Ekesote 40:13 - Tosi Tapu

¹³ E ke fakatui loa kia Alone a kofu tapu, ti e ke pani loa a ia ki le lolo, ti e ke fakatapui loa a ia ke tausi kiate au i le gaoi fakapelepitelo.

Ekesote 40:13 ပူးပေါင်းရင်းမြစ်များ

Ekesote 28:41

E ke tui loa a teu ana ki lou taokete ko Alone, ti mo ona vosa. E ke liligi loa le lolo tapu ki olatou ulu, ti e ke fakatapui loa latou, ti e ke vaei kese loa latou, ti e lotou nofo loa o gaoi kiate au i le gaoi fakapelepitelo.

Ekesote 29:7

E ke too loa le lolo tapu, ti e ke liligi loa se lolo ki lona ulu, ti e ke pani loa a ia.

Ekesote 40:14

E ke fakafeofi mai loa ona vosa, ti e ke fakatui loa kia latou a kofu loloa,

Esaia 61:1

E iate au le Laumalie o le Aliki, le Eteleno, Talie na fakanofo au e le Eteleno ke ave ia ni logo malilie kia latou e mativa ; Na kakau e ia au ke fakamauli latou e loto fatifati, Ke fakasa ki le kau popula le lauatea, Ki le kau pilisoni le saofaki ;

Levitiko 7:35

Ko le vaega lena o le fakanofo o Alone, mo le fakanofo o ona vosa, i failaulau tutu ki le Eteleno.

Levitiko 7:36

Ko le nea lena na fakatotonu e le Eteleno ki fanau a Iselaele ke lotou soli kia latou i le aso leia e fakanofo ai latou. Ko le fakatotonu lena e tonu ke taupau tuumau.

Levitiko 8:13

Ti na too loa e Moisese a vosa o Alone, ti na fakatui loa e ia kia latou a kofu tea, ti na nonoa loa e ia kia latou a kie nonoa, ti na fakapipiki loa e ia kia latou a tiale, o mulimuli ki le fakatotonu a le Eteleno.

Soane 17:19

Ti e kau fakatapui a au totonu o tupu ko latou, o tupu ke lotou fakatapui latou totonu kiate koe.

Soane 3:34

talie ko leia na kakau mai e le Atua e fakasa ia a folafola a le Atua, talie e leaise tuku e le Atua kiate ia le Laumalie Maokioki, o fakafuafua.

Epelo 10:10

Ti e tupu ko le finegalo lena kua tou soko ai o maokioki ki le momoli o le tino o Sesu-Kilisito, tua tasi fuai.

Epelo 10:29

Ti e kotou manatu e feaki ake loa le tautea fakaveli o leia e takatakafi ia loa ki ona vae le Alo o le Atua, ti mo fakanoai ia loa le toto o le sai leia na fakamea ia a ia, ti mo lauveli loa ki le Laumalie o le kalasia ?

Uluaki tosi a Soane 2:20

Kia koutou, kua kotou maua le Laumalie Maokioki mei leia e maokioki, ti kua kotou iloa fuli le maoki.

Uluaki tosi a Soane 2:27

Kia koutou, ko le pani lolo leia na kotou tali meiate ia e nofo tuumau ia koutou, ti e leaise aoga ke akonaki atu se tasi kia koutou. Kae tupu na ako koutou i nea fuli e le pani lolo lena, leia e maoki, ti e leaise ko se loi a ia, ke kotou nonofo tuumau iate ia o mulimuli ki akonaki ala na tuku atu e ia kia koutou.