Ekesote 4:31 - Tosi Tapu

³¹ Ti na tui loa le kakai. Na lotou iloa loa kua asiasi le Eteleno ki fanau a Iselaele, ti kua tio a ia ki lolatou mamae ; ti na lotou tulolo loa ki le kele, o fakafetai.

Ekesote 4:31 ပူးပေါင်းရင်းမြစ်များ

Senesi 17:3

Na fakamapee loa Apalamo o fakatuu ona mata ki le kele ; ti na masau loa le Atua kiate ia, o pati :

Senesi 24:26

Ti na tulolo loa le tagata ki le kele o atolasio ki le Eteleno,

Senesi 29:32

Na tinae loa a Lea, ti na fanaui loa e ia se tama, o fakaigoa loa e ia ko Lupeni, talie na pati loa a ia : Kua tio le Eteleno ki loku fakataulaloi. I le aso nei e alofa loa loku avaga kiate au.

Senesi 50:24

Na pati loa Sosefo ki ona fetaina : Kua tatae loku temi mate ; kae e fakatele maoki loa le Atua kia koutou, ti e fakamavae loa e ia koutou i le fenua leinei ki le fenua leia kua fakapapau e ia ke soli kia Apalaamo, mo Isaake, mo Sakopo.

Uluaki tosi o Koloniko 29:20

Na pati loa Tavite ki le fakatasiga katoa : Ke kotou fakafetai ki le Eteleno, lokoutou Atua ! Ti na fakafetai loa le fakatasiga katoa ki le Eteleno, le Atua o olatou tamana. Na lotou punou loa ki le kele i mua o le Eteleno, ti mo mua o le sau.

Lua tosi o Koloniko 20:18

Na punou loa Sosafate o fakatau ona mata ki le kele, ti na punou loa Suta katoa mo le kakai o Selusalemi i mua o le Eteleno, o su kiate ia.

Lua tosi o Koloniko 32:8

E nofo mo ia se lima fakakanofi, kae e nofo mo tatou le Eteleno, lotatou Atua, leia e tokoi mai loa kia tatou ti e tau loa kia tatou. Na fimalie loa le kakai i masau a Esekiasi, sau o Suta.

Lua tosi o Koloniko 7:3

I le tio loa a fanau fuli a Iselaele ki le ifo o le afi mo le kololia o le Eteleno ki le fale, na lotou punou loa ki le kele o su mo fakafetai ki le Eteleno, o pati : Talie e agamalie a ia, talie e lee gato lona manava alofa !

Neemia 8:6

Na fakafetai loa Esetalasi ki le Eteleno, le Atua lasi, ti na siki loa e le kakai katoa olatou lima ki aluga, o tali : Amene ! Ti na lotou tulolo loa ki le kele, o atolasio ki le Eteleno.

Sopo 1:20

Ti na tuu loa a Sopo ki aluga, o sae lona taupulupulu, mo tele lona ulu ; ti na fakamapee loa a ia ki le kele, ti na su loa a ia,

Ekesote 12:27

E kotou tali loa : Ko le sakilifisio o le Pasikate ki le Eteleno, leia na fakasili i aluga o fale o fanau a Iselaele i Esipito, i lana taai Esipito kae saofaki otatou fale. Na punou loa le kakai ki le kele o atolasio.

Ekesote 14:31

Na tio loa Iselaele ki le lima makeke o le Eteleno leia na vilo ki le kau Esipito. Ti na i loa le kakai ki le Eteleno, ti na tui loa a ia ki le Eteleno mo Moisese, lana tagata fakasausau.

Ekesote 19:8

Na tali loa le kakai katoa : E motou fai loa a nea fuli ala kua pati ki ai le Eteleno. Ti na ave loa e Moisese a masau ana ki le Eteleno.

Ekesote 19:9

Ti na pati loa le Eteleno kia Moisese : Ko leinei, e kau au loa kiate koe i se ao matotolu, o tupu ke logo malie le kakai i le temi leia e kau masau ai loa kiate koe, ti ke tui tuumau loa a ia kiate koe. Na toe fakasa loa e Moisese ki le Eteleno a masau a le kakai.

Ekesote 2:25

Na tio loa le Atua ki fanau a Iselaele, ti na aloalofa loa a ia kia latou.

Ekesote 3:16

Ke ke ano, ti ke fakatasi le kau matua o Iselaele, ti ke pati loa kia latou : Ko le Eteleno, le Atua o okoutou tamana, le Atua o Apalaamo, mo Isaake, mo Sakopo na sa mai kiate au. Ti na pati mai a ia : Kua kau tio kia koutou, ti kua kau tio ki le nea leia e fai kia koutou i Esipito,

Ekesote 3:18

E lotou fakalogo loa ki lou leo ; ti e ke ano loa, a koe mo le kau matua o Iselaele ki le sau o Esipito, ti e kotou pati loa kiate ia : Ko le Eteleno, le Atua o le kau Epeleo, na sa mai kia matou. Fakataga mai ke motou ano o saele i ni aso e tolu i le toafa, o momoli ai ni sakilifisio ki le Eteleno, lomatou Atua.

Ekesote 3:7

Na pati loa le Eteleno : Kua kau tio ki le mamae o loku kakai i Esipito, ti kua kau logo ki alatou tagi o tupu ko lolatou fakavelivelii e olatou pule ; ti e kau iloa olatou mamae.

Ekesote 33:10

Na tio le kakai katoa ki le pou ao leia na tuu i le matapa o le falela, ti na tutuu le kakai katoa ki aluga, o su i mua o olatou falela.

Ekesote 34:8

I le lakaga fai lena, na fakamapee loa Moisese ki le kele, o su.

Ekesote 4:5

Na pati loa le Eteleno : Ko lena le nea leia e tonu ke ke fai, ke lotou tui loa na sa kiate koe le Eteleno, le Atua o olatou tamana, le Atua o Apalaamo, le Atua o Isaake, le Atua o Sakopo.

Sofoni 2:7

Talie e tuku loa a mata tai ana ki toetoega o le fale o Suta ; Ko le ganea lena e lotou fagai ai loa alatou kau manu ; E lotou malolo loa i le afiafi i fale o Asekaloni ; Talie e leaise galoi loa latou e le Eteleno, lolatou Atua, Ti e toe aumai loa e ia lolatou kau popula.

Luka 1:68

Fakafetai ki le Aliki, le Atua o Iselaele, Talie kua asiasi a ia ki lona kakai ti kua totogi e ia a ia,

Luka 8:13

Ko latou ala na maluku i le ganea fatufatua, ko latou ala, i lalatou logo ki le folafola, na tali ia a ia i le fiafia ; kae e leaise lotou maua ia se aka, ti e lotou tui fua i se ga temi, ti e lotou siga i le lakaga o le fakasala.

Lute 1:6

Ti na tuu ake loa Naomi, a ia mo ona fugao, ke lotou mavae i le fenua o Moape, talie na logo loa a ia i le fenua o Moape kua asiasi le Eteleno ki lona kakai ti kua soli e ia se pane kiate ia.