Ekesote 32:8 - Tosi Tapu

⁸ Kua lotou maliu fakatavili mei le ala leia na kau fakasa kia latou ; ti kua lotou fai se uviki pipi ki le aulo saka, ti kua lotou punou i ona mua, o momoli ki ai ni sakilifisio, ti kua lotou pati : Iselaele ! ko leinei lou atua, leia na fakamavae ia a koe mei le fenua o Esipito.

Ekesote 32:8 ပူးပေါင်းရင်းမြစ်များ

Uluaki tosi o Sau 12:28

I le oki o lana afa tokoi, na fai loa e le sau ni pipi aulo e lua, ti na pati loa a ia ki le kakai : Kua fualoa ai lakoutou tau pale ki Selusalemi ; Iselaele ! ko leinei lou atua, leia na fakamavae ia a koe mei le fenua ko Esipito.

Neemia 9:18

i le temi leia na lotou fau ai se uviki pipi aulo, o pati : Ko leinei lou Atua, leia na fakamavae ia a koe mei Esipito, ti na lotou lauveli lasi loa kiate koe.

Pesalemo 106:19

Na lotou fai loa se uviki pipi i Olepe, Na lotou punou loa i mua o se fakatata ukamea na saka.

Pesalemo 78:36

Kae na lotou kakaai a ia i olatou gutu, Ti na lotou loiloisi a ia i olatou alelo ;

Ekesote 20:23

Aua na kotou fai loa ni taulaatua siliva, pe ko ni taulaatua aulo ke kotou fakatatau mo au, o kotou tausi loa kia latou ; aua na kotou fai loa ni taulaatua.

Ekesote 22:20

Ko leia e momoli ia ni sakilifisio ki ni atua kese i le Eteleno toka tasi, e tonu ke tamate a ia.

Ekesote 32:4

Na too loa e Alone a nea ana mei olatou lima, o laku latou ki se kulo, ti na fai loa e ia se fakatata ko se uviki pipi ki le aulo leia na saka. Ti na pati loa le kakai : Iselaele ! ko leinei lou atua, leia na fakamavae ia a koe mei le fenua o Esipito.

Ekesote 34:15

Tokaga ai kiate koe, ke aua na ke fai ia se sai mo le kakai o le fenua, talie ke aua na ke tausi ki olatou atua ti mo ke momoli ni sakilifisio kia latou, ti ke lotou fakaafe loa a koe, o ke kai loa ki alatou vikitima ;

Esaia 46:6

Ko leinei e lotou liligi le aulo mei lalatou taga paaga, Ti e lotou fua le mamafa o le paaga i le fua. E lotou totogi se tagata tufuga ukamea ke fai ia ki le aulo mo le paaga se atua, Ti e lotou punou i ona mua, o atolasio ki ai.

Selemia 31:32

E leaise faipe le sai leia na kau fai mo olatou tamana, I le aso leia na kau too ai latou i le lima o fakamavae latou i le fenua o Esipito, Sai leia na lotou maumaui, Logo ko au ko lolatou pule, e pati le Eteleno.

Levitiko 17:7

E leaise lotou toe momoli loa alatou sakilifisio ki ni temonio (ala e fakatata e ni koti tagata), ala e lotou tono ki ai. E tuku loa le lekula lena kia latou mo olatou sakoga o lee gato.

Tetelonome 32:17

Na lotou momoli loa ni sakilifisio ki ni temonio ala e leaise Atua, Ki ni atua ala e leaise lotou iloa, Ki ni atua foou ala na leaise iloa e olatou tamana.

Tetelonome 9:12

Na pati mai loa le Eteleno kiate au : Ke ke tuu ki aluga, o ifo vave i leinei, talie ko le kakai leia na ke fakamavae mei Esipito kua fai ia se agasala veli, ti kua lotou mavae fakatavili mei le ala leia na kau fakasa kia latou, ti kua lotou fai kia latou se fakatata ki le ukamea saka.

Tetelonome 9:16

Na kau tio loa, ti ko leinei, kua kotou agasala ki le Eteleno, lokoutou Atua : kua kotou fai se uviki pipi ki se ukamea saka ; kua kotou mavae fakatavili mei le ala leia na fakasa e le Eteleno kia koutou.

Sosue 22:15

Na lotou ano loa ki le fenua o Kalaate ki vosa o Lupeni, mo vosa o Kate, ti mo vosa o le vaelua o Manase, ti na lotou masau loa, o pati :

Tuifakamaau 2:17

Kae na leaise lotou fakalogo foki ki olatou tui fakamaau, talie na lotou tausi loa ki ni atua kese, ti na lotou punou loa i olatou mua. Na lotou maliu vave ai mei le ala leia na saele ai olatou tamana ala na fakalogo ki folafola a le Eteleno : Na lotou fai loa ni nea faikese.

Tuifakamaau 8:24

Na toe pati loa Seteone kia latou : E i ai laku kole e kau fia fai loa kia koutou : ke soli mai loa kiate au e le tagata taki toka tasi o koutou se mama aulo i lona vaega. Talie na teuteu le fili ki ni mama aulo ofaipe latou fuli ala e mauli i le toafa.