Ekesote 40:16 - Tosi Tapu

¹⁶ Na fai loa e Moisese a nea fuli ala na fakatotonu ake e le Eteleno kiate ia, ti na fai loa a ia ki ai.

Ekesote 40:16 ပူးပေါင်းရင်းမြစ်များ

Senesi 6:22

Ti na fai loa a Noe ki ai : na fai loa e ia a nea fuli ala na fakatotonu e le Atua kiate ia.

Ekesote 40:15

ti e ke pani loa latou ki le lolo ofaipe lau pani lolatou tamana, o tupu ke lotou gaoi kiate au i le gaoi fakapelepitelo. Ko lolatou pani lena ki le lolo e fakamaoki ai loa latou o tuumau ki le gaoi fakapelepitelo i olatou sakoga.

Ekesote 7:6

Na fai loa e Moisese mo Alone le nea leia na fakatotonu e le Eteleno kia laua : Na la fai loa ki ai.

Esaia 8:20

Afa ki le Lao mo le fakamaoki ! Kapau e leaise masau felaaki, Ti e leai loa se mafoata ki le kakai.

Selemia 13:5

Na kau ano loa, ti na kau fufu loa le kilipipi i tafa o le Eufalate, o mulimuli ki le nea leia na fakatotonu mai e le Eteleno kiate au.

Levitiko 8:13

Ti na too loa e Moisese a vosa o Alone, ti na fakatui loa e ia kia latou a kofu tea, ti na nonoa loa e ia kia latou a kie nonoa, ti na fakapipiki loa e ia kia latou a tiale, o mulimuli ki le fakatotonu a le Eteleno.

Levitiko 8:21

Ti na fakamea loa e ia ki le vai a vava mo vae, ti na tutu loa e ia a nea fuli o le akeno tagata i aluga o le aletale. Ko se failaulau lena, ko se sakilifisio tutu katoa a ia, ti ko se nea manogi malie a ia ki le Eteleno, o mulimuli ki le fakatotonu leia na tuku e le Eteleno kia Moisese.

Levitiko 8:9

Ti na teki loa e ia le tiale ki lona fa ulu, ti na fakapipiki loa e ia ki ai le fakamailoga tapu, le pala aulo, ki mua o le tiale, o mulimuli ki le fakatotonu a le Eteleno.

Numelo 1:19

Na tosi loa e Moisese olatou igoa i le toafa o Sinai, o mulimuli ki fakatotonu ala na tuku kiate ia e le Eteleno.

Numelo 9:22

Kapau na tuu le ao i aluga o le tapenakulo i ni aso e lua, pe ko se masina e tasi, pe ko se fetuu katoa, na nonofo fanau a Iselaele i olatou falela, ti na leaise lotou fanoga loa. Ti ka malaga loa le ao, na lotou fanoga loa.

Mateo 28:20

ti kotou ako latou ke lotou fai a nea fuli ala na kau fakatotonu atu kia koutou. Ti ko leinei, e kau nofo mo koutou i aso fuli, o kaku ki le fakaoki o le malama nei.

Uluaki tosi ki le kau Kolinto 4:2

Ti ko le nea foki leia e kole ki ni tagata tausi koloa, ke lotou tasi agatonu i lana gaoi.

Tetelonome 12:32

Ke kotou tausi ti mo fai a nea fuli ala e kau fakatotonu atu kia koutou. Ke aua na kotou fakalasi se nea ki ai, ti ke aua na kotou fakaikiiki se nea i ai.

Tetelonome 4:1

I le aso nei, ei Iselaele, fakalogo ki lao mo fakatotonu e kau ako kia koutou. Kotou tausi latou, o tupu ke kotou mauli loa ti ke kotou ulu loa o maua le fenua leia e soli kia koutou e le Eteleno, ko le Atua o okoutou tamana.

Epelo 3:2

Sesu, leia na agatonu ki leia na fakanofo ia a ia, ofaipe Moisese leia na agatonu i lona fale katoa.

Epelo 3:5

Kia Moisese, na agatonu a ia i le fale katoa o le Atua, ofaipe se tagata fakasausau, ke fakamaoki ki le nea leia e tonu ke fakasa ;