Ekesote 7:20 - Tosi Tapu

²⁰ Na fai loa e Moisese mo Alone le nea leia na fakatotonu e le Eteleno. Na siki loa e Alone lona tokotoko, ti na taai loa e ia le vai o le vaitafe i mua o Falaone mo ana tagata fakasausau ; ti na liliu loa o toto le vai katoa o le vaitafe.

Ekesote 7:20 ပူးပေါင်းရင်းမြစ်များ

Lua tosi o Sau 4:29

Ti na pati loa Eliseo kia Keasi : Toi lou kilipipi, ti ke too loku tokotoko i lou lima, ti ke ano. Kapau e ke felavei loa mo se tasi, aua na ke fakamalo loa kiate ia ; ti kapau e fakamalo atu loa se tasi kiate koe, aua na ke tali loa ki ai. Ti ke teki loa loku tokotoko ki mata o le toe.

Pesalemo 105:29

Na fakaliliu loa e ia olatou vai ke toto, Ti na fakamamate loa e ia olatou ika.

Pesalemo 78:44

Na fakaliliu loa e ia olatou vaitafe o toto, Ti na leaise mafai loa ke lotou inu olatou vai.

Ekesote 4:9

Ti kapau e leaise lotou tui loa ki fakamailoga ana e lua, ti kapau e leaise lotou fakalogo ki lou leo, e ke too loa se vai mei le vaitafe, ti ke liligi loa a ia ki le kele, ti e liliu loa le vai lena ko se toto i le kele.

Ekesote 7:10

Na ano loa Moisese mo Alone kia Falaone, ti na la fai loa le nea leia na fakatotonu ake e le Eteleno kia laua. Na ti loa e Alone lona tokotoko ki mua o Falaone mo ana tagata fakasausau ; ti na liliu loa le tokotoko ko se gata.

Ekesote 7:21

Na mamate loa a ika ala na mauli i le vaitafe, ti na pala loa le vaitafe ; Na leaise toe mafai loa ke inu le kau Esipito ki le vai o le vaitafe, ti na mafola loa le toto i le fenua katoa o Esipito.

Ekesote 7:6

Na fai loa e Moisese mo Alone le nea leia na fakatotonu e le Eteleno kia laua : Na la fai loa ki ai.

Apakuki 3:8

Pe ita le Eteleno ki vaitafe ? Pe mu lou ita ki vaitafe ? Pe ko le tai leia e ke liligi ki ai lou sausau Ke ke eke ai ki au osi, Ti mo lau saliote o le malo ?

Apokalipisi 8:8

Ko le lua aselo na pupusi ia loa lana fakatagi pupusi. Ti na ti loa ki le tai se nea leia na faipe se mauga lasi kua mu i le afi ; ti na liliu loa o toto le vaega tolu o le tai,