Ekesote 7:19 - Tosi Tapu

¹⁹ Na pati loa le Eteleno kia Moisese : Pati kia Alone : Too lou tokotoko, ti falo lou lima ki vai fuli o le kau Esipito, ki olatou vaitafe lalasi, mo olatou vaitafe liliki, mo olatou vai tanaki, mo olatou sosoni, mo olatou tanakiaga vai fuli. E liliu loa a vai fuli o toto ; ti e maua loa le toto i le fenua katoa o Esipito, o kaku ki loto o ipu laakau mo ipu fatu.

Ekesote 7:19 ပူးပေါင်းရင်းမြစ်များ

Senesi 1:10

Na fakaigoa loa e le Atua le kele malo ko le fenua, kae fakaigoa loa e ia le ganea leia na tanaki ai a vai ko le tai. Na tio loa le Atua na malie le nea lena.

Lua tosi o Sau 4:29

Ti na pati loa Eliseo kia Keasi : Toi lou kilipipi, ti ke too loku tokotoko i lou lima, ti ke ano. Kapau e ke felavei loa mo se tasi, aua na ke fakamalo loa kiate ia ; ti kapau e fakamalo atu loa se tasi kiate koe, aua na ke tali loa ki ai. Ti ke teki loa loku tokotoko ki mata o le toe.

Ekesote 10:12

Ti na pati loa le Eteleno kia Moisese : Siki lou lima ki le fenua o Esipito, ti ke pale a seseivaka ki le fenua o Esipito, ke lotou kai a mutie fuli o le kele, ti mo nea fuli ala na sao i le ua fatu.

Ekesote 10:21

Na pati loa le Eteleno kia Moisese : Siki lou lima ki le lagi, ti ke vilo se fakapouli ki le fenua katoa o Esipito, io, se pouli matotolu.

Ekesote 14:16

Ko koe, siki lou tokotoko, falo lou lima ki le tai, o fakavaelua a ia ; ti e saele loa fanau a Iselaele i loto malie o le tai malo.

Ekesote 14:21

Na falo loa e Moisese lona lima ki le tai. Ti na tatafi loa e le Eteleno le tai ki se matagi makeke mei le potu esite leia na agi loa i le po katoa ; ti na fakamalo loa e ia le tai ti na vaelua loa e ia le vai.

Ekesote 14:26

Ti na pati loa le Eteleno kia Moisese : Siki lou lima ki le tai, ti e toe liliu loa le tai ki le kau Esipito, mo alatou saliote, ti mo lolatou kau ekeosi.

Ekesote 4:9

Ti kapau e leaise lotou tui loa ki fakamailoga ana e lua, ti kapau e leaise lotou fakalogo ki lou leo, e ke too loa se vai mei le vaitafe, ti ke liligi loa a ia ki le kele, ti e liliu loa le vai lena ko se toto i le kele.

Ekesote 8:16

Na pati loa le Eteleno kia Moisese : Ano koi usu ki mua o Falaone ; e ulu loa a ia o ano ki le vai. E ke pati loa kiate ia : Ko leinei le folafola a le Eteleno : tuku ke ano loku kakai, ke lotou tausi kiate au.

Ekesote 9:33

Na mavae loa Moisese mei le fale o Falaone, o ulu mei le kolo ; ti na siki loa e ia ona lima ki le Eteleno, ti na gato loa le mana mo le ua fatu ; ti na leaise toe to loa le ua ki le kele.

Esaia 19:10

E gaegae fuli loa a fanakiaga o le fenua, Ti e loto gaegae loa a tagata gaoi totogi fuli.

Esaia 5:25

Koia kua vilo ai le sausau o le Eteleno ki lona kakai, Kua falo ai lona lima kiate ia, o taai a ia. Kua lulu a mauga ; Ti kua fai a mate pe ni penu i loto malie o ala. Kae logo ai a nea fuli ana, e leaise malu lona sausau, Ti e koi falo lona lima.

Apakuki 3:8

Pe ita le Eteleno ki vaitafe ? Pe mu lou ita ki vaitafe ? Pe ko le tai leia e ke liligi ki ai lou sausau Ke ke eke ai ki au osi, Ti mo lau saliote o le malo ?