Ekesote 38:8 - Tosi Tapu

⁸ Na fai loa e ia le tanoa sila mo lona tuuaga sila, o fakaaoga ki ai a tiloata o fafine ala na fakatasi i le matapa o le falela tapu.

Ekesote 38:8 ပူးပေါင်းရင်းမြစ်များ

Uluaki tosi o Sau 7:38

Na toe fai loa e Ilame ni tanakiaga vai e kau agafulu ki le sila. Na liti afe kau lelau ono le tanakiaga vai e tasi, ti na meta lua lona taualuga, ti na teki a ia i le saliote e tasi.

Lua tosi o Koloniko 4:2

Na fai loa e ia le tai ki le sila na saka. Na meta lima mei leia laugutu ki leia laugutu, ti na meta lua vaelua lona taualuga, ti na meta kau agafulu tupu lima lona takai katoa.

Pesalemo 26:6

E kau fanofano oku lima i le mea, Ti e kau ano ki tafa o lou aletale, Eteleno !

Ekesote 30:17

Na masau loa le Eteleno kia Moisese, o pati :

Ekesote 31:9

mo le aletale o kaloni ; mo le aletale o failaulau mo ona nea gaoi fuli ; mo le tanoa sila mo lona tuuaga ;

Ekesote 38:7

Na fakaulu loa e ia ki kavei i fetuu o le aletale a amo ala ke amo ai. Na fai loa e ia le aletale ki ni papa, o tupu ke popoko a loto.

Ekesote 40:7

E ke fakatuu loa le tanoa i le vasa o le falela mo le aletale, ti e ke tuku loa ki ai se vai.

Taagapati 8:34

Manuia le tagata leia e fakalogo mai kiate au, Leia e talitali i aso fuli i oku matapa, Ti e taupau ia ona pou !

Esaia 3:23

Mo tiloata tilotilo, ti mo kofu maninifi, Mo kie sai o ulu, ti mo kie sai o ua.

Sakalia 13:1

I le aso lena, e fakamavaa loa se matapuna vai Ki le fale o Tavite ti mo le kakai o Selusalemi, Ki le agasala ti mo le kelekele.

Mateo 26:69

Kae na tonatona loa Petelo i fafo i le malae. Na fakafeofi ake loa se fafine fakasausau kiate ia, o pati : Ko koe foki, na ke nofo mo Sesu, le Kalilea.

Luka 2:37

Na nofo lokonui a ia o kaku ki lona fetuu kau valu tupu fa, ti na leaise mavae a ia i le fale tapu, ti na tausi a ia ki le Atua i le po mo le ao i le sesunio mo le faikole.

Soane 13:10

Na pati loa Sesu kiate ia : Ko leia kua maanu, e aoga fua kiate ia ke fufulu ona vae ke mea katoa a ia ; ti e kotou mea, kae leaise ko koutou fuli.

Soane 18:16

kae na nofo loa Petelo i fafo o ofi ki le matapa. Ko leia ake tisipulo, leia na iloa e le pule faisakilifisio, na ulu loa ki fafo o masau ki le fafine fakasausau, ti na fakaulu loa e ia Petelo ki loto.

Uluaki tosi kia Timoteo 5:5

Ko le fafine leia kua lokonui maoki, e leaise tausi a ia e se tasi, ti kua tuku e ia lana fanaki ki le Atua, ti e faikole tuumau a ia o kole lona tokoi i le po mo le ao.

Epelo 9:10

ti ko nea ana, mo nea kai, mo nea inu, ti mo fakamea kesekese, ko ni lekula fakatino latou, ala na fakatuu fua o kaku ki se temi leia e fakafoou ai latou.

Uluaki tosi a Soane 3:7

Fanau liliki, ke aua na kakaai koutou e se tasi. Ko leia e mauli i le maokioki e maokioki a ia, ofaipe Ia totonu e maokioki.

Apokalipisi 1:5

ti meia Sesu-Kilisito, ko le tagata fakamaoki agatonu, ko le uluaki tupu mei le kau mate, ti ko le Aliki o sau o le malama nei ! Ki leia e alofa kia tatou, leia na fufulu ia tatou ia tou agasala ki lona toto,

Uluaki tosi a Samuele 2:22

Kua matua ai Eli, ti na logo loa a ia ki le aga leia na fai e ona vosa ki le kakai katoa o Iselaele ; na iloa foki e ia na momoe ona vosa mo fafine ala na fakatasi i le matapa o le falela tapu.