Ekesote 40:9 - Tosi Tapu

⁹ E ke too loa le lolo tapu, ti e ke takai loa ki ai le tapenakulo ti mo nea fuli i ai, ti e ke fakatapui loa le tapenakulo mo ona nea gaoi fuli, ti e liliu loa a ia o maokioki.

Ekesote 40:9 ပူးပေါင်းရင်းမြစ်များ

Pesalemo 45:7

Ko lou ekeekeaga fakasau, ei Atua, e tuu o lee gato ; Ko le tokotoko o lau pule ko se tokotoko o le maokioki.

Ekesote 37:29

Na fai loa e ia le lolo pani tapu, mo le kaloni fakamanogi, ki a nea fakamanogi, o mulimuli ki le poto o le tagata fai kaloni.

Ekesote 39:39

mo le aletale sila mo lona ukamea pupu, mo ona amo, ti mo ona nea gaoi fuli ; mo le tanoa mo lona tuuaga ;

Ekesote 40:8

E ke tau loa a kie puipui o le lotoa i lona takatakai katoa, ti e ke tau loa le lito o le matapa o le lotoa.

Esaia 11:2

E nofo loa le Laumalie o le Eteleno iate ia : Laumalie o le poto mo le atamai, Laumalie o le tokoi mo le makeke, Laumalie o le iloa mo le i ki le Eteleno.

Esaia 61:1

E iate au le Laumalie o le Aliki, le Eteleno, Talie na fakanofo au e le Eteleno ke ave ia ni logo malilie kia latou e mativa ; Na kakau e ia au ke fakamauli latou e loto fatifati, Ke fakasa ki le kau popula le lauatea, Ki le kau pilisoni le saofaki ;

Esekiele 28:14

Na ke nofo ko se selupino leoleo, leia na folasi ia ona kapakau ; Na kau fakanofo a koe i le mauga maokioki o le Atua, Na ke saele i loto malie o fatu gigila.

Levitiko 8:10

Ti na too loa e Moisese le lolo tapu, ti na pani loa e ia le aletale mo ona nea gaoi fuli ala na tuku i ai, ke fakatapui ai latou.

Numelo 7:1

I le oki loa o le fakatuu o le falela tapu e Moisese, na fakatapui loa e ia a ia ki le lolo, mo ona nea gaoi fuli, ti mo le aletale mo ona nea gaoi fuli ; na liligi loa e ia ki aluga le lolo tapu ke fakatapui ai latou.

Mateo 3:16

I le oki o lona papitema, na mavae loa Sesu mei le vai. Ti ko leinei, na mavaa loa le atu lagi, ti na tio loa a ia ki le Laumalie o le Atua e ifo mai ofaipe se lupe tea, o au kiate ia.

Soane 3:34

talie ko leia na kakau mai e le Atua e fakasa ia a folafola a le Atua, talie e leaise tuku e le Atua kiate ia le Laumalie Maokioki, o fakafuafua.

Lua tosi ki le kau Kolinto 1:22

leia kua fakamailoga ia foki tatou, o soli mai kia tatou se fakamaoki, ko le Laumalie i otatou loto.

Lua tosi ki le kau Kolinto 1:4

leia e fakafimalie ia maua i oma mamae fuli, o tupu ke ma mafai ia le toe fakafimalie o latou ala e nonofo i mamae, ki le fakafimalie leia na fakafimalie ai maua e le Atua !

Epelo 9:21

Na toe fai foki e ia le afusi o le toto ki le tapenakulo ti mo nea fuli o le atolasio.

Uluaki tosi a Soane 2:20

Kia koutou, kua kotou maua le Laumalie Maokioki mei leia e maokioki, ti kua kotou iloa fuli le maoki.