Epelo 1:7 - Tosi Tapu

⁷ Ti na toe pati a ia ki le kau aselo : E fakagaoi e ia ana aselo ofaipe ni matagi ti mo ana kau fakasausau ofaipe se ulai afi

Epelo 1:7 ပူးပေါင်းရင်းမြစ်များ

Senesi 3:24

I le oki o le kapu o Atama, na fakatuu loa e le Atua i le potu esite o le oloto o Eteni ni selupino, ke leo ia le ala ki le laakau o le mauli.

Uluaki tosi o Sau 22:19

Ti na pati loa Mikea : Fakalogo mai la ki le folafola a le Eteleno ! Na kau tio ki le Eteleno kua ekeeke i lona ekeekeaga fakasau, ti kua tutuu le kau tau katoa o le lagi i ona tafa, i lona fetuu atamai mo lona fetuu sema.

Lua tosi o Sau 2:11

Na la soko atu lala saele, o masasau, ti na fokifa loa kua vaei laua e se saliote afi mo ni osi afi, ti na pale ake loa Elia ki lagi i se asesio.

Lua tosi o Sau 6:17

Ti na faikole loa Eliseo, o pati : Eteleno fakamavaa ona mata, o tupu ke tio a ia. Ti na fakamavaa loa e le Eteleno a mata o le tagata fakasausau, leia na tio loa ki le mauga kua apele i osi mo saliote afi ala kua takatakai ia Eliseo.

Pesalemo 104:4

E fai e ia ki matagi ana tagata avelogo, Ki ulai afi ana tagata fakasausau.

Esaia 6:2

Na tuu ni selafimi i ona aluga ; na lotou tasi mo ia ni kapakau e ono ; na puloui e ia ona mata ki kapakau e lua, ti na uufi e ia ona vae ki kapakau e lua, ti na lele a ia ki kapakau e lua.

Taniela 7:10

Na tafe se vaitafe afi mei ona mua. Na lau i afe mo afe latou ala na tausi kiate ia, ti mo miliona mo miliona latou ala na tutuu i ona mua. Na ekeeke loa a tui fakamaau, ti na fakamavaa loa ni tosi.

Sakalia 6:5

Na tali mai loa le aselo kiate au : Ko matagi ana e fa o le lagi, ala e ulu mei le ganea leia e lotou tutuu ai i mua o le Aliki o le malama nei katoa.

Epelo 1:14

Pe leaise ko ni laumalie fuli latou, ala e tausi ki le Atua, ti kua kakau ke gaoi kia latou ala e tonu ke maua ia le mauli lee gato ?