Ekesote 4:30 - Tosi Tapu

³⁰ Ti na fakasa loa e Alone a folafola fuli ala na tuku e le Eteleno kia Moisese, ti na fakasoko loa e ia a fakamailoga fuli i mua o le kakai.

Ekesote 4:30 ပူးပေါင်းရင်းမြစ်များ

Ekesote 19:7

Na toe liliu loa Moisese ki le nofolaga o fakatasii le kau matua o le kakai, ti na tuku loa e ia ki olatou mua a folafola fuli ala na fakatotonu ake e le Eteleno kiate ia.

Ekesote 4:1

Ti na tali loa Moisese : Ko leinei, e leaise lotou tui loa kiate au, ti e leaise lotou fakalogo loa ki loku leo. Kae e lotou pati loa : Na leaise sa le Eteleno kiate koe.

Ekesote 4:15

E ke masau loa kiate ia, ti e ke tuku loa au masau ki lona gutu, ti ko au e kau nofo loa mo lou gutu ti mo lona gutu, ti e kau ako loa kia koulua le nea leia e tonu ke kolua fai.

Ekesote 4:16

E fakasoko loa e ia au masau ki le kakai ; ti e liliu loa a ia kiate koe ko lou gutu, ti e ke liliu loa kiate ia ko le fakafofoga o le Atua.