Epelo 1:14 - Tosi Tapu

¹⁴ Pe leaise ko ni laumalie fuli latou, ala e tausi ki le Atua, ti kua kakau ke gaoi kia latou ala e tonu ke maua ia le mauli lee gato ?

Epelo 1:14 ပူးပေါင်းရင်းမြစ်များ

Senesi 32:24

Na nofo toka tasi loa Sakopo. Ti na fepoko loa se tagata mo ia o kaku ki le mafoata.

Uluaki tosi o Sau 22:19

Ti na pati loa Mikea : Fakalogo mai la ki le folafola a le Eteleno ! Na kau tio ki le Eteleno kua ekeeke i lona ekeekeaga fakasau, ti kua tutuu le kau tau katoa o le lagi i ona tafa, i lona fetuu atamai mo lona fetuu sema.

Sopo 1:6

Kae i se aso, na au loa a vosa o le Atua ki mua o le Eteleno, ti na au foki Satana i loto malie o latou.

Pesalemo 104:4

E fai e ia ki matagi ana tagata avelogo, Ki ulai afi ana tagata fakasausau.

Pesalemo 34:7

Ka tagi se tagata e mamae, e logo le Eteleno, Ti e fakamauli e ia a ia i ona mamae fuli.

Taniela 3:28

Ti na masau loa Nepukatenesale, o pati : Ke manuia le Atua o Satalake, mo Mesake, mo Apeteneko, leia na kakau ia mai lona aselo ti na saofaki ia ana tagata fakasausau ala na fanaki kiate ia, kae na maumaui ia le fakatotonu a le sau. Na lotou malie ia ake le momoli o olatou tino i lalatou tausi mo atolasio ki se tasi ake atua kese.

Taniela 6:22

Kua kakau mai e loku Atua lana aselo ke tapono ia a gutu o laione, ti na leaise lotou fai fua kiate au se nea veli, talie na leaise maua e ia saku sala i ona mua ; ti e felaaki foki i ou mua, ei sau, na leaise kau fai fua se sala.

Taniela 7:10

Na tafe se vaitafe afi mei ona mua. Na lau i afe mo afe latou ala na tausi kiate ia, ti mo miliona mo miliona latou ala na tutuu i ona mua. Na ekeeke loa a tui fakamaau, ti na fakamavaa loa ni tosi.

Mateo 1:20

Na lolotoga fakakaukau a ia ki le nea lena, ti na fokifa kua sa se aselo o le Aliki kiate ia i se moe miti, o pati : Sosefo, vosa o Tavite, aua na ke i i le too o Malia lau avaga, talie ko le toe leia e tinae ai e au mei le Laumalie Maokioki.

Mateo 13:41

E kakau loa e le Vosa o le tagata ana aselo, ke lotou taaki i lona Puleaga a nea fuli ala e fakatupu veli ti mo latou ala e fai ia a aga fakalialia :

Mateo 18:10

Kotou tokaga na kotou nukinuki ki se tasi fua o toe liliki anei ; talie e kau pati atu kia koutou e tio tuumau olatou aselo i le atu lagi ki mata o loku Tamana leia e nofo i le atu lagi.

Mateo 2:13

I le oki o lalatou mavae, na sa loa se aselo o le Aliki kia Sosefo i se moe miti, o pati : Tuu ki aluga, too le ga toe mo lona tinana, o sola ki Esipito, ti ke nofo i ai o kaku ki laku toe masau atu loa kiate koe, talie e afa loa le ga toe e Elote ke tamate.

Mateo 24:31

Ti e kakau loa e ia ana aselo mo le fakatagipupusi makeke, ti e lotou tanaki loa lana kau filifiliia mei fetuu matagi e fa, mei leia potupotu o le lagi ki leia potupotu.

Mateo 25:34

Ti e pati loa le sau kia latou ala e tutuu loa i lona fetuu atamai : Kotou au, koutou ala na tapuaki e loku Tamana ; kotou maua le puleaga leia na teuteui atu kia koutou talu mei le kamataaga o le malama nei.

Mateo 4:11

Ti na tuku loa a ia e le Tiapolo. Ti ko leinei, na au loa se kau aselo kiate ia, ti na lotou fakasausau loa kiate ia.

Maleko 10:17

I le fanoga a Sesu i le ala, na makape mai loa se tagata, o tutuli i ona mua, o vesili kiate ia : Pule malie ai, kolea le nea leia e tonu ke kau fai ke maua ai le mauli lee gato ?

Luka 1:19

Na tali loa le aselo kiate ia : Ko au Kapeliele, e kau tuu i mua o le Atua ; na kakau mai au ke au o masau atu kiate koe, ti mo fakailo atu kiate koe le logo malie lena.

Luka 1:23

I le oki o ona aso gaoi, na ano loa a ia ki lona fale.

Luka 16:22

Na mate loa le tagata mativa, ti na ave loa a ia e le kau aselo ki tafa o Apalaamo. Na mate foki mo le tagata mou koloa, ti na tanu loa a ia ki le kele.

Luka 2:13

Ti fokifa kua fakatasi mai ki le aselo se toka lasi o le kau aselo o le lagi, o vikiviki ki le Atua, o pati :

Luka 2:9

Ti ko leinei, na sa loa se aselo o le Aliki kia latou, ti na malama loa le kololia o le Aliki o takatakai latou. Na lotou i lasi ai.

Gaoi 11:22

Na kaku loa le logo lena ki taliga o le Ekelesia o Selusalemi, ti na lotou kakau loa Palenapa ki Atiokia.

Gaoi 12:23

I le temi fai lena na taai loa a ia e se aselo o le Aliki, talie na leaise fakakololia a ia ki le Atua, ti na kai loa a ia e ilo, o mate.

Gaoi 12:7

Ti ko leinei, na tuu mai loa se aselo o le Aliki, ti na mu loa se malama i le loto fale pilisoni. Ti na fafagu loa e le aselo a Petelo, o papa ki lona fetuu, o pati : Tuu vave ki aluga ! Ti na vivilo loa a tini mei ona lima.

Gaoi 13:2

I le lolotoga o lalatou tausi ki le Aliki i lalatou gaoi ki le folafola ti mo le sesunio, na pati loa le Laumalie Maokioki : Kotou vaei kese kiate au a Palenapa mo Saulo ki le gaoi leia kua kau kalagai laua ki ai.

Gaoi 16:26

Ti fokifa kua to se mafuike lasi, o galulu ai a fakatafito o le fale pilisoni ; i le temi fai lena, na mavaa loa a matapa fuli, ti na motumotu loa a tini o le kau pilisoni katoa.

Gaoi 27:23

Talie na fakafeofi mai kiate au i le po leinei se aselo o le Atua, leia e kau fakalogo mo tausi ki ai,

Gaoi 5:19

Kae, i le pouli, na fakamavaa loa e se aselo o le Aliki a matapa o le pilisoni, ti na taki loa e ia latou ki fafo, o pati kia latou :

Loma 11:14

E kau fakaamu ke fakatupu i ai, mo kapau e feala, le finenonofo o latou o loku lanu, ti ke saofaki ai ni iki.

Loma 13:6

Ko le tupuaga foki lena o lakoutou totogi a tukusau. Talie ko pule ko tagata fakasausau latou a le Atua, ke tokaga ki le gaoi lena.

Loma 15:16

ke kau liliu ko le tagata gaoi a Sesu-Kilisito ki le kau pagani ; e kau fai le gaoi taputapu o le Evaselio a le Atua, o tupu ke soko le kau pagani ko se moliga malie kiate ia, leia kua fakamaokioki e le Laumalie Maokioki.

Loma 15:27

Na lotou loto malie ai ki le nea alofa lena, ti ko lolatou maua aia ; talie kapau kua kau le kau pagani ki olatou koloa fakalaumalie, e tonu foki ke lotou tokoi kia latou i nea fakamalama.

Loma 8:17

Ti kapau ko tatou ko fanau, ko tatou foki ko fanau maua tofiga : Ko fanau maua tofiga a le Atua, ti mo maua tofiga fakatasi mo Kilisito, mo kapau e tou mamae fakatasi foki mo ia, o tupu ke tou toe fakatasi foki mo ia i lona kololia.

Uluaki tosi ki le kau Kolinto 1:21

Talie i lona poto na leaise iloa e le malama nei le Atua, kae na malie ki le Atua i lona poto ke saofaki latou ala e tui ki le valea o le akonaki.

Lua tosi ki le kau Kolinto 9:12

Talie ko le gaoi malie lena e kotou fai ia, e leaise gato fua i le soli o nea ala e aoga ki le kau sagato, kae ko se matapuna lasi foki a ia o ni fakafetai lasi ki le Atua.

Kalate 3:29

Ti kapau e kotou kau kia Kilisito, ti ko le sakoga loa koutou o Apalaamo, ko fanau mau tofiga o le fakapapau.

Kalate 3:7

ke kotou iloa foki ko latou ala e maua ia le tui ko vosa latou o Apalaamo.

Kalate 3:9

Koia, ko latou fuli ala e tui e tapuakina loa mo Apalaamo, le tagata tui.

Efeso 3:6

Ko le misitelio lena : kua kau le kau pagani ki le tofiga, ti kua lotou liliu ko se tino e tasi, ti kua lotou kau ki le fakapapau e tasi ia Sesu-Kilisito i le Evaselio,

Filipe 2:17

Ti kapau e kau aoga ki le lipasio o lakoutou sakilifisio ti mo le tausi o lakoutou tui, e kau fiafia i ai, ti e kau fiafia fakatasi mo koutou fuli.

Filipe 2:25

Na kau manatu e aoga ke kakau atu kia koutou loku taina ko Epafolotito, loku kaukau soa i le gaoi ti mo le tau, leia kua kotou fakakaku mai ai kiate au le tokoi leia na aoga kiate au.

Lua tosi ki le kau Tesalonika 1:7

kae ke soli atu kia koutou, ala e mamae nei, le malolo mo matou, mo ka sa mai loa le Aliki ko Sesu mei le lagi mo le kau aselo o lona mafimafi,

Tito 3:7

o tupu ke fakamatatonu tatou ki lona kalasia, ti ke tou mau tofiga le mauli lee gato leia e tou amanaki malie ki ai.

Epelo 10:11

Ti e tuu i aluga a tagata fai sakilifisio fuli i aso taki tasi o fai lana gaoi, ti e momoli tuumau e ia a sakilifisio tatau, ala e leaise mafai ke too ia i se aso a agasala.

Epelo 2:3

e tou sao feaki loa mo kapau e tou fakanoai le saofaki lasi lena ? Na uluaki fakasa e le Aliki le saofaki lena, ti na fakamaoki a ia kia tatou e latou ala na logo totonu kiate ia ;

Epelo 5:9

i le oki o lona siki ki le malie tukupau, na liliu a ia kia latou fuli ala e fakalogo kiate ia ko le pule o se saofaki lee gato,

Epelo 6:12

Ke aua na kotou fakagasueveli, kae ke kotou faifaitaki kia latou ala na tui mo kataki fualoa, ti kua maua ia a nea ala na fakapapau e le Atua.

Epelo 6:17

Koia, i le loto o le Atua ke fakasa lasi kia latou ala e tonu ke maua ia le tofiga o le fakapapau, e leaise toe fetogi loa e ia lana fakapapau, ti na fakamaoki loa e ia a ia ki se sai,

Epelo 8:6

Kae ko leinei, kua maua e ia se gaoi leia e malie lasi ake, talie kua liliu a ia ko le tagata fakasokopati o se sai leia e malie lasi ake ti kua fakatafito ki ni fakapapau ala e malilie lasi ake.

Epelo 9:28

E tatau foki mo Kilisito, kua momoli e ia a ia o tua tasi ke amo ai a agasala a se kakai toka api. Ti e toe sa loa a ia i se tua lua o leai ke fufulu ai a agasala, kae ke fakamauli ai latou ala e talitali kiate ia.

Sakopo 2:5

Kotou fakalogo mai, ei oku fetaina alofaina : Pe na leaise filifili e le Atua le kau mativa o le malama nei, ke lotou mou koloa i le tui, ti ke lotou maua tofiga le Puleaga leia na fakapapau e ia kia latou ala e alofa kiate ia ?

Uluaki tosi a Petelo 1:12

Na fakasa loa kia latou ko nea ala na tuku kia latou ko ni nea, o leai kia latou totonu, kae kia koutou. Ti kua fakasa atu kia koutou a nea ana i le temi nei e latou ala na akonaki ia le Evaselio i le Laumalie Maokioki leia na kakau mei lagi, ti e oli le kau aselo ke tio ki ai.

Uluaki tosi a Petelo 1:4

ti mo se tofiga leia e leaise mafai ke popo, pe kelekele, pe fefe, ti kua taofi atu kia koutou i le atu lagi,

Uluaki tosi a Petelo 3:7

Tagata avaga, kotou fakasa foki se poto i lokoutou mauli mo okoutou avaga, o kotou iloa ko se ipu fakaeteete lasi a ia ; kotou fakaapaapa ki ai, ofaipe se tasi leia e tonu ke mau tofiga ia mo koutou le kalasia o le mauli. Kotou fai fenaaki, o tupu ke aua na taofi akoutou faikole e se nea.

Suta 1:14

Ko latou foki ana na folafola fakakikite ki ai Enoke, ko le fitu o le kau pateliaka meia Atama, o pati : Ko leinei, kua au le Aliki mo ana kau miliate maokioki,

Apokalipisi 5:6

Ti na kau tio loa, i loto malie o le ekeekeaga fakasau, mo manu mauuli e fa, ti mo loto malie o le kau matua, ki se Akeno leia na nofo i ai o sakinake kua momoli i se sakilifisio. Na maua e ia ni tala e fitu ti mo ni mata e fitu, ala ko Laumalie e fitu o le Atua kua kakau i le malama nei katoa.