Ekesote 33:4 - Tosi Tapu

⁴ I le logo loa a le kakai ki masau fakaii ana, na lotou fetagisi loa ; ti na leaise tui loa e se tasi ona nea fakateuteu.

Ekesote 33:4 ပူးပေါင်းရင်းမြစ်များ

Lua tosi a Samuele 19:24

Na ifo mai foki mo Mefiposete, makopuna o Saulo, o fakafelavei ki le sau. Na leaise fufulu fua e ia ona vae, pe tele lona kaukava, pe fo ona nea lava, talu mei le aso leia na ano ai le sau o kaku ki lana toe liliu mai i le tokamalie.

Uluaki tosi o Sau 21:27

I le oki o le logo a Akapo ki folafola a Elia, na sae loa e ia ona kofu, kae na tui loa e ia se taga ki lona tino, ti na sesunio loa a ia : na moe a ia mo le taga lena, ti na saele tolotolo fua a ia.

Lua tosi o Sau 19:1

I le logo loa a le sau ko Esekiasi ki nea ana, na sae loa e ia ona teu, ti na tui loa e ia se taga, o ano ki le fale o le Eteleno.

Esetalasi 9:3

I laku logo ki le nea lena, na kau sae loa oku kofu mo loku taupulupulu, ti na kau futi loa oku fului ulu mo loku kaukava, ti na kau tonatona loa i le mamae.

Sopo 1:20

Ti na tuu loa a Sopo ki aluga, o sae lona taupulupulu, mo tele lona ulu ; ti na fakamapee loa a ia ki le kele, ti na su loa a ia,

Sopo 2:12

I lalatou tio kia Sopo mei mamao, na leaise lotou iloa a ia, ti na lotou siki loa olatou leo ki aluga o tagi. Na lotou sae loa olatou taupulupulu, ti na lotou laku loa le efu ki aluga o olatou ulu.

Ekesote 33:6

Na tatala loa e fanau a Iselaele olatou nea fakateuteu, ti na lotou fakamamao loa mei le mauga o Olepe.

Esaia 32:11

Ke kotou i, fafine fakaauauganoa ! Ke kotou lulu, taineliki fakafulufulumalie ! Ke kotou tatala okoutou kofu, ke kotou telefua, Ti ke kotou tui le taga !

Esekiele 24:17

Mamae fakalologo, ti aua na fai se putu ; sai lou sulu ki lou ulu, ti tui ou taka ki ou vae ofaipe le masani ; aua na ke uufi lou kaukava, ti aua na ke kai le pane a ni iki.

Esekiele 24:23

ti e kotou sai loa okoutou ulu, ti e kotou tui loa okoutou taka ; e leaise kotou tagi laulau loa ti e leaise kotou tagi loa ; kae e kotou gaegae loa o tupu ko akoutou agasala, ti e kotou mamae loa.

Esekiele 26:16

E ifo loa a aliki fuli o le tai i olatou ekeekeaga fakasau, E lotou tatala loa olatou taupulupulu, Ti e lotou tuku loa olatou kofu fakamailoga ; Kae lotou kofu loa ki le i, ti e lotou tonatona loa ki le kele ; E lotou lulu loa i temi fuli, Ti e lotou ofolele lasi loa o tupu ko koe.

Oseo 7:14

E leaise lotou tagi kiate au i lolatou loto, Kae e lotou lauga i lolatou moeaga ; E lotou fakatasi ke maua se fulumeto mo se vino, Ti e lotou fakamamao iate au.

Levitiko 10:6

Ti na pati loa Moisese kia Alone, mo Eleasale, mo Itamale, vosa o Alone : aua na kotou fakatekateka okoutou fa ulu ; aua na kotou sae okoutou kofu ke fakamailoga ai le mate ; talie e kotou aumai loa le mate kia koutou ti mo le sausau o le Eteleno ki le kakai o Iselaele. Kotou tuku okoutou fetaina fuli ko fanau a Iselaele ke tagi kia latou ala kua tamate e le Eteleno ki le afi.

Sonasi 3:6

Na kaku loa le nea ki le sau o Ninive ; ti na tuu ake loa a ia i lona ekeekeaga fakasau, o tatala lona taupulupulu, kae tui loa e ia se taga, ti na tonatona loa a ia i le mugalafu.

Sakalia 7:3

mo vesili ki le kau tagata faisakilifisio o le fale o le Eteleno o kau tau, ti mo le kau polofeta : Pe tonu ke kau tagi mo sesunio i le masina lima, ofaipe le nea leia na kau fai i ni fetuu mauke ?

Sakalia 7:5

Pati ki le kakai katoa o le fenua ti mo le kau tagata faisakilifisio : I lakoutou sesunio mo fetagisi i le masina lima mo le masina fitu, talu mei fetuu e kau fitu, pe na kotou sesunio kiate au ?

Numelo 14:1

Na siki ake loa le leo o le kakai katoa, o tagi ; ti na lotou fetagisi loa i le po katoa.

Numelo 14:39

Na fakasa loa e Moisese a folafola ana ki fanau fuli o Iselaele, ti na mamae lasi ai le kakai i ai.

Uluaki tosi a Samuele 6:19

Na tautea loa e le Eteleno le kakai o Pete-Semesi, i le temi leia na lotou faino ai ki loto o le aleka o le Eteleno ; na taai loa e ia le tino fitu tagata i le kakai. Ti na mamae lasi ai le kakai, talie na taai e le Eteleno le kakai ki se tautea lasi.