Ekesote 9:15 - Tosi Tapu

¹⁵ Kanapau na kau folasi loku lima, o kau tautea a koe ki le mate, a koe mo lou kakai, kua ke puli nei i aluga o le malama nei.

Ekesote 9:15 ပူးပေါင်းရင်းမြစ်များ

Lua tosi a Samuele 7:23

Pe ia se tasi ake puleaga i le malama nei e tatau mo lou kakai, ke faipe Iselaele, leia na au le Atua o totogi ke liliu ko lona kakai, ti ke logologona, ti ke fai kiate ia ni milakulo mo ni nea fakamanamana i lou fenua, o kapu ni puleaga mo olatou atua, i mua o lou kakai, leia na ke totogi mei Esipito ?

Uluaki tosi o Sau 13:34

Na fakatupu agasala le nea lena ki le fale o Selopoamo, ti ko le tupuaga lena o lona maumaui mo lona pulii i aluga o le kele.

Lua tosi o Sau 17:36

Kae e kotou i loa ki le Eteleno, leia na fakamavae ia koutou mei le fenua o Esipito ki lona makeke lasi ti mo lona lima falo ; ko ia leia e tonu ke kotou atolasio ki ai, ti ko ia leia e kotou momoli loa ki ai ni sakilifisio.

Lua tosi o Sau 19:35

I le po lena, na ifo mai loa le aselo o le Eteleno, ti na tamate loa e ia i le nofolaga tau o le kau Asilia a tagata e tino lelau tino valu tupu lima afe. I le ala usu ake, ko leinei, kua mamate a tagata fuli.

Ekesote 14:28

Na toe liliu loa le tai ki le masani, o lofia ai saliote, mo le kau ekeosi, ti mo le kau tau katoa a Falaone, ala na ulu loa ki le tai i muli o fanau a Iselaele ; ti na leaise toe sao loa se fa toka tasi.

Ekesote 3:20

E kau falo loa loku lima, ti e kau tautea loa Esipito ki nea fakamanamana kesekese ala e kau fakasoko ia loa i le fenua. I le oki loa o nea ana, e tuku loa e ia ke kotou ano.

Ekesote 9:14

Talie, i le faiaga loa leinei, e kau tuku fuli loa aku tautea ki lou loto, ki au tagata fakasausau, ti mo lou kakai, o tupu ke ke iloa e leaise tatau se tasi mo au i le malama nei katoa.

Ekesote 9:16

Kae na kau fakamauli a koe, o tupu ke fakasa iate koe loku makeke, ti ke fakamafola loku suafa i le malama nei katoa.

Ekesote 9:3

e to loa le lima o le Eteleno ki au kau manu ala e nonofo i faisaga, ki osi, mo asino, mo kamelo, mo pipi, ti mo ovi ; e lasi loa le mamate.

Ekesote 9:6

Ti na fai loa e le Eteleno le nea lena i leia ake a aso. Na mamate loa a kau manu fuli a le kau Esipito, kae na leaise mate fua se manu e tasi i kau manu a fanau a Iselaele.

Taagapati 2:22

Kae e tuuti loa le kau agasala i le fenua, E taaki loa le kau agaveli i ai.