Ekesote 34:2 - Tosi Tapu

² Teuteu ki le usu apogipogi, ti ke pale loa i le usu ki le mauga o Sinai ; e ke tuu loa i oku mua, i le tumutumu o le mauga.

Ekesote 34:2 ပူးပေါင်းရင်းမြစ်များ

Ekesote 19:11

Ke lotou nofo teuteu ki le tolu o aso, talie i le tolu o aso e ifo ai loa le Eteleno ki le mauga o Sinai, ti e tio mata loa le kakai katoa kiate ia.

Ekesote 19:18

Na afu katoa loa le mauga o Sinai, talie na ifo loa le Eteleno ki ai i loto malie o se afi ; na malaga ake le afu lena ki aluga ofaipe se afu o se gutuumu kaka, ti na galulu le mauga katoa.

Ekesote 19:20

Na ifo loa le Eteleno ki le mauga o Sinai, ki le tumutumu o le mauga. Na kalaga loa le Eteleno kia Moisese ke pale ki le tumutumu o le mauga. Ti na pale loa Moisese.

Ekesote 19:24

Na pati loa le Eteleno kiate ia : Ano, ifo ; ti ke toe pale mai loa mo Alone. Kae ke aua na pale mai loa kiate au le kau tagata faisakilifisio mo le kakai, talie ke aua na kau tautea loa latou ki le mate.

Ekesote 24:12

Na pati loa le Eteleno kia Moisese : Pale mai kiate au i le mauga, ti ke nofo i ai ; e kau soli atu loa kiate koe ni laui fatu, le lao mo fakatotonu ala na kau tosi ke akoi ai latou.

Tetelonome 9:25

Na kau punou loa o fakatuu oku mata ki le kele i mua o le Eteleno, ti na kau nofo loa o punou i le kele i aso e kau fa mo po e kau fa, o tupu na pati le Eteleno kua loto a ia ke maumaui e ia koutou.