Kolinto 6:11

Ti na fenaaki ni iki ia koutou i mua. Kae kua fufulu koutou, kua fakamaokioki koutou, kua fakamatatonu koutou i le suafa o le Aliki ko Sesu-Kilisito ki le Laumalie o lotatou Atua.

Efeso 5:2

ti kotou saele i le alofa, o faifaitaki kia Kilisito, leia na alofa kia tatou, ti na soli a ia totonu ki le Atua o tupu ko tatou, ofaipe se moliga mo se sakilifisio manogi ki le Atua.

Efeso 5:26

o tupu ke fakatapui a ia, mo fakamea a ia, ti mo fufulu a ia ki le vai o le folafola,

Epelo 10:12

Kae ko Kilisito, i le oki o lana momoli se sakilifisio e tasi ki agasala, na nofo a ia o lee gato i le lima atamai o le Atua ;

Epelo 10:14

Talie, i se failaulau e tasi, na ave e ia ki le malie tukupau o lee gato latou ala kua fakamaokioki.

Epelo 10:20

i le ala foou mo mauli leia kua fakamavaa e ia kia tatou i le kie puipui, leia ko lona tino,

Epelo 10:29

Ti e kotou manatu e feaki ake loa le tautea fakaveli o leia e takatakafi ia loa ki ona vae le Alo o le Atua, ti mo fakanoai ia loa le toto o le sai leia na fakamea ia a ia, ti mo lauveli loa ki le Laumalie o le kalasia ?

Epelo 10:5

Koia na pati ai Kilisito, i lana au ki le malama nei : Na leaise ke loto ki se sakilifisio pe ko se moliga, Kae na ke fau se tino kiate au ;

Epelo 13:12

Koia na mate ai foki Sesu i le tua kolo, o tupu ke fakamea ai le kakai ki lona toto totonu.

Epelo 2:11

Talie ko leia e fakamea ia, ti mo latou ala kua fakamea, e lotou au fuli mei le toka tasi. Koia e leaise luma ai a ia i lolatou fakaigoa ko ona fetaina,

Epelo 2:14

Koia i le kau o fanau ki le toto mo le kanofi, na toe kau foki a ia totonu ki ai, o tupu ke too ai e ia, i lona mate, le makeke o leia na maua ia le makeke o le mate, Satana ;

Epelo 5:7

Ko ia leia, i aso o lona kanofi, na momoli ia ni su mo ni kole o fakatasi mo ni tagi makeke ti mo ni loimata ki leia na mafai ke fakamauli ia a ia mei le mate ; ti na tali a ia o tupu ko lona fakalogo ki le Atua.

Epelo 7:27

leia e leaise aoga kiate ia, o tatau mo la ake kau pule fai sakilifisio, ke momoli e ia i aso taki tasi ni sakilifisio, o uluaki mua ki ana agasala totonu, ti oki ki agasala a le kakai. Talie na fai e ia le nea lena o tua tasi malie, i lana momoli a ia totonu.

Epelo 9:12

ti kua ulu tua tasi a ia ki le potu taputapu, ti na leaise ulu a ia mo le toto o se koti pe ko se uviki pipi, kae na ulu a ia mo lona toto totonu, ti kua maua e ia se totogi lee gato kia tatou.

Epelo 9:14

e feaki ake loa le lasi o le fakamea otatou loto mei gaoi mate e le toto o Kilisito, leia na momoli ia a ia totonu lee mele ki le Atua i le Laumalie lee gato, o tupu ke tou tausi ki le Atua mauli !

Epelo 9:26

talie kapau koia ti na tonu loa ke mamae tua mauke Kilisito talu mei le kamataaga o le malama nei. Kae i le temi nei, i le fakaoki o sekulo, na sa a ia o tua tasi ke maumaui ai le agasala ki lona sakilifisio.

Epelo 9:28

E tatau foki mo Kilisito, kua momoli e ia a ia o tua tasi ke amo ai a agasala a se kakai toka api. Ti e toe sa loa a ia i se tua lua o leai ke fufulu ai a agasala, kae ke fakamauli ai latou ala e talitali kiate ia.

Uluaki tosi a Petelo 2:24

a ia leia na amo ia toka tasi atatou agasala i lona tino i le laakau, o tupu ke tou mate ki atatou agasala kae ke tou mauli ki le maokioki ; ti kua tou mauli i ona kafo.

Uluaki tosi a Petelo 3:18

Talie ko Kilisito foki na mamae o tua tasi o tupu ko le agasala, a ia leia na agatonu ki le kau lee agatonu, o tupu ke aumai e ia tatou ki le Atua ; ti na tamate a ia i lona tino fakatagata, kae na toe aumai a ia ki le mauli e le Laumalie.

Uluaki tosi a Soane 5:6

Ko ia, Sesu-Kilisito, leia na au mo le vai ti mo le toto ; leai mo le vai fuai, kae mo le vai ti mo le toto ; ti ko le Laumalie leia e fakamaoki, talie ko le Laumalie ko le maoki a ia.